ইণ্টাৰনেচনেল ডেস্ক, ১৯ জানুৱাৰী : নাছাই ঘোষণা কৰিছে যে ই বিমান উদ্যোগ কোম্পানী বয়িঙৰ (aircraft industry company Boeing) সৈতে অধিক ইন্ধন-দক্ষ বিমান ডিজাইনৰ ওপৰত কাম কৰি আছে (NASA and Boeing working on aircraft design) । মহাকাশ সংস্থাটোৱে বুধবাৰে এক ব্লগপোষ্টত কয় যে এক মহাকাশ আইন চুক্তি পুঁজিৰ অধীনত বয়িঙে নাছাৰ সৈতে উদ্ভাৱন, পৰীক্ষা আৰু উৰণৰ এক সম্পূৰ্ণ পৰ্যায়ৰ প্ৰদৰ্শক বিমানৰ (full scale demonstrator aircraft) নিৰ্গমন হ্ৰাস কৰাৰ লক্ষ্যৰে প্ৰযুক্তিৰ বৈধতা প্ৰদানৰ বাবে কাম কৰিব ।
"সাত বছৰত নাছাই 425 নিযুত ডলাৰ বিনিয়োগ কৰিব । আনহাতে, কোম্পানীটো আৰু ইয়াৰ অংশীদাৰসকলে চুক্তিৰ পুঁজিৰ বাকী অংশত অৰিহণা যোগাব । যাৰ পৰিমাণ আনুমানিক 725 নিযুত ডলাৰ ।" নাছাৰ সূত্ৰত প্ৰকাশ । তদুপৰি, চুক্তিৰ অংশ হিচাপে সংস্থাটোৱে কাৰিকৰী দক্ষতা আৰু সুবিধাসমূহো আগবঢ়াব ।
নাছাৰ প্ৰশাসক বিল নেলছনে কয়, "এইটো আমাৰ লক্ষ্য যে বয়িঙৰ সৈতে নাছাৰ অংশীদাৰিত্বই (NASA partnership with Boeing) এক পূৰ্ণ পৰ্যায়ৰ প্ৰদৰ্শক প্ৰস্তুত আৰু পৰীক্ষা কৰাত সহায় কৰিব, যিয়ে ভৱিষ্যতৰ বাণিজ্যিক বিমানবোৰক অধিক ইন্ধন দক্ষ, পৰিৱেশ, বাণিজ্যিক বিমান উদ্যোগ আৰু বিশ্বব্যাপী যাত্ৰীসকলৰ বাবে লাভান্বিত কৰাত সহায় কৰিব ।"
নেলছনে লগতে কয়, "যদি আমি ইয়াত সফল হওঁ তেন্তে আমি এই প্ৰযুক্তিবোৰ বিমানত দেখা পাব পাৰোঁ । যিবোৰৰ দ্বাৰা ২০৩০-ৰ দশকত জনসাধাৰণক আকাশলৈ লৈ যাব পৰা যাব ।" তদুপৰি, মহাকাশ সংস্থাটোৱে ২০২০-ৰ দশকৰ শেষৰ ফালে প্ৰকল্পটোৰ বাবে পৰীক্ষা সম্পূৰ্ণ কৰাৰ লক্ষ্য ৰাখিছে ৷ "বহনক্ষম ফ্লাইট প্ৰদৰ্শক প্ৰকল্পৰ জৰিয়তে, বয়িং আৰু ইয়াৰ উদ্যোগ দলে নাছাৰ সৈতে এক সম্পূৰ্ণ-পৰ্যায়ৰ ট্ৰেনছনিক ট্ৰাছ-ব্ৰেচেড উইং প্ৰদৰ্শক বিমান বিকশিত (full scale Transonic Truss Braced Wing demonstrator aircraft) আৰু উৰণ-পৰীক্ষা কৰাৰ বাবে অংশীদাৰিত্ব কৰিব ।" মহাকাশ সংস্থাটোৱে কয় ।
ট্ৰেনছনিক ট্ৰাছ-ব্ৰেচেড উইং ধাৰণাত (Transonic Truss Braced Wing concept) অতিৰিক্ত দীঘল, পাতল পাখি থকা এখন বিমান অন্তৰ্ভুক্ত থাকে, যিবোৰ কৰ্ণীয় ষ্ট্ৰাটৰ দ্বাৰা স্থিৰ হয় । এই ডিজাইনে বিমানখনক পৰম্পৰাগত বিমানতকৈ অধিক ইন্ধন দক্ষ কৰি তোলে । কিয়নো ইয়াৰ আকৃতিৰ বাবে ইন্ধন কম জ্বলিব । এই অভিযানৰ ওপৰত ভিত্তি কৰি নাছাই আশা কৰে যে প্ৰদৰ্শক বিমানত ব্যৱহৃত প্ৰযুক্তিৰ ফলত বৰ্তমানৰ আটাইতকৈ দক্ষ single aisle aircraft-ৰ তুলনাত ইন্ধন ব্যৱহাৰ আৰু নিৰ্গমন 30 শতাংশলৈকে হ্ৰাস হ'ব ।
বয়িঙৰ মুখ্য প্ৰযুক্তি বিষয়া টড চিট্ৰনে কয়, "বয়িঙে আমেৰিকা যুক্তৰাষ্ট্ৰৰ বিমান পৰিবহণ জলবায়ু কাৰ্য পৰিকল্পনাক (US Aviation Climate Action Plan) সমৰ্থন কৰিবলৈ আৰু ২০৫০ চনৰ ভিতৰত শূন্য কাৰ্বন নিৰ্গমনৰ উদ্যোগৰ উদ্দেশ্য পূৰণ কৰাৰ বাবে ফ্লীট নৱীকৰণ, কাৰ্যকৰী দক্ষতা, নৱীকৰণযোগ্য শক্তি আৰু উন্নত প্ৰযুক্তিকে ধৰি এক বহুমুখী স্থিৰতা ৰণনীতি আগবঢ়াই আহিছে ।"
লগতে পঢ়ক :Nilmani Phookan is no more: কাব্যঋষি নীলমণি ফুকনৰ দেহাৱসান
