সাধাৰণ মানুহৰ কিছু অসাধাৰণ প্ৰেম কাহিনীৰে ভৰা লাভ ষ্ট’ৰিয়া

author img

By ETV Bharat Assamese Team

Published : Feb 22, 2024, 2:16 PM IST

Fwd: Stories of ordinary people living and loving in an extraordinary way

Love Storiyaan: বাস্তৱ জীৱনৰ প্ৰেমৰ ওপৰত ভিত্তি কৰি নিৰ্মিত হৃদয়স্পৰ্শী অ’টিটি ছিৰিজ ‘‘লাভ ষ্ট'ৰিয়া’’ আমাজন প্ৰাইমত ভেলেণ্টাইন ডে’ উপলক্ষে মুক্তি লাভ কৰিছিল ৷ এতিয়া জ্যেষ্ঠ সাংবাদিক, তৌফিক ৰশ্বিদে শ্বেয়াৰ কৰিছে ‘‘লাভ ষ্ট'ৰিয়া’’ৰ আঁৰত থকা ছটা অসাধাৰণ প্ৰেম কাহিনী ৷

চিটাৰা ডেস্ক, ২২ ফেব্ৰুৱাৰী: অ’টিটি ধাৰাবাহিক ‘‘লাভ ষ্ট’ৰিয়া’’ৰ ষষ্ঠ খণ্ডৰ আৰম্ভণি আমাজন প্ৰাইমত এটা দৃশ্যৰ সৈতে হয়, য’ত বাংলা উৎসৱ দুৰ্গা পূজাত মহিলাসকলে ৰঙা আৰু বগা শাৰী পৰিধান কৰি, কপালত ডাঙৰ ৰঙা বিন্দী লগাই, সেন্দূৰ খেলিছে । ইয়াৰ মাজতে এগৰাকী মহিলাৰ কণ্ঠ শুনা যায়, য’ত মহিলাগৰাকীয়ে শিশু অৱস্থাত তেনে কৰাৰ ইচ্ছাৰ বৰ্ণনা কৰে, কিন্তু এই খেল খেলিবলৈ অনুমতি দিয়া হোৱা নাছিল ৷ কাৰণ ল’ৰাবোৰক এই খেল খেলিবলৈ অনুমতি দিয়া নহয় ৷ ইয়াৰ পিচতে নিজৰ ৰুটিন আৰম্ভ কৰিবলৈ পুৱা বিচনাৰ পৰা উঠি সাজু হয় এটি যুৱ দম্পতী ।

তৃতীয় লিংগ দম্পতীৰ এটা সুন্দৰ কাহিনী

খণ্ডটোৰ কেইমিনিটমানৰ ভিতৰতে আমি উপলব্ধি কৰোঁ যে কণ্ঠটো হৈছে তিস্তা দাসৰ, যি এগৰাকী তৃতীয় লিংগৰ ব্যক্তি ৷ তিস্তা যিয়ে শিশু অৱস্থাত বৈষম্য, বৰ্জনৰ বিৰুদ্ধে যুঁজিবলগীয়া হৈছিল, মাথোঁ নিজৰ ইচ্ছা পূৰণ আৰু মৰম পাবলৈ ৷ কাৰণ তেওঁ নিজৰ পৰিৱৰ্তনৰ পিচত এগৰাকী আত্মবিশ্বাসী যুৱতীলৈ পৰিৱৰ্তন হয় ।

কলিন ডি’কুনহাৰ পৰিচালনাত নিৰ্মিত ‘‘লাভ বিয়ণ্ড লেবেলছ’’ খণ্ডটোত কলকাতাৰ তৃতীয় লিংগৰ দম্পতী তিস্তা দাস আৰু দিপন চক্ৰৱৰ্তীৰ ৰোমান্টিক যাত্ৰাৰ বিষয়ে দেখুওৱা হয়, য’ত তিস্তাই দিপন চক্ৰৱৰ্তীৰ সৈতে লিংগ পৰিৱৰ্তনৰ অস্ত্ৰোপচাৰ কৰি থকাৰ সময়ত প্ৰেমত পৰিছিল ।

  • ]

