পৰৱৰ্তী দশকত আফ্ৰিকাত আমূল পৰিৱৰ্তন হ'ব : জয়শংকৰ

author img

By ANI

Published : Jan 23, 2024, 11:19 AM IST

EAM Jaishankar in Nigeria

EAM Jaishankar in Nigeria: আহি থকা দিনবোৰত আফ্ৰিকা যথেষ্ট পৰিৱৰ্তনৰ সাক্ষী হ'ব । এই ক্ষেত্ৰত ভাৰতে সহযোগিতা আগবঢ়াব । নাইজেৰিয়াত দেশৰ বৈদেশিক মন্ত্ৰীয়ে গুৰুত্বপূৰ্ণ মন্তব্য কৰে । দুয়োখন দেশৰ বাণিজ্যিক সম্পৰ্ক শক্তিশালী কৰাৰ ওপৰতো গুৰুত্ব আৰোপ কৰে ।

ইণ্টাৰনেশ্যনেল ডেস্ক,২৩ জানুৱাৰী : যোৱা ২১ জানুৱাৰীৰ পৰা নাইজেৰিয়া ভ্ৰমণত আছে ভাৰতৰ বৈদেশিক পৰিক্ৰমা মন্ত্ৰী এছ জয়শংকৰ । এই ভ্ৰমণৰ সময়তে আফ্ৰিকাৰ বিকাশৰ সম্ভাৱনাৰ ওপৰত আস্থা প্ৰকাশ কৰি তেওঁ ভাৰত-নাইজেৰিয়া অংশীদাৰিত্ব অধিক গভীৰ কৰিবলৈ আৰু দুয়োখন দেশৰ মাজত ব্যৱসায়ৰ সুযোগৰ প্ৰচাৰৰ বাবে আহ্বান জনায় । সোমবাৰে নাইজেৰিয়াৰ আবুজাত ভাৰত-নাইজেৰিয়া ব্যৱসায় মঞ্চত ভাষণ প্ৰদান কৰি এই মন্তব্য কৰে ।

জয়শংকৰে সামাজিক মাধ্যমৰ এটা পোষ্টত লিখিছে যে চিআইআই আৰু এনআইচিচিআইৰ দ্বাৰা আয়োজিত ভাৰত-নাইজেৰিয়া ব্যৱসায় মঞ্চক সম্বোধন কৰি তেওঁ আনন্দিত । দুয়োখনৰ দেশৰ অৰ্থনৈতিক অংশীদাৰিত্ব শক্তিশালী কৰাটো এই সম্পৰ্কৰ সম্প্ৰসাৰণৰ মূল চাবিকাঠি বুলি তেওঁ উল্লেখ কৰে । ইফালে ব্যৱসায়বোৰক তেওঁলোকৰ নেটৱৰ্কিং বৃদ্ধি কৰিবলৈ, নিয়ামক আৰু নীতিগত বাধা চিনাক্ত কৰি সুযোগবোৰ ব্যৱহাৰ কৰিবলৈ জয়শংকৰে উৎসাহিত কৰে ।

অনুষ্ঠানটো সম্বোধন কৰি তেওঁ কয় যে যদি ভাৰতে কিছুমান ডাঙৰ ভূ-ৰাজনৈতিক বাজি গ্ৰহণ কৰি থাকে তেন্তে আফ্ৰিকাৰ উত্থান নিশ্চিত । তেওঁ দাবী কৰে যে পৰৱৰ্তী দশকত আফ্ৰিকাত আশ্চৰ্যজনক পৰিৱৰ্তন দেখিবলৈ গৈ আছে । ই অধিক দূতাবাস স্থাপন, অধিক বাণিজ্য আৰু বিনিয়োগক উৎসাহিত কৰা, ৰাজনৈতিক সম্পৰ্কৰ বাবে অধিক সুযোগ সৃষ্টি কৰা, প্ৰণালীটোক ইজনে সিজনক অধিক জনা আদি অন্তৰ্ভুক্ত থাকিব । তেওঁৰ মতে ভাৰতে ভৱিষ্যতে নহয়, কাইলৈৰ পৰাই আফ্ৰিকাৰ সৈতে সম্পৰ্ক শক্তিশালী কৰিব বিচাৰে । বৈদেশিক মন্ত্ৰীগৰাকীয়ে ভাৰত-নাইজেৰিয়া সম্পৰ্ক অধিক শক্তিশালী কৰাৰ ওপৰতো গুৰুত্ব আৰোপ কৰে ।

তেওঁ কয় যে ভাৰতে নতুন দিল্লীত ব্যৱসায়ৰ সুযোগৰ বিষয়ে আবুজাক আশ্বাস দিয়াৰ জৰিয়তে নাইজেৰিয়াত তাৰ অভিজ্ঞতা আৰু শিক্ষা আনিব বিচাৰে । ভাৰতে এই প্ৰণালীটো আগলৈ লৈ যাব, ব্যৱসায়ক অনুপ্ৰাণিত কৰিব, বাধাবোৰ সমাধান কৰিব আৰু সুবিধা প্ৰদান কৰিব বুলিও তেওঁ আশ্বাস দিয়ে । মন্ত্ৰীগৰাকীৰ মতে দুয়োখন দেশতে যথেষ্ট পৰিৱৰ্তন হৈছে । ডিজিটেল ক্ষেত্ৰত, সেউজ আৰু পৰিষ্কাৰ ইন্ধন, কৃষিত যথেষ্ট পৰিৱৰ্তন হৈছে । তেওঁ লগতে কয় যে ভাৰতৰ বহুতো অভিজ্ঞতা আৰু শিক্ষা আফ্ৰিকালৈ আনিব বিচাৰে । একে সময়তে তেওঁ নাইজেৰিয়ান ব্যৱসায়ক আশ্বাস দি কয় যে ভাৰততো যথেষ্ট সুযোগ আছে ।

নাইজেৰিয়াত মন্ত্ৰী এছ জয়শংকৰৰ মঙলবাৰে তৃতীয় তথা অন্তিম দিন । ভাৰত আৰু নাইজেৰিয়াই পৰম্পৰাগতভাৱে ঘনিষ্ঠ আৰু বন্ধুত্বপূৰ্ণ সম্পৰ্ক বজাই ৰাখি আহিছে ।

লগতে পঢ়ক :ৰাম ভজনেৰে মুখৰিত নিউয়ৰ্কৰ টাইমছ স্কোৱেৰ

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.