বিশ্বনাথ,14 চেপ্টেম্বৰ: পুৱতি নিশা বিশ্বনাথৰ বিহালী বিধানসভা সমষ্টিৰ বৰজাৰণী গাঁও পঞ্চায়তৰ অন্তৰ্গত বৰজাৰণীত বনৰীয়া হাতীয়ে ত্ৰাসৰ সৃষ্টি কৰে ৷ গাঁৱখনৰ নুৰভক্ত আলি,ছালেহ আহমেদ,ৰুদ্ৰ পৌড়েলৰ বাসগৃহত পৰিয়াল কেইটাই শুই থকা অৱস্থাতে অতৰ্কিতে এটা বন্য হস্তীয়ে আহি আক্ৰমণ কৰে । প্ৰায় পাঁচটাকৈ পকী ঘৰৰ দেৱাল ভঙাত কথমপিহে প্ৰাণৰক্ষা পৰে পৰিয়াল কেইটাৰ শিশুসহ অন্যান্য সদস্যসকলৰ। হাতীয়ে পৰিয়াল কেইটাৰ কেইবাটাও বাসগৃহৰ বিস্তৰ ক্ষতি সাধন ক্ষতি কৰাৰ লগতে গৃহটোত মজুত থকা অধিকাংশ খাদ্য সামগ্ৰীয়েই অনিষ্ট সাধন কৰে। পৰিয়ালকেইটাই বন বিভাগৰ সৈতে যোগাযোগ কৰিও সুফল নোপোৱাৰ অভিযোগ কৰিছে। বন্যহস্তীয়ে চলোৱা তিনিঘন্টা যোৰা তাণ্ডৱৰ অন্ততঃ বন বিভাগৰ পৰা অহা এটা দল অৱশেষত হাতী দুটা খেদিবলৈ সক্ষম হয়।
বিশ্বনাথৰ বৰজাৰণীত বন্যহস্তীৰ আতংক
