চিটাৰা ডেস্ক, ২৭ ফেব্ৰুৱাৰী: পঞ্চভূতত বিলীন হ’ল বলীউডৰ 'গজল সম্ৰাট' অৰ্থাৎ পংকজ উধাছ ৷ সকলোকে কন্দুৱাই থৈ অজান পৃথিৱীলৈ গুচি গ’ল গজল সম্ৰাট ৷ শেষবাৰৰ বাবে তেওঁক শ্ৰদ্ধাঞ্জলি জনাবলৈ বহু চেলিব্ৰিটিয়ে কণ্ঠশিল্পীগৰাকীৰ ঘৰত বাহগৃহত উপস্থিত হৈছে । ২৬ ফেব্ৰুৱাৰীত দেহাৱসান ঘটিছিল পংকজ উধাছৰ । মৃত্যুৰ সময়তে তেওঁৰ বয়স আছিল ৭২ বছৰ ৷ ছ’চিয়েল মিডিয়াৰ জৰিয়তে সকলোকে এই তথ্য দিছিল তেওঁৰ কন্যাই ।
ক’ত সম্পন্ন হৈছে পংকজ উধাছৰ অন্ত্যেষ্টিক্ৰিয়া ?
মুম্বাইৰ ৱৰলীৰ হিন্দু শ্মশানত অন্ত্যেষ্টিক্ৰিয়া সম্পন্ন কৰা হয় গজল সম্ৰাটগৰাকীৰ । য’ত তেওঁক পৰিয়ালৰ সদস্য আৰু বহু চেলিব্ৰিটিয়ে কান্দি কান্দি বিদায় দিয়ে । এই সময়ত মুম্বাই আৰক্ষীয়েও গজল সম্ৰাটগৰাকীক চেলুট দিয়াৰ লগতে তেওঁক গাৰ্ড অৱ অনাৰ দিয়া হয় ।
মুম্বাই আৰক্ষীয়ে জনালে শেষ শ্ৰদ্ধা
পংকজ উধাছৰ নশ্বৰদেহ ত্ৰিৰংগাত মেৰিয়াই ঘৰৰ পৰা মুম্বাইৰ ৱৰলীৰ হিন্দু শ্মশানলৈ লৈ যোৱা হয় ৷ যাৰ বহু ছবি আৰু ভিডিঅ’ ছ’চিয়েল মিডিয়াতো পোহৰলৈ আহিছে । উল্লেখ্য যে এই সময়ছোৱাত বহু বিশিষ্ট লোক গজল সম্ৰাটগৰাকীৰ বাসগৃহত উপস্থিত হয় আৰু তেওঁক শেষবাৰৰ শ্ৰদ্ধাঞ্জলি জ্ঞাপন কৰিছে । তবলাবাদক জাকিৰ হুছেইনৰ উপৰিও সুনীল গাভাস্কাৰ, বিদ্যা বালান, শংকৰ মহাদেৱনকে ধৰি বহু চেলিব্ৰিটিয়ে গজল সম্ৰাটগৰাকীক বিদায় দিবলৈ আহিছিল ।
গায়কীৰ বাবে ৫১ টকা প্ৰথম পুৰস্কাৰ পাইছিল
পিতৃ আৰু ভাতৃৰ পথ অনুসৰণ কৰি সংগীত জগতত ভৰি দিছিল পংকজ উধাছে । অৱশ্যে তেওঁৰ মন আছিল চিকিৎসক হোৱাৰ । কিন্তু গীতে তেওঁ গজল সম্ৰাট কৰি তুলিলে । তেওঁৰ কেৰিয়াৰত পংকজ উধাছে পদ্মশ্ৰী বঁটাৰ দৰে বহু ডাঙৰ বঁটাও লাভ কৰিছিল ।
লগতে পঢ়ক: মুম্বাই আৰক্ষীয়ে শেষ শ্ৰদ্ধা জনাব পংকজ উধাছক
