সৰুপথাৰ,15 জুন : শেহতীয়াকৈ অসম-নাগালেণ্ড সীমান্ত(Assam Nagaland border)ৰ উৰিয়ামঘাটৰ সোণালী নগৰৰ তিনি কিশোৰক চিআৰপিএফ(CRPF)ৰ জোৱানে ঘৰৰ পৰা উঠাই নি মাৰপিট কৰাৰ ঘটনা সংঘটিত কৰিছিল ৷ এই সন্দৰ্ভত সোমবাৰে উৰিয়ামঘাট সীমান্ত আঞ্চলিক ছাত্ৰ সন্থাই মহকুমাধিপতিক এক স্মাৰক পত্ৰ প্ৰদান কৰে ৷
উল্লেখযোগ্য যে, অসম-নাগালেণ্ড সীমান্তৰ উৰিয়ামঘাটৰ সোণালী নগৰৰ তিনি কিশোৰ ক্ৰমে জান গগৈ, পৱিত্ৰ গগৈ আৰু মিণ্টু আহমেদক ১৪২ নং চিআৰপিএফৰ জোৱানে ঘৰৰ পৰা এটা পানী মটৰ চুৰি কৰাৰ সন্দৰ্ভত উঠাই নি ওৰে নিশা অমানৱীয়ভাৱে মাৰপিট কৰে ৷ এই ঘটনাৰ পিছত ধনশিৰি মহকুমাৰ মহকুমাধিপতি(SDO Dhansiri subdivision)ক স্মাৰক পত্ৰ প্ৰদান কৰি আঞ্চলিক ছাত্ৰ সন্থাই উক্ত বিষয়ৰ সন্দৰ্ভত সঠিক তদন্তৰ দাবী কৰে ৷
লগতে পঢ়ক : ঐতিহাসিক দলং সংৰক্ষণৰ অনুৰোধ জনাই মুখ্যমন্ত্ৰীলৈ পত্ৰ বিধায়ক অখিল গগৈৰ