চিটাৰা ডেস্ক, 22 মে’ : সুহানা খান, অনন্যা পাণ্ডে, নব্যা নভেলী নন্দা আৰু শ্বানায়া কাপুৰ হৈছে বি-টাউন বেষ্টিজ ৷ প্ৰায়ে আটাইকে একেলগে বহুতো অনুষ্ঠান আৰু ৰেস্তোৰাঁৰ বাহিৰত একেলগে দেখা যায় । আজি 22 মে'ত, শ্বাহৰুখ খানৰ কন্যা সুহানা 24 বছৰীয়া হৈছে । তেওঁৰ 24 সংখ্যক জন্মদিনত তেওঁৰ প্ৰিয় বান্ধৱীসকলে এক বিশেষ ধৰণে জন্মদিনৰ শুভেচ্ছা জনাইছে ।
সুহানা খানে তেওঁৰ শৈশৱ অনন্যা পাণ্ডে, শ্বানায়া কাপুৰ, নব্যা নভেলী নন্দা আদিৰ দৰে বি-টাউনৰ শিশুসকলৰ সৈতে পাৰ কৰিছিল । সৰুৰে পৰা একেলগে থকাৰ বাবে তেওঁলোকৰ মাজৰ বন্ধুত্বও ক্ৰমান্বয়ে আৰু অধিক শক্তিশালী হৈ পৰে ৷ এতিয়াও বেছিভাগ সময় তেওঁলোকে একেলগেই পাৰ কৰে ৷ ছ’চিয়েল মিডিয়াৰ পোষ্টবোৰৰ পৰা অনুমান হয় যে তেওঁলোকে সদায়ে ইজনে সিজনক সমৰ্থন কৰে ।
অনন্যা পাণ্ডেই ১২ বজাৰ লগে লগে সুহানাক জন্মদিনৰ শুভেচ্ছা জনাই ছ’চিয়েল মিডিয়াত পোষ্ট কৰে । 'ড্ৰিম গাৰ্ল ২' ৰ অভিনেত্ৰী অনন্যা পাণ্ডেই আই পি এল ২০২৪ ৰ প্ৰথমখন কোৱালিফায়াৰ মেচৰ বিজয়ী দল কলকাতা নাইট ৰাইডাৰ্ছৰ এই জয়ত উল্লসিত হৈ থকাৰ সময়তে ষ্টেডিয়ামৰ পৰা নিজৰ আৰু সুহানাৰ এখন ছবি শ্বেয়াৰ কৰে । তাৰ পৰাই এই ছবিখন তেওঁ বিশেষ কেপশ্যনৰ সৈতে পোষ্ট কৰিছে ।
সুহানাক জন্মদিনৰ শুভেচ্ছা জনাই অনন্যাই কেপশ্যনত লিখিছে, ‘হেপী বাৰ্থডে মাই বেষ্ট গাৰ্ল । গোটেই পৃথিৱীত তোমাৰ দৰে কোনো নাই, মই তোমাক ভাল পাওঁ চুজি । এই ফটোখনত আমাৰ ভালপোৱা কামটো কৰি থকাৰ সময়ত আমি আটাইতকৈ সুখৰ মুহুৰ্তত' ৷
ইয়াৰ পিচতে অমিতাভ বচ্চনৰ নাতিনীয়েক নব্যা নভেলী নন্দই তেওঁৰ ইনষ্টাগ্ৰাম ষ্ট’ৰীত ক’লা পল্কা ডট ড্ৰেছত সুহানাৰ এখন ছবি শ্বেয়াৰ কৰে । ‘হেপি বাৰ্থডে সুহানা’ বাৰ্তা আৰু ৰঙা হৃদয়ৰ ইমোজিৰে শুভেচ্ছা জনায় নব্যাই ।
শ্বানায়া কাপুৰেও সুহানা খানৰ সৈতে ইনষ্টাগ্ৰাম ষ্ট’ৰীত এখন ফটো পোষ্ট কৰিছে । এই ছবিখন এখন আই পি এল খেলৰ সময়ত তোলা হৈছিল । ছবিখন পোষ্ট কৰাৰ সময়ত শ্বানায়াই শিৰোনামটোত লিখিছে, ‘হেপী বাৰ্থডে চিষ্টাৰ । লৱ্ ইউ লং টাইম' ৷
মঙলবাৰে কলকাতা নাইট ৰাইডাৰ্ছ বনাম ছানৰাইজাৰ্ছ হায়দৰাবাদৰ আই পি এল মেচ চাবলৈ আহমেদাবাদৰ নৰেন্দ্ৰ মোদী ষ্টেডিয়ামত সুহানা উপস্থিত হৈছিল অগস্ত্য নন্দ, অনন্যা আৰু শ্বানায়া কাপুৰৰ সৈতে । য’ত শ্বাহৰুখৰ দল কে কে আৰে ছানৰাইজাৰ্ছ হায়দৰাবাদক পৰাস্ত কৰি আই পি এল ২০২৪ ৰ ফাইনেলত স্থান নিশ্চিত কৰে ।
