গুৱাহাটী, ২ আগষ্ট: অৰ্থনৈতিক অপৰাধ তদন্ত সংস্থাৰ জালত চাৰিটা প্ৰৱঞ্চক (Fraud arrested by BIEO)। ধৃত প্ৰৱঞ্চক কেইটা হৈছে শিৱসাগৰৰ বিকাশ বৰগোঁহাই, ৰিংকুমণি বৰা, ৰজনী গগৈ, দিবাকৰ বৰা । অৰ্থনৈতিক অপৰাধ তদন্ত সংস্থাই অভিযান চলায় সোমবাৰে শিৱসাগৰৰ পৰা গ্ৰেপ্তাৰ কৰে ধৃত প্ৰৱঞ্চক কেইটাক । মংগলবাৰে মহানগৰীৰ অৰ্থনৈতিক অপৰাধ তদন্ত সংস্থাৰ কাৰ্যালয়ত সংবাদমেল সম্বোধন কৰি এই কথা সদৰী কৰে সংস্থাৰ এছ পি ৰূপজ্যোতি সন্দিকৈয়ে (Bureau Of Investigation Economic Offences)।
তেওঁ কয় যে, ২০২০চনত ১৯/২০২০ নম্বৰৰ এটা গোচৰৰ ভিত্তিত গ্ৰেপ্তাৰ কৰা হৈছে ধৃত প্ৰৱঞ্চক কেইটাক । শিৱসাগৰত Response Real ESTATE & construction (p) Limited নামৰ এটা ভুৱা প্ৰতিষ্ঠান খুলি ২০০৯-২০১৪ চনলৈ টকা আত্মসাৎ কৰিছিল এই প্ৰৱঞ্চকৰ দলটোৱে । প্ৰায় ১.৫কোটি টকা বিভিন্ন লোকৰ পৰা আত্মসাৎ কৰিছিল ব্যৱসায়ৰ নামত ।
বিশেষকৈ উজনি অসমৰ শিৱসাগৰ, যোৰহাট, লখিমপুৰ, গহপুৰ, নাৰায়ণপুৰ, লংকা আদি ঠাইৰ প্ৰায় ৫০০ লোকৰ পৰা মাটি দিম বুলি প্ৰৱঞ্চনাৰে ধন আত্মসাৎ কৰিছিল । অৱশেষত জালত পৰিল চাৰিওটা প্ৰৱঞ্চক ৷ অৱশ্যে সমগ্ৰ ঘটনাৰ অন্যতম মাষ্টাৰমাইণ্ড তথা কোম্পানীটোৰ পৰিচালন সঞ্চালক জ্যোতি গগৈ এতিয়াও পলাতক হৈ আছে ।
লগতে পঢ়ক : National Herald Case: দিল্লীৰ হেৰাল্ড বাতৰি কাকতৰ কাৰ্যালয়ত ইডিৰ অভিযান
