পেলেষ্টাইনত ইজৰাইলী দখলৰ বৈধতা সন্দৰ্ভত আন্তৰ্জাতিক ন্যায়ালয়ত শুনানি

author img

By ANI

Published : Feb 19, 2024, 3:38 PM IST

পেলেষ্টাইনত ইজৰাইলী দখলৰ বৈধতা সন্দৰ্ভত আন্তৰ্জাতিক ন্যায়ালয়ত শুনানি

Israel occupation on Palestinian : পেলেষ্টাইনী প্ৰতিনিধিসকলে দাবী কৰে যে ইজৰাইলে অধিকৃত ভূমিৰ গুৰুত্বপূৰ্ণ অংশ সংলগ্ন কৰি পেলেষ্টাইনীসকলৰ আত্মনিৰ্ধাৰণৰ অধিকাৰ উলংঘা কৰিছে । লগতে বৰ্ণবৈষম্য আৰু বৰ্ণবাদৰ ব্যৱস্থা জাপি দি আঞ্চলিক বিজয়ৰ ওপৰত থকা নিষেধাজ্ঞা উলংঘা কৰিছে ।

ইণ্টাৰনেচনেল ডেস্ক, ১৯ ফেব্ৰুৱাৰী : আন্তৰ্জাতিক ন্যায়ালয়ে (আইচিজে) পেলেষ্টাইনী অঞ্চলত ইজৰাইলৰ ৫৭ বছৰীয়া দখলৰ বৈধতাৰ ওপৰত ঐতিহাসিক শুনানি আৰম্ভ কৰাৰ প্ৰস্তুতি চলাইআছে । দ্য হেগত এসপ্তাহৰ বাবে নিৰ্ধাৰিত এই কাৰ্যক্ৰম গাজাত ইজৰাইলৰ চলিত সামৰিক আক্ৰমণৰ পৰিপ্ৰেক্ষিতত লোৱা হৈছে । আল জাজিৰাৰ সূত্ৰত এই কথা প্ৰকাশ । উল্লেখ্য যে ৭ অক্টোবৰৰ পৰা আৰম্ভ হোৱা ইজৰাইলী বাহিনীৰ গাজা আক্ৰমণত ২৯,০০০-তকৈও অধিক পেলেষ্টাইনীৰ মৃত্যু হয় ।

বৰ্তমানৰ সংঘৰ্ষত আন্তৰ্জাতিক আইন উলংঘনৰ অভিযোগত দক্ষিণ আফ্ৰিকাই ইজৰাইলৰ বিৰুদ্ধে দাখিল কৰা গণহত্যাৰ অভিযোগৰ পৰা উপৰি আইচিজেৰ শুনানিত ১৯৬৭ চনৰ পৰা পশ্চিম তীৰ, গাজা আৰু পূব জেৰুজালেমত ইজৰাইলৰ দখলৰ ওপৰত গুৰুত্ব দিয়া হৈছে ।

আল জাজিৰাৰ প্ৰতিবেদন অনুসৰি, পেলেষ্টাইনীসকলে এই অঞ্চলসমূহক এক স্বাধীন ৰাষ্ট্ৰ হিচাপে বিচাৰি যুক্তি দিয়ে যে এই দখলে আন্তৰ্জাতিক আইনৰ তিনিটা মৌলিক নীতি উলংঘা কৰিছে ।

পেলেষ্টাইনী প্ৰতিনিধিসকলে দাবী কৰে যে ইজৰাইলে অধিকৃত ভূমিৰ গুৰুত্বপূৰ্ণ অংশ সংলগ্ন কৰি পেলেষ্টাইনীসকলৰ আত্মনিৰ্ধাৰণৰ অধিকাৰ উলংঘা কৰিছে । লগতে বৰ্ণবৈষম্য আৰু বৰ্ণবাদৰ ব্যৱস্থা জাপি দি আঞ্চলিক বিজয়ৰ ওপৰত থকা নিষেধাজ্ঞা উলংঘা কৰিছে ।

পেলেষ্টাইনী বৈদেশিক মন্ত্ৰালয়ৰ ৰাষ্ট্ৰসংঘৰ সংগঠন বিভাগৰ মুৰব্বী ওমৰ আৱাদাল্লাহে দক্ষিণ আফ্ৰিকাৰ গোচৰত 'গণহত্যা'ৰ মূল্যাঙ্কনৰ দৰে 'বৰ্ণবৈষম্য' শব্দটো বিবেচনা কৰাৰ আকাংক্ষাৰ ওপৰতো গুৰুত্ব আৰোপ কৰে ।

