সনাতন ধৰ্মত হনুমান জয়ন্তীক এটা বিশেষ দিন বুলি গণ্য কৰা হয় । হিন্দু বৰ্ষপঞ্জী অনুসৰি, হনুমান জয়ন্তী চৈত্ৰ মাহৰ শুক্লা পক্ষৰ পূৰ্ণিমা দিৱসত উদযাপন কৰা হয় । এই বৰ্ষত হনুমান জয়ন্তী ২৩ এপ্ৰিলত উদযাপন কৰা হয় । অঞ্জনা আৰু পৱন পুত্ৰ হনুমানক বান্দৰৰ দেৱতা, বজৰংবলী আৰু বায়ু দেৱ বুলিও কোৱা হয় ।
কোৱা হয় যে, আজিৰ দিনটোত পৱন পুত্ৰ হনুমানৰ জন্ম হৈছিল । শাস্ত্ৰ অনুসৰি এবাৰ ভগৱান ৰামৰ দীৰ্ঘায়ু কামনা কৰি হনুমানে তেওঁৰ গোটেই শৰীৰত সেন্দুৰ সানিছিল ৷ সেই তেতিয়াৰ পৰাই হনুমানক ভক্তসকলে সেন্দুৰ আগবঢ়োৱাৰ পৰম্পৰা আৰম্ভ হয় ৷
মান্যতা যে, বজৰংবলীয়ে তেওঁৰ ভক্তসকলৰ দুখ-কষ্ট আঁতৰ কৰে আৰু বজৰংবলী সুখী হ'লে ভক্তৰ সকলো ইচ্ছা পূৰণ কৰে । এই বৰ্ষত হনুমান জয়ন্তী পূৰ্বতকৈ গুৰুত্বপূৰ্ণ ৷ কিয়নো এইবাৰ মঙলবাৰে অঞ্জনা পুত্ৰ হনুমানৰ জন্ম বাৰ্ষিকী পৰিছে ৷ সনাতন ধৰ্মত, মঙলবাৰ হনুমানৰ দিন বুলি গণ্য কৰা হয় ।
এইগৰাকী আৰাধ্য দেৱতাক কোনো কোনো ভক্তই বজৰংবলী, পৱনসূত, মহাবীৰ, কেশৰী নন্দন, বান্দৰ দেৱতা, মাৰুতি নন্দন, পৱন পুত্ৰ, সংকটমোচন, অঞ্জনেয়া বুলিও সম্বোধন কৰে । কোৱা হয় যে হনুমান অজৰ-অমৰ । কলিযুগত বাস কৰা তেওঁ পৃথিৱীৰ একমাত্ৰ দেৱতা । সেয়ে হনুমানৰ ভক্তসকলে আজিৰ দিনটোত তেওঁক ৰঙা সেন্দুৰ আগবঢ়ায় । হনুমান হৈছে শক্তিৰ প্ৰতীক।
হনুমান জয়ন্তীৰ আৰম্ভণি কেনেকৈ হৈছিল ?
