ৰামলীলাত হনুমানৰ চৰিত্ৰত অভিনয় কৰা ব্যক্তিৰ হাৰ্ট এটাকত মৃত্যু, জানক কিয় হঠাৎ বৃদ্ধি পাইছে হাৰ্ট এটাকৰ ঘটনা ?

অযোধ্যাৰ লগতে সমগ্ৰ দেশতে ৰামলালাৰ প্ৰাণ প্ৰতিষ্ঠাৰ আনন্দ অব্যাহত থকাৰ মাজতে হাৰিয়ানাৰ ভিৱানীৰ পৰা ভাইৰেল হৈছে এটা চাঞ্চল্যকৰ ভিডিঅ’ ৷ য’ত ৰামলীলা প্ৰদৰ্শনৰ মাজতে হনুমানৰ সাজ-পোছাক পৰিহিত এজন লোকৰ মৃত্যু হয় ৷ জানিব পৰা মতে, মৃত লোকজনৰ নাম হৰিষ মেহতা ৷ খবৰ অনুসৰি লোকজন হাৰ্ট এটাকত আক্ৰান্ত হৈ মঞ্চত ঢলি পৰে ৷ এই ঘটনাই আকৌ এবাৰ আমাৰ হৃদযন্ত্ৰৰ স্বাস্থ্যক লৈ প্ৰশ্ন উত্থাপন কৰিছে যে কি কাৰণত এনেদৰে হঠাৎ মানুহৰ হাৰ্ট এটাক আহিবলৈ ধৰিছে ৷

কিয় হঠাৎ আহে হাৰ্ট এটাক ?

বিগত কেইবছৰমানৰ পৰা হাৰ্ট এটাকৰ ৰোগীৰ সংখ্যা দ্ৰুতগতিত বৃদ্ধি পাইছে ৷ স্বাস্থ্য বিশেষজ্ঞসকলৰ মতে, আমি যেতিয়া নৃত্য কৰোঁ বা কোনো শৰীৰত জোৰ পৰা কাম কৰোঁ তেতিয়া আমাৰ শৰীৰত অক্সিজেনৰ প্ৰয়োজনীয়তা বাঢ়ি যায় ৷ যাৰ ফলত আমাৰ হাওঁফাওঁত ইয়াৰ প্ৰভাৱ পৰে ৷ অক্সিজেনৰ অধিক প্ৰয়োজনৰ বাবে হাওঁফাওঁৰ কামো বৃদ্ধি পায় আৰু যিয়ে হৃদযন্ত্ৰৰ কাৰ্যত প্ৰভাৱ পেলায় ৷ হৃদযন্ত্ৰই দ্ৰুতগতিত তেজ পাম্প কৰিবলৈ আৰম্ভ কৰে ৷ ইয়াৰ বাবে হৃদযন্ত্ৰৰ ওপৰত চাপ পৰে আৰু হাৰ্ট এটাকৰ দৰে সমস্যাৰ সৃষ্টি হয় ৷ কোনো ব্যক্তিয়ে যেতিয়া শৰীৰত জোৰ পৰা যিকোনো কাম কৰে তেতিয়া ইয়াৰ সম্ভাৱনা বাঢ়ি যায় ৷ যিকোনো জোৰদাৰ কাৰ্যকলাপে হৃদস্পন্দন অনিয়মিত কৰিব পাৰে ৷

এইসকল লোকৰ বিপদ অধিক-

স্বাস্থ্য বিশেষজ্ঞসকলৰ মতে, যদি কোনো ব্যক্তিৰ পৰিয়ালত হৃদৰোগৰ ইতিহাস আছে তেন্তে নিয়মিতভাৱে নিজৰ পৰীক্ষা কৰাব লাগে ৷ যদি কোনো ব্যক্তিৰ বংশগতভাৱে হৃদৰোগৰ সমস্যা আছে তেন্তে নিয়মিতভাৱে নিজৰ স্বাস্থ্য়ৰ পৰীক্ষা কৰাওক । যদি কোনো ইতিহাস নাই তেন্তে এগৰাকী ব্যক্তিয়ে ৩০ বছৰ বয়সৰ ভিতৰত সম্পূৰ্ণ শৰীৰ পৰীক্ষা কৰিব লাগে ।

এনে লোকৰ অন্য এক বিপদৰ শ্ৰেণী হৈছে হৃদযন্ত্ৰৰ মাংসপেশী মোটা হয় ৷ সাধাৰণতে এই লোকসকলে নিজৰ অৱস্থাৰ বিষয়ে অৱগত নহয় আৰু হঠাৎ মৃত্যুক আঁকোৱালি ল’ব পাৰে ৷ এনে ক্ষেত্ৰত হৃদযন্ত্ৰৰ স্বাস্থ্যৰ অৱস্থাৰ বিষয়ে জানি ল'ব লাগে ৷ ইয়াৰ বাবে সময়ে সময়ে হৃদযন্ত্ৰ পৰীক্ষা কৰোৱাটো উচিত ৷

শীতকালত হৃদযন্ত্ৰ সুস্থ কৰি ৰখাৰ উপায়-

পৰ্যাপ্ত পৰিমাণৰ পানী খাব লাগে: শীতকালত বতাহ শুকান হৈ পৰে, যাৰ ফলত বিশেষকৈ বয়সস্থ লোকৰ ডিহাইড্ৰেচন হ’ব পাৰে ৷ এনে পৰিস্থিতিত পৰ্যাপ্ত পৰিমাণৰ পানী খাব লাগে ৷

আপোনাৰ খাদ্যাভ্যাসৰ প্ৰতি মনোযোগ দিয়ক: হৃদযন্ত্ৰৰ সমস্যা থকা ৰোগীয়ে ওমেগা-৩ ফেটি এচিড, শণৰ গুটি আৰু আখৰোট আদি স্বাস্থ্যসন্মত খাদ্য গ্ৰহণ কৰিব লাগিব ৷

ঋতু অনুসৰি ফল খাওক: পুষ্টি বৃদ্ধিৰ বাবে খাদ্যত বতৰৰ ফল অন্তৰ্ভুক্ত কৰিব লাগে ৷ ইয়াৰ ভিতৰত নহৰু, টেঙা ফল আৰু শাক-পাচলিও অন্তৰ্ভুক্ত কৰিব পাৰে ৷

জীৱনশৈলীৰ পৰিৱৰ্তন: হৃদৰোগৰ প্ৰসাৰত জীৱনশৈলীৰ মুখ্য ভূমিকা ৷ ধূমপান আৰু মদ্যপান কমাব লাগে ৷ লগতে শাৰীৰিক ক্ৰিয়া-কলাপৰ প্ৰয়োজন হয় ৷

লগতে পঢ়ক: এনাৰ্জি ড্ৰিংকছ খোৱাৰ পূৰ্বে জানি লওক ইয়াৰ ক্ষতিকাৰক দিশসমূহ