ৰেষ্টুৰেন্টৰ দৰে সোৱাদ পাবলৈ এনেদৰে তৈয়াৰ কৰক পাউ ভাজি মচলা

author img

By ETV Bharat Assamese Desk

Published : Jan 26, 2024, 3:19 PM IST

Master Chef Vikas Khanna reveals the secret of Pav Bhaji Masala, get restaurant like taste at home

Pav Bhaji Masala Recepie: যদি আপুনি ঘৰতে পাউভাজি তৈয়াৰ কৰাৰ পিচতো ৰেষ্টুৰেন্টৰ দৰে সোৱাদ পাবলৈ সক্ষম নহয় তেন্তে চিন্তাৰ কোনো কাৰণ নাই ৷ মাষ্টাৰ শ্বেফ বিকাশ খান্নাৰ এই ৰেচিপিৰ সহায়ত ঘৰতে তৈয়াৰ কৰক পাউ ভাজি মচলা আৰু বৃদ্ধি কৰক আপোনাৰ পাউ ভাজিৰ সোৱাদ ৷

প্ৰায়ে আমি যেতিয়াই বাহিৰত, হোটেলত বা ৰাস্তাত পাউ ভাজি খাওঁ তেতিয়াই আমি ঘৰতে একে সোৱাদৰ সৈতে বনাবলৈ চেষ্টা কৰোঁ ৷ কিন্তু কেতিয়াবা আমি বিচৰা ধৰণে ফলাফল পাবলৈ সক্ষম নহওঁ ৷ আপোনাৰ লগতো হয়তো এনেকুৱা হয় নেকি ? ইউটিউবত ৰেচিপি চোৱাৰ পিছতো যদি আপুনি বনোৱা পাউ ভাজিৰ সোৱাদ হোটেলৰ দৰে নহয়, তেন্তে চিন্তাৰ কোনো প্ৰয়োজন নাই ৷ যদি আপুনি নিজৰ পাউ ভাজিত শ্বেফে বনোৱা পাউ ভাজিৰ সোৱাদ আনিব বিচাৰে তেন্তে আজিৰ এই প্ৰতিবেদন আপোনাৰ বাবে ৷ এই প্ৰতিবেদনত আমি আপোনালোকক শ্বেফ বিকাশ খান্নাই আগবঢ়োৱা পাউ ভাজি মছলাৰ ৰেচিপিৰ বিষয়ে জনাইছো ৷ তেন্তে চাও আহক সম্পূৰ্ণ ৰেচিপি ৷

প্ৰয়োজনীয় উপাদানসমূহ

  • ৫ টা শুকান ৰঙা জলকীয়া
  • এক চতুৰ্থাংশ কাপ গোটা ধনীয়া
  • ৬ টা লং
  • ১ চামুচ জিৰা
  • ১/৫ চামুচ চফ
  • ৪ টা ডাঙৰ ইলাচি
  • ২ ইঞ্চি ডালচেনি
  • ১ চামুচ হালধি
  • আমৰ গুড়ি ২ চামুচ
  • ১ চামুচ জালুকৰ গুড়ি
  • ১ চামুচ ৰঙা জলকীয়াৰ গুড়ি
  • ১ চামুচ ক'লা নিমখ

এইদৰে পাউ ভাজি মছলা প্ৰস্তুত কৰক

  • প্ৰথমে কেৰাহীখন কম জুইত গেছত ৰাখিব ৷
  • এতিয়া শুকান ৰঙা জলকীয়াখিনি গুটি আঁতৰোৱাৰ পিছত কেৰাহীত অলপ পুৰি লওক ৷
  • এতিয়া আন এটা কেৰাহীত গোটা ধনীয়া, লং, জিৰা, চফগুটি আৰু ইলাচি ওপৰত উল্লেখিত পৰিমাণ অনুসৰি ভালদৰে মিহলাই শুকানকৈ ভাজি লওক ৷
  • ইয়াৰ পিছত ভজা মছলাখিনি আৰু উল্লেখিত উপাদানৰ পৰা বাকী থকা সকলো মছলা মিক্সাৰত দি ভালদৰে পিচি লওক ৷
  • ইয়াৰ পিছতে চেফ বিকাশ খান্নাৰ পাউ ভাজি মছলা সাজু হৈ গৈছে ৷
  • এতিয়া যেতিয়াই পাউ ভাজি বনাবলৈ আপুনি ইচ্ছা কৰে তেতিয়াই এই মছলাবিধ ব্যৱহাৰ কৰিব পাৰে ৷

এই মছলাৰ উপকাৰিতা

  • বজাৰৰ পৰা অহা মিশ্ৰিত মছলাতকৈ ঘৰতে বনোৱা পাউ ভাজি মছলা বহুগুণে পৰিষ্কাৰ হয় ৷
  • এই মছলা তৰকাৰীত যোগ কৰিলে আপুনি কোনো অতিৰিক্ত মছলা দিয়াৰ প্ৰয়োজন নাই ৷
  • চেফ বিকাশ খান্নাই আগবঢ়োৱা এই পাউ ভাজি মছলাত সকলো ধৰণৰ মছলাৰ মিশ্ৰণ আছে যিটো আমাৰ স্বাস্থ্যৰ বাবেও উপকাৰী ৷
  • আন যিকোনো তৰকাৰী বা ভাজিত এই মছলা মিহলাইও সোৱাদ বৃদ্ধি কৰিব পাৰে ৷

লগত পঢ়কে: থ্ৰেডিং কৰাৰ পিচত ভুলতো নকৰিব এই কাম অন্যথা হ’ব ডাঙৰ লোকচান

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.