নিউয়ৰ্কত নীতা মুকেশ আম্বানী সাংস্কৃতিক কেন্দ্ৰ ইণ্ডিয়া উইকেণ্ডৰ প্ৰথম সংস্কৰণ

মুম্বাই : ‘‘নীতা মুকেশ আম্বানী সাংস্কৃতিক কেন্দ্ৰ ইণ্ডিয়া উইকেণ্ড’’ৰ প্ৰথম সংস্কৰণ নিউয়ৰ্ক চহৰত অনুষ্ঠিত কৰাৰ গৌৰৱ লাভ কৰিছে নীতা মুকেশ আম্বানী সাংস্কৃতিক কেন্দ্ৰই । দেশৰ চহকী ঐতিহ্যৰ এক ঐতিহাসিক উদযাপন হ’ব এয়া । নীতা মুকেশ আম্বানী সাংস্কৃতিক কেন্দ্ৰই জাৰি কৰা এক প্ৰেছ বিজ্ঞপ্তি অনুসৰি ২০২৫ চনৰ ১২ ৰ পৰা ১৪ ছেপ্টেম্বৰলৈকে চলিবলগীয়া এই মনোৰঞ্জনমূলক সপ্তাহান্তত ভাৰতৰ সংগীত, থিয়েটাৰ, ফেশ্বন, ৰন্ধন আৰু পৰম্পৰাৰ শ্ৰেষ্ঠত্ব বিশ্ব মঞ্চত প্ৰদৰ্শন কৰা হ’ব ।

এই উপলক্ষে ভাষণ দি ৰিলায়েন্স ফাউণ্ডেশ্যনৰ প্ৰতিষ্ঠাপক তথা অধ্যক্ষ নীতা আম্বানীয়ে কয়, “নিতা মুকেশ আম্বানী সাংস্কৃতিক কেন্দ্ৰ ইণ্ডিয়া উইকেণ্ডক প্ৰথমবাৰৰ বাবে নিউয়ৰ্ক চহৰলৈ আনিবলৈ পাই আমি ৰোমাঞ্চিত হৈছো । ভাৰতৰ সাংস্কৃতিক ঐতিহ্য – আমাৰ কলা, শিল্প, সংগীত, নৃত্য, ফেশ্বন আৰু খাদ্যৰ বিশ্বব্যাপী উদযাপন- হিচাপে ইয়াক ডিজাইন কৰা হৈছে । এন এম এ চি চিত সদায় আমাৰ লক্ষ্য হৈছে ভাৰতত বিশ্বৰ শ্ৰেষ্ঠত্বক প্ৰদৰ্শন কৰা আৰু ভাৰতৰ শ্ৰেষ্ঠত্বক বিশ্বৰ মাজলৈ যোৱাৰ । এই বিশেষ সপ্তাহান্তত সেই যাত্ৰাৰ প্ৰথম পদক্ষেপ হিচাপে বিশ্বৰ অন্যতম সন্মানীয় মঞ্চ লিংকন চেণ্টাৰত ভাৰতৰ আত্মাক উদযাপন কৰা হ’ব । আমাৰ চহকী পৰম্পৰা আৰু ঐতিহ্যক নিউয়ৰ্ক চহৰ আৰু বিশ্বৰ সৈতে শ্বেয়াৰ কৰিবলৈ পাই মই উৎসাহিত হৈছো ।”

সপ্তাহান্তৰ দিনটোৰ আৰম্ভণি ১২ ছেপ্টেম্বৰত ডেভিদ এইচ কোচ থিয়েটাৰ, লিংকন চেণ্টাৰ ফৰ দ্য পাৰফৰ্মিং আৰ্টছত ভাৰতৰ সৰ্ববৃহৎ নাটক মেকিং দ্য গ্ৰেট ইণ্ডিয়ান মিউজিকেল: চিভিলাইজেশ্যন টু নেশ্যন'ৰ আটাইতকৈ প্ৰত্যাশিত আমেৰিকাৰ প্ৰিমিয়াৰৰ সৈতে হ’ব ।

