ভাৰত-ছৌদি আৰৱৰ অৰ্থনৈতিক সম্পৰ্কৰ অগ্ৰগতি

author img

By

Published : Nov 4, 2019, 2:33 PM IST

ভাৰতে তৈল ক্ষেত্ৰখনত প্ৰায় 80 শতাংশ আমদানিৰে পৰনিৰ্ভৰশীল দেশ হিচাপে শক্তিখণ্ডত ইয়াৰ নিৰাপত্তা সুনিশ্চিত কৰাৰ লগতে সুস্থিৰ বজাৰ মূল্যৰ ওপৰতো গুৰুত্ব আৰোপ কৰি আহিছে ৷ ভাৰতৰ এই পৰিকল্পনাত ছৌদি আৰৱ এক নিৰ্ভৰযোগ্য দেশ হিচাপে বিবেচিত হৈছে ৷ আমেৰিকা যুক্তৰাষ্ট্ৰই তৈল ক্ষেত্ৰখনত স্বনিৰ্ভৰশীল হোৱাৰ দিশে আগবঢ়াৰ সময়ত ভাৰত আৰু চীন খনিজ তেলৰ ক্ষেত্ৰখনত সৰ্বাধিক আমদানীকৃত দেশ হিচাপে পৰিগণিত হৈছে ৷

বিগত সপ্তাহত প্ৰধানমন্ত্ৰী নৰেন্দ্ৰ মোডীয়ে দ্বিতীয়বাৰৰ বাবে ছৌদি আৰৱ ভ্ৰমণ কৰে ৷ ভাৰতৰ শক্তিখণ্ডৰ নিৰাপত্তাৰ ক্ষেত্ৰত ছৌদি আৰৱে গুৰুত্বপূৰ্ণ ভূমিকা পালন কৰি আহিছে ৷ 2016 চনৰ এপ্ৰিল মাহত প্ৰধানমন্ত্ৰী মোডীয়ে সেই দেশ ভ্ৰমণ কৰিছিল ৷ বিগত কেইটামান বছৰত দুইখন দেশৰ মাজত অৰ্থনৈতিক সম্পৰ্কই ক্ৰমাৎ অগ্ৰগতি লাভ কৰিছে ৷

ভাৰত-ছৌদি আৰৱ দ্বিপাক্ষিক সম্পৰ্ক
মোডী আৰু ছৌদি আৰৱৰ ৰজা মহম্মদ বিন ছলমান

ভাৰতে তৈল ক্ষেত্ৰখনত প্ৰায় 80 শতাংশ আমদানিৰে পৰনিৰ্ভৰশীল দেশ হিচাপে শক্তিখণ্ডত ইয়াৰ নিৰাপত্তা সুনিশ্চিত কৰাৰ লগতে সুস্থিৰ বজাৰ মূল্যৰ ওপৰতো গুৰুত্ব আৰোপ কৰি আহিছে ৷ ভাৰতৰ এই পৰিকল্পনাত ছৌদি আৰৱ এক নিৰ্ভৰযোগ্য দেশ হিচাপে বিবেচিত হৈছে ৷ আমেৰিকা যুক্তৰাষ্ট্ৰই তৈল ক্ষেত্ৰখনত স্বনিৰ্ভৰশীল হোৱাৰ দিশে আগবঢ়াৰ সময়ত ভাৰত আৰু চীন খনিজ তেলৰ ক্ষেত্ৰখনত সৰ্বাধিক আমদানীকৃত দেশ হিচাপে পৰিগণিত হৈছে ৷

