ইটাখোলাত কিশোৰী ধৰ্ষণত অভিযুক্ত যুৱকক গ্ৰেপ্তাৰ

চতিয়া, 7 ছেপ্তেম্বৰ : চতিয়াৰ ইটাখোলা আৰক্ষী চকীৰ অন্তৰ্গত সদাইবৰাত সংঘটিত হৈছে কিশোৰীক ধৰ্ষণৰ ঘটনা ৷ জানিব পৰা অনুসৰি, 1 নং ইটাখোলাৰ বিকু মুণ্ডা নামৰ যুৱকজনে ঘৰৰ কাষতে অনুষ্ঠিত কৰম পূজাস্থলীৰ পৰা এগৰাকী 16 বছৰীয়া কিশোৰীক ফুচুলাই আনি ধৰ্ষণ কাণ্ড সংঘটিত কৰে ৷

ইটাখোলাত কিশোৰীক ধৰ্ষণত অভিযুক্ত যুৱকক গ্ৰেপ্তাৰ

ইয়াৰ পিছতে কিশোৰীগৰাকীক ঘটনাস্থলীতে পেলাই থৈ পলায় অভিযুক্ত বিকু মুণ্ডাই ৷ কিশোৰীগৰাকীয়ে কোনোমতে ঘটনাস্থলীৰ পৰা উঠি আহি ওচৰৰে আইজুৰ ৰহমান নামৰ লোকজনৰ ঘৰত উপস্থিত হৈ সকলো কথা বিবৰি কয় ৷ আইজুৰ ৰহমানে কিশোৰীগৰাকীক ইটাখোলা আৰক্ষী চকীলৈ লৈ যায় ৷

তাতে কিশোৰীগৰাকীৰ পৰিয়ালৰ লোকৰ উপস্থিতিত অভিযুক্ত বিকু মুণ্ডাৰ বিৰুদ্ধে এজাহাৰ দাখিল কৰা হয় ৷ আৰক্ষীয়ে এই এজাহাৰৰ ভিত্তিতে POSCO আইনৰ অধীনত গোচৰ ৰুজু কৰি বিকু মুণ্ডাক গ্ৰেপ্তাৰ কৰে ৷ পৰৱৰ্তী সময়ত ভুক্তভোগী কিশোৰীগৰাকীক স্বাস্থ্য পৰীক্ষা কৰোৱাই পৰিয়ালৰ লোকক গতাই দিয়ে আৰক্ষীয়ে ৷

লগতে পঢ়ক : তিনিমাহৰ অন্তত অভয়াকুটি হত্যাকাণ্ডৰ চাৰ্জশ্বীট দাখিল