গুৱাহাটী, ২০ এপ্ৰিল : বৰ্তমান সময়ত বহু লোক পেৰিফেৰেল নিউৰ'পেথীৰ সমস্যাত ভুগা পৰিলক্ষিত হয় । পেৰিফেৰেল মানে এটা বস্তুৰ পৰা দূৰত থকাটো বুজায় ৷ আনহাতে নিউ'ৰপেথি মানে হৈছে স্নায়ুৰ পৰা হোৱা বিষ আদিকে ধৰি অন্যান্য সমস্যা ।
চিকিৎসা বিজ্ঞান অনুসৰি পেৰিফেৰেলক প্ৰধানত দুটা ভাগত ভাগ কৰা হৈছে । সেই দুটা হৈছে চেণ্ট্ৰেল নাৰ্ভাচ চিষ্টেম আৰু আনটো হৈছে পেৰিফেৰেল নাৰ্ভাছ ছিষ্টেম । চেণ্ট্ৰেল নাৰ্ভাছ ছিষ্টেম বুলি ক’লে মগজু আৰু মগজুৰ স্পাইনেল ফৰ্ম এই অংশ দুটাক বুজোৱা হয় ।
তাৰ বাহিৰে যিখিনি স্নায়ু ওলাই গৈ হাত, ভৰিকে ধৰি শৰীৰৰ যিবোৰ অংশত সিঁচৰতি হৈ পৰে, তাক পেৰিফেৰেল নাৰ্ভাছ ছিষ্টেম বুলি কোৱা হয় । এই পেৰিফেৰেল নাৰ্ভাছ ছিষ্টেম যি নিউৰ'পেথীৰ অসুবিধা সৃষ্টি হয়, তাকেই পেৰিফেৰেল নিউৰ'পেথীৰ বুলি কোৱা হয় ।
বৰ্তমান সময়ত সমগ্ৰ ভাৰতবৰ্ষত প্ৰায় ১ কোটিৰো অধিক লোক এই সমস্যাত ভুগি আছে । সমান্তৰালভাৱে সমগ্ৰ বিশ্বজুৰি প্ৰায় ২.৫ % পৰা ৩% লোক এই সমস্যাত ভুগি আছে । অন্যান্য স্নায়ুৰোগসমূহ লগ লগালে ইয়াৰ পৰিসৰ আৰু বৃদ্ধি পাব । সমগ্ৰ বিশ্বজুৰি প্ৰায় ৭ কোটি লোক অকল ডায়েবেটিক স্নায়ুৰ সমস্যাত ভুগি আছে ।
আমাৰ দেহত স্নায়ু সমূহৰ কিছু নিজা নিজা বৈশিষ্ট আছে । কিছুমান স্নায়ুই কেৱল আমাৰ শৰীৰৰ স্পৰ্শ, হেঁচা মাৰি ধৰিলে যি অনুভৱ হয়, জুয়ে পুৰিলে যি অনুভৱ কৰায় । আনহাতে, অন্য এটা মোটা স্নায়ু থাকে যিয়ে মাংসপেশীৰ চলাচলক নিয়ন্ত্ৰণ কৰিব পাৰে । আনহাতে আৰু কিছু অটোনেমিক স্নায়ুই আমাৰ উচ্চৰক্তচাপ, হাওঁফাওঁৰ গতি, হজম, স্থীৰতা আদি নিয়ন্ত্ৰণ কৰিব পাৰে ।
পেৰিফেৰেল নিউৰ'পেথীৰ লক্ষণ বুলি ক’লে ইয়াৰ কোনোবা এটা ভাগত প্ৰভাৱ পৰিলে বা গোটেই কেইটা ভাগত প্ৰভাৱ পৰিলেই এই ৰোগ হ'ব পাৰে । কিছুমান কেন্সাৰৰ ঔষধৰ বাবেও এয়া হ'ব পাৰে । তদুপৰি আঘাতৰ পৰাও পেৰিফেৰেল নিউ'ৰপেথি হ'ব পাৰে । ভিটামিন B, C আৰু D ৰ অভাৱ হ’লেও এই সমস্যা হ'ব পাৰে ।
লগতে পঢ়ক : আপোনাৰ দিনত শোৱাৰ অভ্যাস আছে নেকি, তেন্তে সাৱধান হওক... Dementia Risk - Dementia Risk