ভাৰত-ছৌদি আৰৱ দ্বিপাক্ষিক সম্পৰ্ক
মোডী আৰু ছৌদি আৰৱৰ ৰজা মহম্মদ বিন ছলমান

2018-19 বৰ্ষত ছৌদি আৰৱে ভাৰতক 40.33 মিলিয়ন টন খনিজ তেল বিক্ৰী কৰিছিল ৷ ইৰাকৰ পাচতেই ছৌদি আৰৱ ভাৰতৰ বাবে বৃহৎ তৈল ৰপ্তানীকাৰী দেশ হিচাপে চিহ্নিত হৈছে ৷ ছৌদি আৰৱৰ পৰা প্ৰায় 18 শতাংশ তেল আমদানী কৰে ভাৰতে ৷ আমেৰিকা আৰু চীনৰ পাচতে ভাৰত হৈছে তৃতীয় বৃহৎ শক্তি উপভোক্তাৰ দেশ ৷ ভাৰতে প্ৰায় 200,000 টন LPG গেছ প্ৰতিমাহে ছৌদি আৰৱৰ পৰা ক্ৰয় কৰে যিটো ভাৰতত প্ৰয়োজনীয় মুঠ পৰিমাণৰ 32 শতাংশ ৷

প্ৰধানমন্ত্ৰী মোডীৰ শেহতীয়া দুদিনীয়া ভ্ৰমণসূচীৰ সময়ছোৱাত হোৱা দ্বিপাক্ষিক চুক্তিৰ পাচত দুয়োখন দেশৰ শক্তি সম্পৰ্কই এক নতুন পৰ্যায় লাভ কৰিছে ৷ ইয়াৰ ভিতৰত ইণ্ডিয়ান ষ্ট্ৰেটেজিক পেট্ৰ'লিয়াম ৰিজাৰ্ভছ লিমিটেড আৰু ছৌদিৰ আৰামকোৰ মাজত হোৱা চুক্তিৰ ফলশ্ৰুতিত কৰ্ণাটকৰ পাদুৰত দ্বিতীয় বৃহৎ তৈল সংৰক্ষণকাৰী স্থান হিচাপে ছৌদিৰ বৃহৎ ভূমিকা পালন হ'ব ৷

ভাৰত-ছৌদি আৰৱ দ্বিপাক্ষিক সম্পৰ্ক
মোডী আৰু ছৌদি আৰৱৰ ৰজা মহম্মদ বিন ছলমান

বিগত বৰ্ষত নতুন দিল্লীয়ে কৌশলগত তৈল সংৰক্ষণৰ বাবে কেইবাটাও স্থানত অনুমোদন জনাইছিল ৷ সেই সমূহৰ ভিতৰত উৰিষ্যাৰ ছাণ্ডিখোল আৰু কৰ্ণাটকৰ পাদুৰত 6.5 মিলিয়ন মেট্ৰিক টন তৈল সামগ্ৰী সংৰক্ষণৰ ব্যৱস্থা কৰা হয় ৷

মোডীৰ ভ্ৰমণকালত হোৱা দ্বিপাক্ষিক চুক্তিসমূহৰ ভিতৰত ভাৰতীয় তৈল নিগমৰ পশ্চিম এছীয় গোট আৰু ছৌদি আৰৱৰ আল জেৰিৰ মাজত হোৱা চুক্তি অন্যতম ৷ ইয়াৰ ভিতৰত ছৌদি আৰৱত এটা তৈল কেন্দ্ৰ নিৰ্মাণ কৰাৰ পৰিকল্পনাও আছে ৷ এই বিনিয়োগৰ দ্বাৰাই ভাৰতে তৈল আৰু গেছ প্ৰকল্পৰ ভিতৰত যোগান,বজাৰ,বিশুদ্ধিকৰণ আদি অন্যতম ব্যৱস্থা হাতত ল'ব, যাৰ দ্বাৰাই দুয়োখন দেশৰ মাজত শক্তিখণ্ডৰ সহযোগিতা বৃদ্ধি পাব ৷ ছৌদি আৰৱৰ ৰাষ্ট্ৰীয় তৈল কোম্পানী আৰামকো আৰু UAEৰ ৰাষ্ট্ৰীয় কোম্পানী আবু ধাবি নেশ্যনেল কোম্পানী দুটাই ভাৰতৰ তৈল নিগমৰ সৈতে এক চুক্তিত স্বাক্ষৰিত হৈছে য'ত ভাৰতৰ 50 শতাংশ অংশীদাৰিত্ব থাকিব৷ দৈনিক 1.2 মিলিয়ন বেৰেল উৎপাদন ক্ষমতা সম্পন্ন ৰিফাইনেৰীটো মহাৰাষ্ট্ৰৰ ৰাজগড়ত স্থাপন কৰাৰ বাবে এই দ্বিপাক্ষিক চুক্তি স্বাক্ষৰিত হয় ৷ এই ৰিফাইনেৰীটো বিশ্বৰ সৰ্ববৃহৎ সেউজ ৰিফাইনেৰী হিচাপে পৰিগণিত হ'ব ৷

