কলগাছিয়া, 6 জুলাই: ৰাজ্যত বানৰ সমান্তৰালকৈ অব্যাহত আছে খহনীয়াৰ তাণ্ডৱ ৷ খহনীয়াত উটি গৈছে বহু পৰিয়ালৰ ঘৰ-বাৰী, সা-সম্পত্তি তথা সৰ্ব্বস্ব ৷ কলগাছিয়া ৰাজহ চক্ৰৰ অন্তৰ্গত বলাইপাথাৰ গাওঁত বেকী নৈৰ প্ৰবল গৰাখহনীয়া (Beki River Erosion at Balaipathar in Kalgachia)। চপৰা-চপৰে খহিছে নৈৰ গৰা ৷
এসপ্তাহত উছন হ’ল ১৫ টাকৈ পৰিয়ালৰ ভেটি মাটি, ঘৰ-দুৱাৰ সৰ্ব্বস্ব নদীৰ বুকুত সম্পূৰ্ণৰূপে বিলীন হৈ যায় । সমান্তৰাকৈ নৈৰ বুকুত জাহ গল PMAY গৃহ, বিঘাই বিঘাই খেতি পথাৰ । বানপানীৰ পিছতেই ৰুদ্ৰমূৰ্তি লৈছে বেকী নৈৰ গৰাখহনীয়াই ।
ভাবুকিৰ সন্মুখীন হৈছে কলগাছিয়া ৰাজহ চক্ৰৰ কেইবাখনো গাৱঁৰ লগতে দক্ষিণ বলাইপাথাৰ প্ৰাথমিক বিদ্যালয় । কাণসাৰ নাই জনপ্ৰতিনিধি তথা চৰকাৰৰ । প্ৰশাসনে খহনীয়া প্ৰতিৰোধৰ ব্যৱস্থা নকৰাত অৱশিষ্ট নিজৰ ঘৰ দুৱাৰ সমূহ ভাঙি লৈ নিৰাপদ স্থানত ঢাপলি মেলিছে ভূক্তভোগীয়ে ।
উল্লেখ্য যে, সমাগত ঈদ-উদ-জ্জোহাৰ প্ৰাগমূহুৰ্তত খহনীয়াৰ কৱলত পৰি সৰ্বহাৰা হৈছে শ শ ৰাইজ । শীঘ্ৰেই খহনীয়া প্ৰতিৰোধ কৰাৰ লগতে ভূক্তভোগী সকলক ক্ষতিপূৰণ দিবলৈ আহ্বান জনাইছে ৰাইজে ।
লগতে পঢ়ক: জনীয়াৰ চাউলখোৱা নদীৰ ৰুদ্ৰ ৰূপ
