নিউড ডেস্ক, ১০ জুন: কেনন ইণ্ডিয়া(Canon India)ই ভাৰতীয় গ্ৰাহকসকলৰ বাবে ফটো প্ৰিণ্টাৰৰ এক শৃংখলা মুকলি কৰিছে । প্ৰিণ্টাৰকেইটাৰ মূল্য প্ৰায় ১৮ হাজাৰ টকাৰ পৰা আৰম্ভ হ'ব । PIXMA G570, PIXMA G670, PIXMA PRO-200 আৰু ইমেজ PROGRAF PRO-300(imagePROGRAF PRO-300)- এই নতুন প্ৰিণ্টাৰকেইটা শীঘ্ৰেই ভাৰতীয় বজাৰত উপলব্ধ হ'ব ।
PIXMA G570ৰ মূল্য ১৮,৭৮৯ টকা, PIXMA G670ৰ মূল্য ২৪,৮০১ টকা, PIXMA PRO-200ৰ মূল্য ৪১,৪০১ টকা আৰু ইমেজ PROGRAF PRO-300(imagePROGRAF PRO-300)ৰ মূল্য ৫৯,৬২১ টকা । জুন মাহৰ পৰা ভাৰতীয় বজাৰত এই প্ৰিণ্টাৰকেইটা উপলব্ধ হ'ব । কেনন ইণ্ডিয়া(Canon India)ৰ অধ্যক্ষ আৰু মুখ্য কাৰ্যবাহী বিষয়া মানাবু য়ামাজাকিয়ে এক বিবৃতিযোগে প্ৰকাশ কৰে যে, তেওঁলোকে কেননৰ ইমেজিং প্ৰযুক্তিৰ ওপৰত গৌৰৱবোধ কৰে, যিয়ে ৰঙীন স্মৃতিবোৰক এক সুন্দৰ ছবিলৈ ৰূপান্তৰিত কৰে ।
নতুন PIXMA G570, PIXMA G670 প্ৰিণ্টাৰত ৬টা ৰঙৰ চিয়াহী টেংক আছে আৰু এই প্ৰিণ্টাৰটো উচ্চ মানৰ, দীৰ্ঘদিনলৈ ভাল হৈ থকা ফটো তৈয়াৰ কৰাত, ফটো ষ্টুডিঅ', ব্যৱসায়, ঘৰ আৰু বিভিন্ন সৃষ্টিশীল কামৰ বাবে কম ব্যয়ৰ উৎকৃষ্ট প্ৰিণ্টাৰ ।
নতুন জি ছিৰিজত ৬টা ৰং ডাই ইংক টেংক প্ৰণালী আছে । প্ৰিণ্টাৰবোৰ চিয়ান, মেজেণ্টা, হালধীয়া আৰু ক'লাৰ ৰঙৰ । এই প্ৰিণ্টাৰবোৰত ৰঙা আৰু ধোঁৱা ৰঙৰ চিয়াঁহীৰ আছে । ইমেজ PROGRAF PRO-300(imagePROGRAF PRO-300) আৰু PIXMA PRO-200 হৈছে কেননৰ শেহতীয়া প্ৰিণ্টিং প্ৰযুক্তি আৰু এই প্ৰিণ্টাৰ দুটাৰ জৰিয়তে পেচাগত ফটো আৰু প্ৰদৰ্শনীৰ বাবে প্ৰয়োজন হোৱা ফটো উলিয়াব পৰা যাব ।