আনুষ্ঠানিক বিবৃতি অনুসৰি নৃত্য, শিল্প, ফেশ্বন আৰু সংগীতৰ সমন্বয় ভাৰতৰ অতীত, বৰ্তমান আৰু ভৱিষ্যতৰ প্ৰতি এক শ্ৰদ্ধাঞ্জলি ৷ ই খ্ৰীষ্টপূৰ্ব ৫০০০ চনৰ পৰা ১৯৪৭ চনৰ দেশৰ স্বাধীনতা লাভলৈকে দেশখনৰ ইতিহাসৰ সন্ধান কৰিব ।

১০০ জনতকৈ অধিক শিল্পী, বিশেষ পোচাক আৰু বহুত কিবাকিবিৰ সৈতে ‘‘দ্য গ্ৰেট ইণ্ডিয়ান মিউজিকেল’’ এক দৰ্শনীয় অভিজ্ঞতা । বিবৃতিটোত কোৱা হৈছে যে ভাৰতৰ আটাইতকৈ ডাঙৰ মিউজিকেল শ্ব’টোত ভাৰতীয় তাৰকা প্ৰতিভাৰ লগতে টনি আৰু এমি বঁটা বিজয়ী ক্ৰুও আছে আৰু ইয়াৰ পৰিচালনা কৰিছে ফিৰোজ আব্বাছ খানে ।

কি বিশেষ হ’ব -

• এই মাৰ্কি প্ৰডাকশ্যন অজয়-অতুল (সংগীত), ময়ুৰী উপাধ্যায়, বৈভৱী মাৰ্চেণ্ট, সমীৰ আৰু আৰ্শৰ দৰে মহান শিল্পীয়ে অংশগ্ৰহণ কৰিব ।
• এই ভিজুৱেল দৰ্শনত প্ৰখ্যাত ফেশ্বন ডিজাইনাৰ মনীষ মালহোত্ৰাই ডিজাইন কৰা ড্ৰেছো থাকিব ।
• এই অনুষ্ঠানত পাঁচটা সীমিত পৰিৱেশন হ’ব, ১২ ছেপ্টেম্বৰৰ উদ্বোধনী অনুষ্ঠানৰ আৰম্ভণিতে কেৱল অতিথিৰ বাবে ৰেড কাৰ্পেট - '‘গ্ৰেণ্ড ৱেলকাম’' - অনুষ্ঠিত হ'ব, য’ত মনীষ মালহোত্ৰাৰ ‘‘স্বদেশ ফেশ্বন শ্ব’’ অনুষ্ঠিত হ’ব ।
• এই শ্ব’ত ভাৰতৰ বিখ্যাত পৰম্পৰাগত শিপিনী আৰু দক্ষ শিপিনীসকলক প্ৰদৰ্শিত কৰা হ’ব ।
• সন্ধিয়া আপুনি প্ৰাচীন ভাৰতৰ পৰা আধুনিক ভাৰতলৈকে খাদ্য সম্ভাৰৰ সোৱাদ ল’ব পাৰিব । উপস্থাপন কৰিব ষ্টাৰ চেফ বিকাশ খান্নাই ।
• এনএমএচিচি ইণ্ডিয়া উইকেণ্ড ১২-১৪ ছেপ্টেম্বৰত ডামৰোচ পাৰ্কত অনুষ্ঠিত হ’ব, য’ত ‘‘গ্ৰেট ইণ্ডিয়ান বাজাৰ’’ৰ ৰূপত এক আকৰ্ষণীয় আৰু মনোৰঞ্জনমূলক অভিজ্ঞতা থাকিব ।
• বিবৃতিটোত কোৱা হৈছে যে অতিথিসকলক ভাৰতীয় ফেশ্বন আৰু সাজ-পোছাকৰ উত্তম, সুস্বাদু ব্যঞ্জনৰ লগতে নৃত্য, যোগাসন আৰু সংগীতৰ অভিজ্ঞতাৰ সৈতে পৰিচয় কৰাই দিয়া হ’ব ।