NRCয়ে সংজ্ঞাহীন কৰিলে বাক্সাৰ এজন ব্যক্তিক

১৯৩২ চনৰ মাটিৰ দলিল তথা ১৯৭০ চনৰ লিগেচী জমা দিয়াৰ লগতে বিগত সময়ছোৱাত ছয়বাৰকৈ শুনানি উপস্থিত হৈছিল বাক্সাৰ খয়বৰ আলিৰ পৰিয়ালটো ৷

বাক্সা,14 ছেপ্তেম্বৰ : ক্ৰমে বিতৰ্কৰ মাজত সোমাই পৰিছে ৰাষ্ট্ৰীয় নাগৰিকপঞ্জী ৷ এইবাৰ বাক্সা জিলাৰ তামুলপুৰ মহকুমাৰ অন্তৰ্গত বৰকাজুলিৰ খয়বৰ আলিৰ নামৰ ৫৫ বছৰীয়া লোকজনৰ নাম এন আৰ চি অন্তৰ্ভুক্ত হ'ল সন্দেহজনক নাগৰিক হিচাপে ৷ শণিবাৰে নাগৰিকপঞ্জীৰ চূড়ান্ত তালিকা প্ৰত্যক্ষ কৰাৰ পিচতে পোহৰলৈ আহে প্ৰকৃত ঘটনা ৷ ১৯৩২ চনৰ মাটিৰ দলিল তথা ১৯৭০ চনৰ লিগেচী জমা দিয়াৰ লগতে বিগত সময়ছোৱাত ছয়বাৰকৈ শুনানি উপস্থিত হৈছিল খয়বৰ আলিৰ পৰিয়ালটো ৷ কিন্তু এন আৰ চিৰ চূড়ান্ত তালিকাত নিজৰ পত্নী, কন্যাৰ নাম অন্তৰ্ভূক্ত হোৱাৰ বিপৰীতে নিজৰ নামত সন্দেহযুক্ত নাগৰিক বুলি সংলগ্ন হোৱা হোৱাত মানসিকভাৱে ভাগি পৰাৰ লগতে ঘৰলৈ আহি অচেতন হৈ পৰে খয়বৰ আলি ৷