নেশ্যনেল ডেস্ক, ৩ মে': ভাৰতীয় নিৰ্বাচন আয়োগৰ নিৰ্দেশ অনুসৰি Covid19 টীকাকৰণৰ প্ৰমাণ পত্ৰৰ পৰা প্ৰধানমন্ত্ৰী নৰেন্দ্ৰ মোদীৰ ছবি আঁতৰাইছে স্বাস্থ্য আৰু পৰিয়াল কল্যাণ মন্ত্ৰণালয়ে । স্বাস্থ্য মন্ত্ৰণালয়ৰ এগৰাকী জ্যেষ্ঠ বিষয়াই ইটিভি ভাৰতক জনায় যে, "যিহেতু চলি থকা সাতটা পৰ্যায়ৰ লোকসভা নিৰ্বাচনৰ সময়ত নিৰ্বাচনী আচৰণ বিধি (MCC) প্ৰযোজ্য হৈ আছে, সেয়েহে প্ৰধানমন্ত্ৰীৰ ফটো আঁতৰোৱাৰ পৰামৰ্শ দিয়া হৈছিল" ৷
আমোদজনক কথাটো হ’ল, প্ৰধানমন্ত্ৰী মোদীৰ ছবিখন প্ৰমাণপত্ৰৰ পৰা আঁতৰোৱাটো প্ৰথমবাৰৰ বাবে নহয় । ২০২২ চনৰ কেইখনমান ৰাজ্যৰ বিধানসভা নিৰ্বাচনৰ সময়ত গোৱা, মণিপুৰ, উত্তৰাখণ্ড, পঞ্জাৱ, আৰু উত্তৰ প্ৰদেশত Covid19 টীকাকৰণৰ প্ৰমাণ পত্ৰৰ পৰা প্ৰধানমন্ত্ৰীৰ ছবি আঁতৰাই দিয়া হৈছিল ।
এক্স প্লেটফৰ্মত বা আন ছ’চিয়েল মিডিয়াত প্ৰধামন্ত্ৰী মোদীৰ ছবি আঁতৰোৱাৰ বিষয়টোক ট্ৰ’ল কৰা হৈছিল আৰু কেইবাজনো ব্যৱহাৰকাৰীয়ে প্ৰমাণপত্ৰ খন ডাউনলোড কৰি সত্যটো নিশ্চিত কৰিছিল ।
যদিও স্বাস্থ্য আৰু পৰিয়াল কল্যাণ মন্ত্ৰণালয়ে প্ৰদান কৰা ক'ভিড-১৯ টীকাকৰণৰ প্ৰমাণ পত্ৰৰ পৰা প্ৰধানমন্ত্ৰী মোদীৰ ফটোখন আঁতৰাই দিয়া হৈছে, তথাপিও CoWIN প্ৰমাণপত্ৰত প্ৰধানমন্ত্ৰীৰ এট্ৰিবিউচনৰ সৈতে "একেলগে ভাৰতে ক'ভিড-১৯ক পৰাস্ত কৰিব" টেগলাইন অক্ষত অৱস্থাত আছে ।
শেহতীয়াকৈ যুক্তৰাজ্যৰ আদালতত এষ্ট্ৰাজেনেকাই স্বীকাৰ কৰাটোৱে কভিশ্বিল্ডৰ থ্ৰম্ব’ছিছ উইথ থ্ৰম্ব’চাইট’পেনিয়া চিণ্ড্ৰম (টিটিএছ)ৰ সম্ভাৱ্য পাৰ্শ্বক্ৰিয়াৰ বিষয়ে আলোচনা পুনৰ আৰম্ভ হৈছে, ভাৰতৰ বহুতেই নিজৰ টীকাকৰণৰ প্ৰমাণপত্ৰ পৰ্যালোচনা কৰিবলৈ প্ৰেৰণা দিছে ।
এনে পৰ্যালোচনাৰ পিছত ব্যৱহাৰকাৰীসকলে Covid-19 টীকাকৰণৰ প্ৰমাণ পত্ৰৰ পৰা প্ৰধানমন্ত্ৰী মোদীৰ ছবি আঁতৰাই দিয়াটো প্ৰকাশ কৰিছে সামাজিক মাধ্যমত ।
বিষয়টোৰ ওপৰত আলোচনা কৰি প্ৰখ্যাত স্বাস্থ্য বিশেষজ্ঞ ডাঃ মুনিষ প্ৰভাকৰে কয় যে, এই সিদ্ধান্ত বহু আগতেই লোৱা উচিত আছিল । "ছবি আঁতৰোৱাৰ এনে সিদ্ধান্ত আগতেই লোৱা উচিত আছিল যেতিয়া নিৰ্বাচনী আচৰণ বিধি কাৰ্যকৰী হৈছিল । যি কি নহওক, নিৰ্বাচন আয়োগৰ নিৰ্দেশ অনুসৰি প্ৰধানমন্ত্ৰীৰ ভাৱমূৰ্তি আঁতৰোৱাটো ভাল কথা" - এইদৰে কয় ডাঃ প্ৰভাকৰে ।
লগতে পঢ়ক: মোদীৰ বিৰুদ্ধে নিৰ্বাচন খেলিবলৈ প্ৰস্তুত এজন কৌতুক অভিনেতা, কোন তেওঁ? - Lok Sabha Election 2024
