দৰং, 29 ছেপ্টেম্বৰ: ৰাজ্যৰ ভিন্ন প্ৰান্তৰ লগতে দৰঙত অবৈধ নিচা জাতীয় সামগ্ৰী তথা চুলাই মদ সৰবৰাহৰ বিৰুদ্ধে তৎপৰ হৈছে আৰক্ষী (Operation against illegal wine in Darrang) ৷ এইবাৰ চুলাই মদ বিৰোধী অভিযানত নামিল খোদ উপায়ুক্ত আৰু আৰক্ষী অধীক্ষক ৷ দৰঙৰ উপায়ুক্ত প্ৰণৱ কুমাৰ শৰ্মা (DC Pranab Kumar Sarma) আৰু আৰক্ষী অধীক্ষক প্ৰশান্ত শইকীয়া নামিল চুলাই মদৰ বিৰুদ্ধে অভিযানত ৷
এক গোপন সূত্ৰৰ পম খেদি দৰঙৰ উপায়ুক্ত আৰু আৰক্ষী অধীক্ষকৰ নেতৃত্বত মঙলদৈৰ নিকটৱৰ্তী বঙলাগড়ত চলোৱা হয় এই অভিযান ৷ বঙলাগড়ত প্ৰস্তুত কৰা চুলাই মদৰ অবৈধ ঘাটি উৎখাত কৰাৰ লগতে নষ্ট কৰিলে বহু হাজাৰ লিটাৰ চুলাই মদ (Local liquor destroyed in Darrang) ৷ ইয়াৰোপৰি চুলাই প্ৰস্তুত কৰাৰ সময়ত ব্যৱহৃত বিভিন্ন সামগ্ৰীও ধ্বংস কৰে অভিযানকাৰী দলটোৱে ।
অৱশ্যে অভিযানৰ সময়চোৱাত কোনো লোকক আটক কৰিবলৈ সক্ষম নহ’ল অভিযানকাৰী দলটোৱে ৷ জিলাখনত যেতিয়ালৈ এই অবৈধ চুলাই প্ৰস্তুত অথবা সৰবৰাহ বন্ধ নহয় তেতিয়ালৈকে অভিযান অব্যাহত ৰাখিব বুলি জিলা আৰক্ষী অধীক্ষক আৰু উপায়ুক্তগৰাকীয়ে সদৰি কৰে ৷
লগতে পঢ়ক: একেদিনাই তিনিজনকৈ ঘোচখোৰ বিষয়া জালত পৰিল দুৰ্নীতি নিবাৰক শাখাৰ
