চিটাৰা ডেস্ক, 5 মে’ : বিগত 1 মে’ত বলীউডৰ অভিনেতা ছলমান খানৰ বাসগৃহৰ বাহিৰত গুলীচালনাৰ গোচৰ অভিযুক্ত অনুজ থাপনৰ মৃতদেহ জেইলৰ ভিতৰত উদ্ধাৰ কৰা হৈছিল ৷ এই ঘটনাক আৰক্ষীয়ে আত্মহত্যা বুলি কৈছিল যদিও পৰিয়ালৰ লোকে মানি লোৱা নাছিল ৷ পৰিয়ালক লোকে থাপনক হত্যা কৰা হৈছিল বুলি দাবী উত্থাপন কৰিছিল ৷
ইয়াৰ পাচতে শেহতীয়াকৈ থাপনৰ আত্মীয়ই চি আই ডিৰ সৈতে সাক্ষাৎ কৰে । থাপানৰ পৰিয়ালে মুম্বাইৰ কাৰাগাৰত থাপনৰ আত্মহত্যাৰ অভিযোগ দাখি কৰি এটা বিবৃতি লিপিবদ্ধ কৰিছিল । ৰাজ্যিক চি আই ডিয়ে শনিবাৰে আৰক্ষীৰ জিম্মাত আত্মহত্যা কৰি মৃত্যু হোৱা অনুজ থাপনৰ পৰিয়ালৰ তিনিজন সদস্যৰ ভাষ্য লিপিবদ্ধ কৰে বুলি এজন বিষয়াই জানিবলৈ দিয়ে ৷
বিষয়াজনে জনোৱা অনুসৰি চি আই ডিয়ে থাপনৰ আত্মীয় বিক্ৰম কুমাৰ, কুলদীপ কুমাৰ আৰু যশৱন্ত সিঙৰ ভাষ্য লিপিবদ্ধ কৰিছে । মৃতদেহটো অন্ত্যেষ্টিক্ৰিয়াৰ ৰীতি-নীতিৰ বাবে পঞ্জাৱলৈ লৈ যোৱা হ’ব ৷ আটকাধীন শ্বুটাৰক ৰাইফল আৰু গুলী যোগান ধৰাৰ অভিযোগত পঞ্জাৱৰ পৰা গ্ৰেপ্তাৰ কৰা হৈছিল থাপন (৩২)ক ৷
বুধবাৰ তথা 1 মে’ত মুম্বাই অপৰাধ শাখাৰ কমিছনাৰেট কমপ্লেক্সৰ লক-আপৰ শৌচালয়ৰ ভিতৰত সন্দেহজনক অৱস্থাত মৃত অৱস্থাত উদ্ধাৰ হৈছিল থাপন ৷ 2 মে'ত মৰণোত্তৰ পৰীক্ষাৰ বাবে থাপনৰ মৃতদেহটো জেজে চিকিৎসালয়লৈ প্ৰেৰণ কৰা হয় । তেওঁৰ পৰিয়ালে দাবী কৰিছে যে থাপনক আৰক্ষীয়ে 'হত্যা' কৰিছে ৷ মৃত অভিযুক্তটোৰ ভাতৃ অভিষেক থাপনে কৈছিল যে অনুজে আত্মহত্যা কৰিব নাৱোৰে ৷
উল্লেখ্য যে, যোৱা 14 এপ্ৰিলতল অভিনেতা ছলমান খানৰ বাসগৃহৰ বাহিৰত পুৱা গুলীচালনাৰ ঘটনা সংঘটিত হৈছিল ৷ দুজন ব্যক্তিয়ে মটৰচাইকেলেৰে আহি ছলমান খানৰ গেলেক্সী এপাৰ্টমেণ্টৰ বাহিৰত চাৰি ৰাউণ্ড গুলীচালনা কৰিছিল আৰু ঘটনাস্থলীৰ পৰা পলায়ন কৰিছিল । তাৰ পিচতে মুম্বাই অপৰাধ আৰক্ষীয়ে সাগৰ পাল আৰু বিকি গুপ্তা নামৰ দুই শ্বুটাৰৰ লগতে অস্ত্ৰ সৰবৰাহকাৰী চনু সুভাষ চন্দৰ আৰু অনুজ থাপনক আটক কৰিছিল ৷
লগতে পঢ়ক:
গেলেক্সীত গুলীচালনাৰ অভিযুক্তৰ ৰহস্যজনক মৃত্যু, মন্তব্য প্ৰকাশৰ পৰা বিৰত ছলমান খান - Salman Khan
গেলেক্সিত গুলীচালনা; জেলতে মৃত্যু গুলীচালনাকাৰীৰ : হত্যা নে আত্মহত্যা ? - Salman Khan House Firin
