দ্বিতীয়বাৰলৈ কেন্দ্ৰীয় মন্ত্ৰী হৈ অসমত উপস্থিত সোণোৱাল; আদৰিবলৈ নাহিল বিজেপিৰ কোনো মন্ত্ৰী-বিধায়ক - Sarbananda Sonowal

By ETV Bharat Assamese Team

Published : Jun 14, 2024, 10:28 PM IST

thumbnail
অসমত উপস্থিত সৰ্বানন্দ সোণোৱাল (ETV BHARAT ASSAM)

মিৰ্জা, 14 জুন : দ্বিতীয়বাৰৰ বাবে কেন্দ্ৰীয় মন্ত্ৰীৰ দায়িত্ব লাভ কৰাৰ পিচত অসমত উপস্থিত হ’ল ডিব্ৰুগড় লোকসভা সমষ্টিৰ সাংসদ তথা প্ৰাক্তন মুখ্যমন্ত্ৰী সৰ্বানন্দ সোণোৱাল ৷ দ্বিতীয়বাৰৰ বাবে কেবিনেটত স্থান লাভ কৰি গুৱাহাটীত উপস্থিত হয় কেন্দ্ৰীয় মন্ত্ৰীগৰাকী ৷ শুকুৰবাৰে দিল্লীৰ পৰা আহি বিয়লি বৰঝাৰ বিমান বন্দৰত উপস্থিত হয় উপস্থিত কেন্দ্ৰীয় মন্ত্ৰী সৰ্বানন্দ সোণোৱাল ৷

বৰঝাৰ বিমান বন্দৰৰ ভিতৰতে সৰ্বানন্দ সোণোৱালক আদৰণি জনায় গুৱাহাটী পৌৰ নিগমৰ মেয়ৰ মৃগেন শৰণীয়াসহ একাংশ বিজেপি নেতাই ৷ গুৱাহাটীত উপস্থিত হৈ সোণোৱালে কয় যে, দেশক বিশ্বৰ ভিতৰতে তৃতীয় বৃহৎ অৰ্থনীতি হিচাপে গঢ়ি তুলিব প্ৰধানমন্ত্ৰী মোদীয়ে ৷ লগতে বিজেপিৰ এঘাৰগৰাকী সাংসদে অসমৰ হৈ একেলগে লোকসভাৰ মজিয়াত মাত মাতিব বুলিও মন্তব্য কৰে তেওঁ ৷ আনহাতে ৰাজ্যৰ মুখ্যমন্ত্ৰী, বিজেপি ৰাজ্যিক সভাপতিসহ অসমবাসীক ধন্যবাদ জনায় সৰ্বানন্দ সোণোৱালে ৷ উল্লেখ্য যে, বিমান বন্দৰত সৰ্বানন্দ সোণোৱালক আনুষ্ঠানিকভাৱে আদৰিবলৈ বিজেপিৰ কোনো মন্ত্ৰী-বিধায়ক তথা দলীয় বিশেষ নেতাক উপস্থিত থকা পৰিলক্ষিত নহ’ল ৷

লগতে পঢ়ক : আবেগিক হৈ বিধায়ক পদ ত্যাগ কৰিলে নৱনিৰ্বাচিত সাংসদ পৰিমল শুক্লবৈদ্যই - MP PARIMAL SUKLABAIDYA

ABOUT THE AUTHOR

...view details

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.