নেশ্যনেল ডেস্ক, 21 ফেব্ৰুৱাৰী: বিখ্যাত লেখক তথা সাংসদ শশী থাৰুৰক মঙলবাৰে ফ্ৰান্সৰ সৰ্বোচ্চ অসামৰিক সন্মান ‘দ্য লিজিয়ন অৱ অনাৰ’ সন্মানেৰে সন্মানিত কৰে ৷ ফ্ৰান্সৰ দূতাবাসত থাৰুৰক ফ্ৰান্সৰ চেনেটৰ সভাপতি জেৰাৰ্ড লাৰ্চাৰে এই বঁটা প্ৰদান কৰে ৷ ২০২২ চনৰ আগষ্ট মাহত ফ্ৰান্স চৰকাৰে থাৰুৰক এই বঁটা প্ৰদান কৰাৰ কথা ঘোষণা কৰিছিল যদিও মঙলবাৰে তেওঁক এই বঁটা প্ৰদান কৰা হয় ৷
ফ্ৰান্সৰ দূতাবাসে এক বিবৃতিৰ জৰিয়তে কয় যে, ভাৰত-ফ্ৰান্সৰ সম্পৰ্ক শক্তিশালী কৰাৰ বাবে, আন্তঃৰাষ্ট্ৰীয় শান্তি আৰু সহযোগিতাৰ প্ৰতি দায়বদ্ধতাৰ বাবে আৰু ফ্ৰান্সৰ বন্ধু হিচাপে ড৹ থাৰুৰক এই সন্মান প্ৰদান কৰা হৈছে ৷ থাৰুৰে কয় যে, তেওঁ এই সন্মান গ্ৰহণ কৰি অত্যন্ত সন্মানিত অনুভৱ কৰিছে ৷
শশী থাৰুৰে এই প্ৰতিক্ৰিয়া প্ৰকাশ কৰে
শশী থাৰুৰে কয়, "ফ্ৰান্স, ইয়াৰ জনসাধাৰণ, তেওঁলোকৰ ভাষা আৰু তেওঁলোকৰ সংস্কৃতি, বিশেষকৈ তেওঁলোকৰ সাহিত্য আৰু চিনেমাৰ প্ৰশংসা কৰা এজন ব্যক্তি হিচাপে মই আপোনাৰ দেশৰ সৰ্বোচ্চ অসামৰিক সন্মানেৰে সন্মানিত হোৱাৰ বাবে গভীৰভাৱে কৃতজ্ঞ ৷"
লগতে থাৰুৰে ৰাষ্ট্ৰসংঘৰ নিজৰ কেৰিয়াৰৰ কথা মনত পেলাই কয়, "মই ব্যক্তিগতভাৱে বহু সংখ্যক ফ্ৰান্সৰ বৈদেশিক মন্ত্ৰীক চিনি পোৱাৰ সৌভাগ্য লাভ কৰিছো আৰু ফ্ৰান্স গণৰাজ্যৰ তিনিজন ৰাষ্ট্ৰপতি আৰু কেইবাজনো প্ৰধানমন্ত্ৰীক লগ পাইছো । ক্ৰমান্বয়ে অস্থিৰ হৈ পৰা পৃথিৱীখনত কিছু স্থিৰতা প্ৰদান কৰিব পৰা মিত্ৰতা গঢ়ি তোলাৰ জৰুৰীতাক ভাৰত আৰু ফ্ৰান্সে স্বীকাৰ কৰিছে বুলিও তেওঁ কয় । কংগ্ৰেছৰ সাংসদগৰাকীয়ে ২০০২ চনত চেণ্টাৰ নেশ্যনেল ডু লিভ্ৰেৰ পৃষ্ঠপোষকতাত অনুষ্ঠিত হোৱা বেলেছ এট্ৰেঞ্জাৰছৰ বাবে ফ্ৰান্স ভ্ৰমণৰ সংজ্ঞায়িত মুহূৰ্তটোও স্মৰণ কৰে । উক্ত অনুষ্ঠানত ভাৰতত থকা ফ্ৰান্সৰ ৰাষ্ট্ৰদূত থিয়ৰী মাথাউ, ভাৰতৰ জি-২০ শ্বেৰপা অমিতাভ কান্ত আৰু কংগ্ৰেছ নেতা আনন্দ শৰ্মাকে ধৰি বহুকেইজন ব্যক্তি উপস্থিত থাকে ।"
লগতে পঢ়ক: সংস্কৃত ভাষাক চৰকাৰী ভাষা হিচাপে ঘোষণা কৰাটো অবাস্তৱ !