শান্তিপূৰ্ণ আন্তঃৰাষ্ট্ৰীয় আইন পদ্ধতিৰ জৰিয়তে দখলৰ অভিযোগ কৰা অবৈধতাৰ মোকাবিলা কৰিবলৈ পেলেষ্টাইনীসকলক আইনী ব্যৱস্থা প্ৰদান কৰাৰ বাবে আদালতৰ পৰা অধিবক্তাৰ মতামত প্ৰদান কৰা হ'ব বুলি আশা কৰা হৈছে । আনহাতে, আদালতৰ ৰায়দানত কেইমাহমান লাগিব পাৰে বুলি অনুমান কৰা হৈছে ।

আনহাতে, পেলেষ্টাইনী উপস্থাপনৰ পিছত এক অভূতপূৰ্ব ঘটনাত 51 খন দেশ আৰু তিনিটা সংগঠন ক্ৰমে আৰব লীগ, ইছলামিক সহযোগিতা সংগঠন আৰু আফ্ৰিকান ইউনিয়নে ন্যায়াধীশসকলক সম্বোধন কৰিব । অৱশ্যে যদিও ইজৰাইলী পক্ষই মৌখিক বিতৰ্কত অংশগ্ৰহণ নকৰে, তথাপি লিখিত পৰ্যবেক্ষণ দাখিল কৰিছে ।

উল্লেখ্য যে ২০২২ চনৰ ডিচেম্বৰত ৰাষ্ট্ৰসংঘৰ সাধাৰণ সভাই ১৫ জনীয়া ন্যায়াধীশৰ পেনেলৰ পৰা ইজৰাইলী দখলৰ ওপৰত পৰামৰ্শমূলক মতামত বিচাৰি ভোট দিয়াৰ পিছত গোচৰটো আইচিজেত উপনীত হয় । পেলেষ্টাইনীসকলে উত্থাপন কৰা আৰু ইয়াৰ প্ৰত্যাহ্বান জনোৱা ইজৰাইলে পৰৱৰ্তী সময়ত তীব্ৰ আপত্তি দৰ্শায় আৰু আদালতৰ যিকোনো সম্ভাৱ্য সিদ্ধান্তক 'সম্পূৰ্ণ অবৈধ' বুলি গণ্য কৰে ।

১৯৬৭ চনত ইজিপ্ত, জৰ্ডান আৰু চিৰিয়াৰ সৈতে সংঘটিত যুদ্ধৰ সময়ত ইজৰাইলে পশ্চিম তীৰ, পূব জেৰুজালেম আৰু গাজা দখল কৰে । যদিও ইজৰাইলে ২০০৫ চনত গাজাৰ পৰা সেনা প্ৰত্যাহাৰ কৰে, তথাপিও ই সীমা নিয়ন্ত্ৰণ কৰি আহিছে । আনহাতে, পীচ নাওৰ মতে পশ্চিম তীৰত স্থাপন কৰা ১৪৬ টা বসতি অঞ্চলত ৫,০০,০০০-তকৈও অধিক ইহুদীয়ে বসবাস কৰি আছে । ইয়াৰ ফলত বিগত পাঁচ বছৰত বসতি স্থাপনকাৰীৰ সংখ্যা ১৫ শতাংশতকৈ অধিক হৈছে । ইফালে ইজৰাইলে সমগ্ৰ চহৰখনক নিজৰ ৰাজধানী হিচাপে বিবেচনা কৰি পূব জেৰুজালেমক অধিগ্ৰহণ কৰে ।

আনহাতে, আন্তৰ্জাতিক সম্প্ৰদায়ে এই বসতিসমূহক ব্যাপকভাৱে অবৈধ বুলি গণ্য কৰে আৰু ইজৰাইলৰ পূব জেৰুজালেমৰ সংযুক্তিক আন্তৰ্জাতিকভাৱে স্বীকৃতি দিয়া হোৱা নাই । আল জাজিৰাৰ বাতৰি অনুসৰি, ২০০৪ চনত পশ্চিম তীৰত ইজৰাইলৰ পৃথকীকৰণ দেৱাল ঘোষণা কৰা এক ৰায়দানৰ পিছত ৰাষ্ট্ৰসংঘৰ সাধাৰণ সভাই অধিকৃত পেলেষ্টাইনী অঞ্চলৰ ওপৰত আইচিজেৰ পৰা পৰামৰ্শমূলক মতামত বিচাৰে ।

লগতে পঢ়ক :গাজাত মানৱীয় যুদ্ধবিৰতিৰ সমৰ্থনত মঙলবাৰে ভোটদান কৰিব ৰাষ্ট্ৰসংঘৰ নিৰাপত্তা পৰিষদে

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.