নিউজ ডেস্ক, 11 এপ্ৰিলঃ ভাৰতীয় ৰিজাৰ্ভ বেংকৰ মৌদ্ৰিক নীতি প্ৰতিবেদনে শুকুৰবাৰে কয় যে, দেশৰ খুচৰা বজাৰৰ মুদ্ৰাস্ফিতি আৰু খাৰুৱা তেলৰ মূল্য হ্ৰাসৰ বাবে COVID-19 মহামাৰীয়ে বিশ্ব অৰ্থনীতিক আঘাত কৰিব ।
ভাৰতীয় ৰিজাৰ্ভ বেংকৰ মুদ্ৰা নীতিৰ প্ৰতিবেদন অনুসৰি 2020-21 বিত্তীয় বৰ্ষত ভাৰতৰ উপভোক্তা মূল্য সূচকাংকৰ ওপৰত নিৰ্ভৰ কৰি আংশিক ৰূপত প্ৰথম ত্ৰিমাশিকত 4.8%, দ্বিতীয় ত্ৰিমাশিকত 4.4% , তৃতীয় ত্ৰিমাশিকত 2.7% আৰু চতুৰ্থ ত্ৰিমাশিকত 2.4 শতাংশ মুদ্ৰাস্ফীতি হোৱাৰ সম্ভাৱনা আছে । ভাৰতৰ কেন্দ্ৰীয় বেংকটোৱে লগতে কয় যে, বৰ্তমান চলি থকা অধিক অনিশ্চয়তাৰ বাবে , প্ৰত্যশিক ৰূপত বৰ্তমান অৰ্থনীতি দুৰ্বল হোৱাৰ লগতে মুদ্ৰাস্ফীতিও হ'ব পাৰে । য'ত যোগান ব্যৱস্থায়ো অধিক প্ৰভাৱ পেলাব পাৰে । তাৰ বাবে আমি কাম কৰা উচিত ।
আৰ বি আইৰ প্ৰতিবেদন খনে লগতে কয় যে, লক ডাউনৰ ফলত বৰ্তমান চাহিদা ব্যৱস্থাটো ক্ৰমাগতভাৱে দুৰ্বল হৈ গৈ আছে । এই মহামাৰীৰ ফলত উদ্ভৱ হোৱা শক্তিশালী চাপ ভাৰতে সহ্য কৰিব নোৱাৰিব ।
আনহাতে আৰ বি আইৰ এই প্ৰতিবেদনে ভাৰতৰ খুচুৰা বজাৰতো মুদ্ৰাস্ফীতিৰ প্ৰভাৱ পৰিব বুলি উল্লেখ কৰে । 2021-22 বৰ্ষলৈ এই মুদ্ৰাস্ফীতি 3.6 শতাংশৰ পৰা 3.8 শতাংশলৈ হ'ব পাৰে বুলি ব্যক্ত কৰিছে ।