ছৌদি আৰৱৰ আৰামকো তৈল কোম্পানীত বিগত ছেপ্তেম্বৰ মাহত সংঘটিত মিছাইল আৰু ড্ৰোণ আক্ৰমণৰ দৰে ভয়াৱহ আক্ৰমণ সংঘটিত হোৱা স্বত্তেও দেশখনে ইয়াৰ প্ৰতিশ্ৰুতি বাহাল ৰাখিছে ৷ সেই সময়ছোৱাত ছৌদিৰ তৈল উৎপাদন অৰ্ধ শতাংশলৈ অৱনমিত হোৱাৰ লগতে বিশ্বৰ বজাৰত বেয়াকৈ প্ৰভাৱিত কৰিছিল ৷

সেই দেশখনৰ সৈতে ৰিলায়েঞ্চ উদ্যোগ আৰু আৰামকোৰ মাজত হ'বলগা প্ৰস্তাৱিত বুজাপৰাইও শক্তিখণ্ডত দুয়ো দেশৰ বিকাশমুখী ভূমিকাকে প্ৰতিপন্ন কৰিছে ৷ ছৌদি আৰৱৰ সৈতে থকা তৈল আৰু অ-তৈলজাত সামগ্ৰীৰ বাণিজ্যিক লেনদেনে ভাৰতৰ চতুৰ্থ বৃহৎ বাণিজ্যক সম্পৰ্ক থকা দেশ হিচাপে পৰিগণিত হৈছে ৷ 2017-18 বৰ্ষত ছৌদিৰ সৈতে এই লেনদেন 27.48 ডলাৰ হৈছিলগৈ ৷

দুয়োখন দেশৰ মাজত মানৱ সম্পদ আৰু মূলধনী লেনদেনৰ সুযোগ অতুলনীয় ৷ অঞ্চলটোৰ সম্পদৰাজি আৰু তৈল লেনদেনে আকৰ্ষণীয় লাভালাভ নিৰ্ধাৰণ কৰিছে ৷ ভাৰত ইয়াৰ অৰ্থনৈতিক বিকাশৰ দিশত এক উদ্ভাৱনী বজাৰ হিচাপে পৰিগণিত হৈছে ৷ প্ৰধানমন্ত্ৰী মোডীয়ে তেওঁৰ শেহতীয়া ছৌদি ভ্ৰমণৰ সময়ত ভৱিষ্যৎ বিনিয়োগ শীৰ্ষক সন্মিলনত দিয়া মুখ্য ভাষণত "Davos in desert" বুলি সম্বোধন কৰে ৷ ছেপ্তেম্বৰ মাহত ছৌদি আৰৱে ঘোষণা কৰিছিল যে, ভাৰতৰ শক্তিখণ্ড,ৰিফাইনেৰী,পেট্ৰ' কেমিকেল,আন্তগাঁথনি,কৃষি,খনিজ আদি ক্ষেত্ৰসমূহত 100 বিলিয়ন ডলাৰ বিনিয়োগ কৰিব ৷ দেশখনে যুটীয়া সহযোগিতা আৰু বিনিয়োগৰ ক্ষেত্ৰখনত 40 টাৰো অধিক সুযোগ চিহ্নিত কৰিছে ৷

-পুজা মেহৰা

Intro:Body:Conclusion:
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.