মহিলাসকলে প্ৰায়ে নিজৰ ছালৰ বাবে চিন্তিত হয় যদিও পুৰুষেও নিজৰ ছালৰ পৰ্যাপ্ত যত্ন লোৱাটো উচিত ৷ নাৰী আৰু পুৰুষৰ ছালৰ ধৰণ বেলেগ বেলেগ হয়৷ এনে পৰিস্থিতিত দুয়োজনে বিভিন্ন ধৰণে ছালৰ যত্ন ল’ব লগা হয় ৷ বহু সময়ত ছালৰ যত্ন নোলোৱাৰ বাবে পুৰুষে দাগ, ব্ৰণ, ক’লা দাগ, বলিৰেখা আদি সমস্যাৰ সন্মুখীন হ’বলগীয়া হয় ৷ যদি পুৰুষসকলে যদি ছালৰ যত্নৰ টিপছৰ সন্ধান কৰি আছে, তেন্তে এই টিপছসমূহ আপুনি অনুসৰণ কৰিব পাৰে৷ ই আপোনাৰ মুখমণ্ডল আৰু অধিক আকৰ্ষণীয় আৰু গ্লোয়িং কৰি তোলাত সহায় কৰিব পাৰে ৷ তেন্তে জানো আহক পুৰুষে কেনেদৰে নিজৰ ছালৰ যতন ল’ব পাৰে ৷
পৰিষ্কাৰ কৰা
ছালৰ যত্নৰ ৰুটিনৰ আটাইতকৈ গুৰুত্বপূৰ্ণ অংশ হৈছে চাফাই ৷ ই দীঘলীয়া দিনৰ অন্তত ছালত জমা হোৱা মলি আঁতৰোৱাত সহায় কৰে ৷ আপোনাৰ ছালখন পৰিষ্কাৰ কৰাৰ অতি প্ৰয়োজন ৷ সপ্তাহত এবাৰ ভাল স্ক্ৰাবেৰেও ছালখন এক্সফোলিয়েট কৰিব লাগে ৷
শ্বেভিং টিপছ
পুৰুষৰ ছাল আৰু মহিলাৰ ছালৰ প্ৰধান পাৰ্থক্য হ’ল মুখৰ দাড়ি ৷ পুৰুষে মুখৰ চুলিৰ যত্ন ল’ব লাগে ৷ তেওঁলোকৰ ছালৰ যত্নৰ এইটো এটা গুৰুত্বপূৰ্ণ অংশ ৷ শ্বেভিং কৰাৰ আগতে শ্বেভিং জেল ব্যৱহাৰ কৰক ৷ ই আপোনাৰ মুখৰ চুলিক ফেনতকৈ ভালকৈ কোমল কৰে ৷ ছালখনক কিছু আৰ্দ্ৰতা দিবলৈ আফটাৰশ্বেভ ব্যৱহাৰ কৰিবলৈ নাপাহৰিব ৷ এলকহল ভিত্তিক আফটাৰশ্বেভ পৰিহাৰ কৰক কাৰণ ইয়াৰ ফলত ৰেজাৰ বাৰ্ন হ’ব পাৰে ৷
ছানস্ক্ৰীণ
ছানস্ক্ৰীণ অন্যতম সাধাৰণ সামগ্ৰী ৷ আপুনি ছানস্ক্ৰীণ ব্যৱহাৰ কৰি ছালখনক UV ৰশ্মিৰ পৰা ৰক্ষা কৰিব পাৰে ৷ ৰ’দত ওলাই যোৱাৰ আগতে মুখ আৰু ডিঙিত ছানস্ক্ৰীণ লগাব লাগে ৷ ইয়াৰ দ্বাৰা আপোনাক ক্ষতিকাৰক UV ৰশ্মিৰ পৰা ৰক্ষা কৰিবলৈ কাম কৰিব ৷
আপোনাৰ ছাল অনুসৰি ছালৰ যত্নৰ সামগ্ৰী বাছি লওক
পুৰুষে মুখত ব্যৱহাৰ কৰা সামগ্ৰীৰ প্ৰতি বিশেষ গুৰুত্ব নিদিয়ে ৷ ইয়াৰ ফলত ছালৰ লগত জড়িত সমস্যা হ’ব পাৰে ৷ ব্ৰণ আৰু ৰঙা পৰা বা ফোঁহা আদি ছালৰ সমস্যাৰ পৰা হাত সাৰিবলৈ আপোনাৰ ছালৰ ধৰণ অনুসৰি সৌন্দৰ্য সামগ্ৰী বাছি লওক ৷ এই টিপচ্ সমূহে আপোনাৰ ছালখনক সুস্থ কৰি তোলাত সহায় কৰিব ৷
ইয়াৰ উপৰিও সুস্থ ছালৰ বাবে স্বাস্থ্যসন্মত আহাৰ গ্ৰহণ কৰাটোও গুৰুত্বপূৰ্ণ ৷ ই আপোনাৰ ছালখনক গভীৰভাৱে পুষ্টি প্ৰদান কৰে ৷ ইয়াৰ উপৰিও উজ্জ্বল ছালৰ বাবে বহু ধৰণৰ ঘৰতে তৈয়াৰ কৰা ফেচ মাস্ক ব্যৱহাৰ কৰিব পাৰে ৷
লগতে পঢ়ক: কিয় প্ৰতিবছৰে পালন কৰা হয় মহিলাৰ যৌনাংগ বিকৃতকৰণৰ বিৰুদ্ধে শূন্য সহনশীলতা আন্তঃৰাষ্ট্ৰীয় দিৱস