জ্যোতিষী ড৹ উমাশংকৰ মিশ্ৰই কোৱা অনুসৰি, এইবাৰ হনুমান জয়ন্তী ২৩ এপ্ৰিলৰ পুৱা ৩.২৫ বজাৰ পৰা আৰম্ভ হৈ ২৪ এপ্ৰিল বুধবাৰে পুৱা ৫.১৮ বজালৈত অন্ত পৰিব ৷ এই কাৰণে মঙলবাৰে হনুমান জয়ন্তী উদযাপন কৰা হ'ব ।
তেওঁ লগতে কয় যে যদি ভক্তই বজৰংবলীক উপাসনা কৰাৰ ফল পাবলৈ বিচাৰে, তেন্তে শুভ মুহূৰ্তত উপাসনা কৰা উচিত । শুভ মুহূৰ্ত পুৱা ১১.৫৪ বজাৰ পৰা আৰম্ভ হ'ব আৰু দুপৰীয়া ১২.৪৬ বজালৈকে চলিব ।
হনুমান জয়ন্তীৰ শুভ মুহূৰ্ত :
জ্যোতিষীসকলে কৈছিল যে হনুমান জয়ন্তীৰ প্ৰথম মুহূৰ্ত বিয়লি ৪.২০ বজাৰ পৰা সন্ধিয়া ৫.০৪ বজালৈ অব্যাহত থাকিব । একে সময়তে, দ্বিতীয় মুহুৰ্তটো দ্বিতীয় মুহূৰ্ত পুৱা ৯.০৩ বজাৰ পৰা পুৱা ১০.৪১ বজালৈ হ'ব । ইয়াৰ উপৰিও, তৃতীয় মুহূৰ্তটো সন্ধিয়া ৮.১৪ বজাৰ পৰা আৰম্ভ হ'ব, যি নিশা ৯.৩৫ বজালৈ চলিব ।
পূজনবিধি
শ্ৰীৰামৰ ভক্ত হনুমানৰ জন্ম জয়ন্তীত উপাসনা কেনেকৈ কৰিব লাগে জানো আহক -
প্ৰথমে, উত্তৰ-পূব দিশত কাঠৰ পোষ্ট এটাত ৰঙা কাপোৰ এখন মেলি বহলাই দিয়ক । তাৰ পাচত হনুমানৰ এখন ফটো লগাওক । এই ছবিখন ৰাম পৰিয়ালৰ সৈতে হ'লে বহুত ভাল হ'ব । তাৰ পিচত হনুমানৰ সন্মুখত ঘিউৰ চাকি এটা জ্বলাই দিয়ক আৰু ৰঙা আৰু হালধীয়া ফুল দিয়ক । কোৱা হয় যে হনুমান বিশেষকৈ লাড্ডু ভাল পায়, সেয়েহে তেওঁক প্ৰসাদত লাজ্জু আগবঢ়াওক । ইয়াৰ লগতে, তেওঁলোকক তুলসীৰ ডাল আগবঢ়াওক ।
এই মন্ত্ৰ এনেদৰে জপ কৰক :
জ্যোতিষী ড৹ উমাশংকৰ মিশ্ৰই কয় যে এই বিশেষ দিনটোত শ্ৰীৰামৰ মন্ত্ৰ উচ্চাৰণ কৰাটো বিশেষভাৱে লাভজনক । "ওম ৰাম ৰামায় নমঃ" বুলি কৈ মন্ত্ৰ জপ কৰক ৷ ইয়াৰ পিচত ঔম হাম হনুমাতে নমঃ মন্ত্ৰ উচ্চাৰণ কৰি এডাল জপমালা জপ কৰক ।
ইয়াৰ উপৰিও হনুমান চালিছা তিনিবাৰ পাঠ কৰিব পাৰে ৷ ভক্তসকলে ইচ্ছা কৰিলে চামেলী ফুলৰ তেলৰ চাকিও জ্বলাব পাৰে । আপুনি হনুমানক পোছাক আগবঢ়াব পাৰে । আজিৰ দিনটোত বজৰংবাষ পাঠ কৰাটোও ভাল ৷ যদি এজন ব্যক্তিৰ স্বাস্থ্য সম্পৰ্কীয় সমস্যা আছে, তেন্তে হনুমানৰ সন্মুখত ৰঙা কাপোৰ পিন্ধিব আৰু যিমান সম্ভৱ হনুমান বাহুক আবৃত্তি কৰিব । ই সুস্বাস্থ্যৰ আশীৰ্বাদ প্ৰদান কৰিব ।
লগতে পঢ়ক: গাৰ নোম শিয়ৰি উঠা এটা ঘটনা : কোনে কয় ঈশ্বৰ নাই ? - LUCKNOW RAILWAY STATION
