স্পৰ্টচ ডেস্ক, 25 জুলাই : চলিত টকিঅ’ অলিম্পিকত (Tokyo olympics) মহিলাৰ 52 কেজি শাখাৰ ৰাউণ্ড 32ত জয়লাভ কৰি ৰাউণ্ড 16ত প্ৰৱেশ কৰে 6 বাৰৰ বিশ্ব চেম্পিয়ন তথা অলিম্পিক মেডেলিষ্ট এম চি মেৰী কম (M C Mary Com) ৷ দেওবাৰে ডমিনিকান ৰিপাব্লিকৰ হেৰনাণ্ডেজ গাৰ্চিয়াক পৰাস্ত কৰি ৰাউণ্ড 16ত প্ৰৱেশ কৰে মেৰী কমে ৷ প্ৰতিযোগিতাখনিত উপস্থিত থকা 5 গৰাকী বিচাৰকে এই সিদ্ধান্ত প্ৰদান কৰে ৷ ইয়াৰে তিনিগৰাকী বিচাৰকে মেৰীৰ পক্ষত মত প্ৰদান কৰাৰ বিপৰীতে দুগৰাকী বিচাৰকে হেৰনাণ্ডেজৰ পক্ষত মত প্ৰদান কৰে ৷
দেওবাৰৰ খেলখনত গাৰ্চিয়াৰ বিপৰীতে কিছুমান চমকপ্ৰদ কৌশল প্ৰয়োগ কৰা দেখিবলৈ পোৱা যায় মেৰী কমক ৷ আনহাতে, অহা 29 জুলাইত কলোম্বিয়ান বক্সাৰ ইংগ্ৰিত ভেলেনচিয়াৰ মুখামুখী হ’ব মেৰী কম ৷ ইংগ্ৰিত ভেলেনচিয়াই 2016 চনৰ ৰিঅ’ অলিম্পিকত ব্ৰঞ্জৰ পদক লাভ কৰিবলৈ সক্ষম হৈছিল ৷
লগতে পঢ়ক- Tokyo Olympics : বেডমিন্টনৰ একক শাখাত পি ভি সিন্ধুৰ প্ৰথম বিজয়
