বিশ্বনাথ, ১২ ছেপ্টেম্বৰ : ভাৰত চৰকাৰৰ পানী সংৰক্ষণ আৰু ইয়াৰ ব্যৱস্থাপনাক উচ্চ অগ্ৰাধিকাৰ দিবলৈ সদায়ে প্ৰতিশ্ৰুতিবদ্ধ । সেই অনুসৰি সোমবাৰে বিশ্বনাথৰ পাভৈ গাঁও পঞ্চায়তত আয়োজন কৰা হয় এখনি সজাগতা সভাৰ (Agriculture meeting held at Pabhai) ৷
য’ত প্ৰধানমন্ত্ৰী কৃষি সিঞ্চাই যোজনা (Pradhan Mantri Krishi Sinchai Yojana) চমুকৈ PMKSY ৰ জৰিয়তে কৃষকসকলে লাভ কৰিব পৰা লাভালাভৰ বিষয়ে বিতংভাৱে আলোচনা কৰা হয় । এই সভাত পাভৈ কৃষি চক্ৰৰ অন্তৰ্গত বামুণীপথাৰ, ৰঙামুৰী, মিছামাৰী, চেলাইখাটি, ধূলি আদি অঞ্চলৰ প্ৰায় অৰ্দ্ধ শতাধিক কৃষকে অংশগ্ৰহণ কৰে ।
এই কাৰ্যসূচীত পাভৈ কৃষি চক্ৰৰ কৃষি উন্নয়ন বিষয়া লয়নময় বৰঠাকুৰ, পাভৈ গাঁও পঞ্চায়তৰ সভাপতি চৰণ নাৰ্জাৰী আৰু বিশ্বনাথ জিলা কৃষি বিষয়াৰ কাৰ্যালয়ৰ অন্যান্য বিষয়া আৰু কৰ্মচাৰীসকলো উপস্থিত থাকে ।
লগতে পঢ়ক : ভাদৰ আচলত ধৰি কঁহুৱাৰ সৈতে আকৌ আহিছে আহিন
