নেশ্যনেল ডেস্ক, 26 জানুৱাৰী: বিৰোধী মিত্ৰজোঁটৰ ভিতৰত মতানৈক্য অব্যাহত থকাৰ মাজতে তামিলনাডুৰ মুখ্যমন্ত্ৰী এম কে ষ্টেলিনে INDI মিত্ৰজোঁটক একত্ৰিত হৈ থাকিবলৈ আৰু বিজেপিৰ বিৰুদ্ধে ভোট যাতে বিভাজন নহয় তাৰ প্ৰতি লক্ষ্য ৰাখিবলৈ আহ্বান জনাইছে ।
শুকুৰবাৰে তিৰুচিৰাপপল্লীত এক অনুষ্ঠানত ভাষণ দি এম কে ষ্টালিনে বিজেপিক পুনৰ ক্ষমতালৈ আহিবলৈ নিদিয়াটোৱেই সকলোৰে একমাত্ৰ লক্ষ্য হ’ব লাগে । লগতে বিজেপিৰ বিৰুদ্ধে থকা ভোটৰ যাতে বিভাজন নহয় তাৰ প্ৰতিও লক্ষ্য ৰাখিবলৈ আহ্বান জনায় ষ্টালিনে ৷
ইফালে, বিৰোধী দলৰ INDIA গোটৰ বাবে লোকসভা নিৰ্বাচনৰ বাবে এক উমৈহতীয়া ভিত্তি বিচাৰি উলিওৱাৰ সমস্যাবোৰ অমীমাংসিত হৈ পৰা পৰিলক্ষিত হৈছে । ইয়াৰ পূৰ্বে পঞ্জাৱত নিৰ্বাচন খেলাৰ কথা ঘোষণা কৰাৰ পিছত আম আদমী পাৰ্টিয়ে অকলেই হাৰিয়ানাৰ 90 খন বিধানসভাৰ আসনতে প্ৰতিদ্বন্দ্বিতা কৰিব বুলি ঘোষণা কৰিছে ।
আপ নেতা সুশীল গুপ্তাই কয়, "হাৰিয়ানাৰ 90 খন বিধানসভাৰ আসনত আমি অকলে প্ৰতিদ্বন্দ্বিতা আগবঢ়াম । লোকসভা সন্দৰ্ভত আমি আমাৰ দলৰ ৰাষ্ট্ৰীয় নেতৃত্বক আমাৰ স্থিতি জনাইছো ৷ আমি শক্তিশালী আৰু আমি মিত্ৰতা আৰু স্বতন্ত্ৰভাৱেও নিৰ্বাচনত প্ৰতিদ্বন্দ্বিতা কৰিব পাৰো । দলৰ নেতৃত্বই গ্ৰহণ কৰিব চূড়ান্ত সিদ্ধান্ত ৷"
মুখ্যমন্ত্ৰী নীতিশ কুমাৰে গ্ৰেণ্ড এলায়েন্সৰ সৈতে সম্পৰ্ক বিচ্ছিন্ন কৰি বিজেপিৰ সৈতে পুনৰ একত্ৰিত হোৱাৰ বাতৰিয়ে 17 মহীয়া ছয় দলীয় গ্ৰেণ্ড এলায়েন্স চৰকাৰৰ স্থিতিশীলতা সন্দৰ্ভত উদ্বিগ্নতাৰ সৃষ্টি কৰিছে । ভাৰতীয় জনতা পাৰ্টিৰ জ্যেষ্ঠ নেতা সুশীল কুমাৰ মোদীয়ে শুকুৰবাৰে কয় যে প্ৰয়োজন হ’লে দুৱাৰখন খুলি দিয়া হ’ব ৷ ইয়ে নীতিশ কুমাৰ নেতৃত্বাধীন জেডিইউৰ মাজত সম্পৰ্ক পুনৰুজ্জীৱিত হোৱাৰ ইংগিত দিয়ে ।
ভাৰতীয় জনতা পাৰ্টিৰ জ্যেষ্ঠ নেতা সুশীল কুমাৰ মোদীয়ে কয়, "আমি সকলো দিশৰ প্ৰতি নজৰ ৰাখিছো আৰু প্ৰয়োজন হ'লে উপযুক্ত সিদ্ধান্ত লোৱা হ'ব । ৰাজনীতিত কোনো দুৱাৰ স্থায়ীভাৱে বন্ধ নহয় আৰু প্ৰয়োজন হ'লে দুৱাৰ খুলিব পৰা যাব।"
আসন ভাগ-বতৰা আদিৰ ব্যৱস্থা চূড়ান্ত কৰাকে ধৰি মূল প্ৰত্যাহ্বানসমূহ সমাধানৰ বাবে INDIA গোটৰ সংগ্ৰাম অব্যাহত ৷
লগতে পঢ়ক: