নেশ্যনেল ডেস্ক, 1 আগষ্ট: আকস্মিক বানৰ কবলত পৰিছে হিমাচল প্ৰদেশৰ লাহৌল-স্পিতি জিলা (Flash Flood in Himachal Pradesh)৷ বিগত কিছুদিন ধৰি জিলাখনত নেৰা নেপেৰা বৰষুণ হৈ থকাৰ ফলত বানত ককবকাইছে লাহৌল-স্পিতিবাসী (150 people are stucked in Flash Flood)৷
দেওবাৰে নিশাৰ পৰা হোৱা আকস্মিক বানৰ কবলত পৰি লাহৌল উপ বিভাগৰ চুমডো-কাজা-গ্ৰামফু (এছকেজি) পথচোৱা বন্ধ হৈ পৰাৰ ফলত চাট্ৰু আৰু ডৰনি নুল্লাহ নামৰ ঠাইৰ সমীপত 150 জনৰো অধিক লোক আৱদ্ধ হৈ আছে (Over 150 people stuck in flash flood)৷
জিলা জৰুৰীকালীন অভিযান কেন্দ্ৰই (District Emergency Operations Centre)জনোৱা অনুসৰি প্ৰশাসন, আৰক্ষী আৰু সীমান্ত পথ সংস্থাৰ (Border Roads Organisation ) জোৱানক লৈ গঠিত এটা উদ্ধাৰকাৰী দল ঘটনাস্থলীত উপস্থিত হৈছে ৷ উদ্ধাৰকাৰী দলে উদ্ধাৰ অভিযান অব্যাহত ৰাখিছে যদিও এতিয়ালৈ কোনো লোকক উদ্ধাৰ কৰিব পৰা হোৱা নাই ৷
ইফালে বানৰ ফলত হাহাকাৰ পৰিস্থিতিৰ সৃষ্টি হৈছে জিলাখনত ৷
লগতে পঢ়ক: A Viral video: অৰুণাচলৰ কামেং নদীৰ পৰা দুটি শিশুক উদ্ধাৰৰ শিহৰণকাৰী দৃশ্য
