চিটাৰা ডেস্ক, 25 জুলাই : আৰু অৱশেষত অপেক্ষাৰ অন্ত পৰিল ৷ আলিয়া ভাট, শ্বেফালী শ্বাহ, বিজয় বৰ্মা আৰু ৰোশন মেথিউ অভিনীত ছবি ডাৰ্লিংছৰ ট্ৰেইলাৰে লাভ কৰিলে শুভমুক্তি (darlings cast) । ঘোষণা কৰা মতেই আলিয়াই ছ’চিয়েল মিডিয়াত ডাৰ্লিংছৰ কুটিল ট্ৰেইলাৰটো শ্বেয়াৰ কৰে ।
মুম্বাইত নিৰ্মিত এই ডাৰ্ক কমেডী চলচ্চিত্ৰখনত আলিয়াক আপোনালোকে দেখিবলৈ পাব সম্পূৰ্ণ অন্য এক ৰূপত ৷ ট্ৰেইলাৰটোৰ পৰা আলিয়াক দুই ধৰণৰ ব্যক্তিত্বৰে সাঙোৰ খাই থকা দেখিবলৈ পোৱা গ’ল ৷ শ্বেফালী শ্বাহৰ সৈতে আলিয়াৰ এই মাতৃ-কন্যাৰ যুটি পছন্দ কৰিছে চলচ্চিত্ৰপ্ৰেমী দৰ্শকে ৷ মুম্বাইত নিগাজী বাসস্থান বিচৰা, পুলিচ থানালৈ অহা-যোৱা, নিত্য-নৈমিত্তিক ঘটনাবোৰৰ সৈতে যুঁজ দিয়া, এই সকলোতে শ্বেফালী আৰু আলিয়াই কৰিছে নিখুঁত অভিনয় ৷
- " class="align-text-top noRightClick twitterSection" data="">
৫ আগষ্টত নেটফ্লিক্সত প্ৰিমিয়াৰ হ’ব ভাটৰ প্ৰথম প্ৰডাকচন ভেঞ্চাৰ (darlings release date) । তেওঁ নিজৰ বেনাৰ ইটাৰ্নেল ছানশ্বাইন প্ৰডাকচনৰ জৰিয়তে ছবিখন প্ৰযোজনা কৰিছে ৷ সহযোগিতা আগবঢ়াইছে চুপাৰষ্টাৰ শ্বাহৰুখ খানৰ ৰেড চিলিজ এণ্টাৰটেইনমেণ্টে । ট্ৰেইলাৰ চাই অনুমান কৰিব পাৰি যে ডাৰ্লিংছে বিশ্বজুৰি দৰ্শকক মনোৰঞ্জন দিব ।
ফেব্ৰুৱাৰী মাহত ছবিগৃহত মুক্তি পোৱা সঞ্জয় লীলা ভাঞ্চালীৰ গংগুবাই কাথিয়াৱাড়ীৰ পিছত এইখন হ’ব আলিয়াৰ বছৰটোৰ দ্বিতীয়খন ছবি । ডাৰ্লিংছ ছবিখনৰ গীতৰ কথা প্ৰবীণ লেখক গুলজাৰৰ আৰু সংগীত বিশাল ভৰদ্বাজৰ ।
লগতে পঢ়ক: আলিয়াৰ স্বৰ্গৰ পৰী যেন লগা এই ৰূপ দেখি আপুনিও পৰিব প্ৰেমত
