চিটাৰা ডেস্ক, 25 এপ্ৰিল : কিং খান শ্বাহৰুখ খান তেওঁৰ কন্যা সুহানা খানৰ আহিবলগীয়া ছবিয়ে ইতিমধ্যে ব্যাপক চৰ্চা লাভ কৰিছে ৷ প্ৰথমবাৰৰ বাবে ৰূপালী পৰ্দাত একেলগে দেখা যাব পিতৃ-কন্যাৰ যুটিটোক । পিতৃ-কন্যাৰ যুটিটোৱে 'কিং' নামৰ আহিবলগীয়া ছবিখনত একেলগে কাম কৰিব ৷ ইতিমধ্য়ে তেওঁলোকে ছবিখনৰ দৃশ্যগ্ৰহণ আৰম্ভ কৰিবলৈ পৰিকল্পনা আৰম্ভ কৰিছে ।
প্ৰাপ্ত তথ্য অনুসৰি, এই বছৰৰ জুন মাহৰ আৰম্ভণিতে কিং ছবিখনৰ বাবে 'কিং খান' আৰু তেওঁৰ কন্যা সুহানাই দৃশ্যগ্ৰহণৰ কাম আৰম্ভ কৰিব । দলটোৱে লণ্ডনত দৃশ্যগ্ৰহণ কৰিব বুলি জানিব পৰা গৈছে ৷ লণ্ডনত ছবিখনৰ কিছু আকৰ্ষণীয় এক্সন দৃশ্যৰ পৰিকল্পনা কৰা হৈছে বুলি জানিব পৰা গৈছে ।
তথ্য অনুসৰি, প্ৰডাকশ্যন দলটোৱে এই ছবিখনৰ বাবে অভিলাসী পৰিকল্পনা কৰিছে ৷ বিশেষকৈ ছবিখনত হাই-এক্সন দৃশ্যক লৈ পৰিকল্পনা কৰা হৈছে ৷ এই এক্সন দৃশ্য ছবিখনৰ অপৰিহাৰ্য অংগ ৷ জানিব পৰা অনুসৰি ছবিখনৰ কাম ইতিমধ্য়ে অব্যাহত আছে ৷ স্কাউটসকলে ছবিখনৰ দৃশ্যগ্ৰহণৰ বাবে স্থান বিচাৰি আছে ৷
সংবাদ মাধ্যমৰ বাতৰি অনুসৰি, শ্বাহৰুখ খানক ছবিখনত ডনৰ চৰিত্ৰত অভিনয় কৰা দেখা যাব । ছবিখনত কিছুমান ধূসৰ শ্বেড’ থাকিব । গৌৰী খান আৰু সিদ্ধাৰ্থ আনন্দৰ দ্বাৰা "কিং" ছবিখন প্ৰযোজনা কৰা হৈছে । এই ছবিখনত প্ৰায় 200 কোটি টকাৰ অধিক ব্যয় হ'ব বুলি আশা কৰা হৈছে ।
এয়া 'কিং' শ্বাহৰুখ আৰু সুহানাৰ একেলগে প্ৰথম চলচ্চিত্ৰ প্ৰকল্প হ'ব । ইয়াৰ পূৰ্বে, কিং খানে তেওঁৰ জ্যেষ্ঠ পুত্ৰ আৰিয়ান খানক দৰ্শকলৈ মাজলৈ লৈ আহিছিল । আৰিয়ানে 'ষ্টাৰডম' নামৰ তেওঁৰ প্ৰথম পৰিচালনা উদ্যোগত কাম কৰি আছে ৷
