চিটাৰা ডেস্ক, 29 ছেপ্টেম্বৰ: দক্ষিণ চিনেমাৰ ছুপাৰষ্টাৰ প্ৰভাসৰ আটাইতকৈ প্ৰত্যাশিত ছবি ‘ছালাৰ’ সন্দৰ্ভত এটা ডাঙৰ খবৰ আহিছে ৷ এই ছবিখনৰ নতুন মুক্তিৰ তাৰিখলৈ অনুৰাগীসকলে বহুদিনৰে পৰা অপেক্ষা কৰি আছিল । এনে পৰিস্থিতিত শুকুৰবাৰে নিৰ্মাতাই ঘোষণা কৰিছে ‘ছালাৰ-পাৰ্ট 1 ছিজফাইৰ’ৰ নতুন মুক্তিৰ তাৰিখ ।
ইয়াৰ লগতে ছবিখনৰ পৰা প্ৰভাসৰ শেহতীয়া পোষ্টাৰো শ্বেয়াৰ কৰিছে । ‘ছালাৰ’ৰ নতুন মুক্তিৰ তাৰিখে নিশ্চিত কৰিছে যে কে জি এফৰ পৰিচালক প্ৰশান্ত নীলৰ এই ছবিখনে শ্বাহৰুখ খানৰ আগন্তুক ছবি ‘ডাংকি’ৰ সৈতে বক্স অফিচত সংঘৰ্ষ কৰিব ৷
ছালাৰৰ নতুন মুক্তিৰ তাৰিখ ঘোষণা
প্ৰভাসৰ ‘ছালাৰ’ বহুদিনৰ পৰাই বাতৰিৰ শিৰোনাম দখল কৰি আহিছে । এই ছবিখনৰ বাবে অনুৰাগীয়ে অতি আগ্ৰহেৰে অপেক্ষা কৰি আছিল । কে জি এফ অধ্যায় ২ ৰ সফলতাৰ পিচত এতিয়া প্ৰভাসৰ ছালাৰত ব্যস্ত হৈ পৰিছে পৰিচালক প্ৰশান্ত নীল । ইতিমধ্যে Salaar-Part-1 Ceasefire ৰ টিজাৰ মুকলি কৰা হৈছে, যিটো চোৱাৰ পিচত এই ছবিখনৰ বাবে অনুৰাগীৰ উৎসুকতা আৰু অধিক বৃদ্ধি পাইছে ।
কিন্তু এতিয়া আপোনাৰ উত্তেজনাৰ মাত্ৰা দুগুণ হ’ব, কাৰণ ছালাৰৰ নতুন মুক্তিৰ তাৰিখ ঘোষণা কৰা হৈছে ৷ শুকুৰবাৰে প্ৰভাসে নিজৰ অফিচিয়েল ইনষ্টাগ্ৰাম একাউন্টত ছালাৰৰ শেহতীয়া পোষ্টাৰ শ্বেয়াৰ কৰে, য’ত অভিনেতাজনৰ শক্তিশালী ৰূপ দেখা গৈছে । এই পোষ্টাৰৰ লগতে বাহুবলী ছুপাৰষ্টাৰে ‘ছালাৰ’ ছবিখন 2023 চনৰ 22 ডিচেম্বৰত ছবিগৃহত মুক্তি পাব বুলি ঘোষণা কৰিছে ৷
‘ডাংকি’ৰ সৈতে 'ছালাৰ'ৰ প্ৰতিযোগিতা
শেহতীয়াকৈ এটা খবৰ আহিছিল যে ‘ছালাৰ’ ছবিখনে হয়তো শ্বাহৰুখ খানৰ পৰৱৰ্তী ছবি ‘ডাংকি’ৰ সৈতে প্ৰতিযোগিতাত কৰিব পাৰে । এনে পৰিস্থিতিত ছালাৰৰ নতুন মুক্তিৰ তাৰিখ ঘোষণাৰ লগে লগে এই কথা স্পষ্ট হৈ পৰিছে যে বক্স অফিচত ‘ছালাৰ’ আৰু ‘ডাংকি’ৰ মাজত নিশ্চিতভাৱে জনপ্ৰিয়তাৰ যুঁজ হ’ব । কাৰণ দুয়োখন ছবিৰ মুক্তিৰ তাৰিখ 22 ডিচেম্বৰ ৷
লগতে পঢ়ক: Chandramukhi 2 Collection Day 1: প্ৰথম দিনাই বক্স অফিচত চূড়ান্তভাৱে বিফল কংগনা ৰাণাৱটৰ চন্দ্ৰমুখী ২
লগতে পঢ়ক: Prabhas wax statue: মহীশূৰ সংগ্ৰহালয়ৰ পৰা কিয় আঁতৰোৱা হ’ব প্ৰভাসৰ প্ৰতিমূৰ্তি ? জানি লওক কাৰণ