এই দম্পতীয়ে তেওঁলোকৰ সংগ্ৰামৰ কাহিনী এই খণ্ডটোত বৰ্ণনা কৰে । যিহেতু তেওঁ জন্মৰ সময়ত অসম্পূৰ্ণ আছিল, সেয়েহে তেওঁক আন কাৰোবাৰ হাতত গতাই দিয়া হৈছিল । এনে পৰিস্থিতিত সংগ্ৰামৰ দিনবোৰত অবিৰত মৰম, সমৰ্থন আৰু যত্নৰ অন্তত তিস্তা আৰু দিপনৰ মাজত প্ৰেমৰ সম্পৰ্ক গঢ়ি উঠে । তিস্তাই প্ৰতিটো মুহূৰ্ততে চক্ৰৱৰ্তীক সমৰ্থন কৰিছিল । দৰাচলতে কাহিনীৰ খণ্ডবোৰক কিছু প্ৰকৃত দম্পতী তথা তেওঁলোকৰ প্ৰিয়জনৰ সৈতে বাস্তৱ জীৱনৰ সাক্ষাৎকাৰ, কিছুমান নাট্যৰূপ আৰু এই দম্পতীসকলৰ জোৰদাৰ কণ্ঠ বৰ্ণনাৰ মিশ্ৰণেৰে এক নতুন সোৱাদ দিবলৈ চেষ্টা কৰা হৈছে ।

এইখিনিতে উল্লেখ কৰিব লাগিব যে, যিদৰে তেওঁলোকে বাস্তৱ জীৱনত অসুবিধাৰ সন্মুখীন হৈছিল, ঠিক তেনেদৰেই এই খণ্ডটোও মুক্তি পোৱাৰ সময়তো সমস্যাৰ সন্মুখীন হৈছে । কাৰণ ইউ এ ই, চৌদি আৰব, তুৰ্কী, ইণ্ডোনেছিয়া, ইজিপ্তকে ধৰি ছখন দেশত এই ৱেব ধাৰাবাহিকখন নিষিদ্ধ কৰা হৈছে । নিষিদ্ধ কৰাৰ কাৰণ এটাই, এই ধাৰাবাহিকখনত LGBTQi+ দম্পতীৰ সম্পৰ্ক দেখুওৱা হৈছে ।

এই খণ্ডটো আৰু ইয়াৰ অনুৰূপ পাঁচটা খণ্ডই ভেলেণ্টাইন ডে’ উপলক্ষে মুক্তি লাভ কৰিছিল । ‘‘লাভ ষ্ট’ৰিয়া’’ কৰণ জোহৰৰ প্ৰযোজনাত আৰু সোমেন মিশ্ৰৰ দ্বাৰা নিৰ্মিত ছিৰিজ ৷ কেৱল ইমানেই নহয়, ইয়াত ছয়জন পৰিচালকৰ কৰ্ম নিহিত হৈ আছে, যিসকলে ছটা দম্পতীৰ বাস্তৱ জীৱনৰ প্ৰেম কাহিনী উপস্থাপন কৰিছে ।

এই ছটা প্ৰেম কাহিনী একেবাৰে অসাধাৰণ-যিবোৰৰ বিৰুদ্ধে সমাজে কঠোৰ প্ৰতিৰোধ কৰে ৷ যি প্ৰেম কাহিনীয়ে বাস্তৱ জীৱনত সন্মুখীন হ’বলগীয়া হয় বহু অসুবিধাৰ ৷ কৰণ জোহৰে এনে প্ৰেম কাহিনীবোৰক, ‘‘সাধাৰণৰ বাহিৰলৈ যোৱা সংযোগ'' বুলি কয় ৷

এইবোৰ সঁচাকৈয়ে অসাধাৰণভাৱে জীয়াই থকা আৰু ভালপোৱা সাধাৰণ মানুহৰ কাহিনী- যিবোৰ আপুনি প্ৰতিদিনে দেখা মানুহ, আপোনাৰ বন্ধু-বান্ধৱী, আপোনাৰ সহকৰ্মীৰ কাহিনীও হ’ব ৷

এই গল্পবোৰ সাংবাদিক দম্পতী প্ৰিয়া ৰমণি আৰু সমৰ হালাৰ্ণকাৰৰ আন এজন সহকৰ্মী নিলৌফাৰ ভেংকটাৰমৰ সৈতে ‘‘ইণ্ডিয়া লাভ প্ৰজেক্ট’’ নামৰ প্ৰকল্পৰ অংশ । ইণ্ডিয়া লাভ প্ৰজেক্ট হৈছে এনে এক মঞ্চ য’ত অঞ্চল, ধৰ্ম, জাতি, লিংগ আদি নীতি-নিয়ম পালন কৰিবলৈ অস্বীকাৰ কৰা লোকসকলে নিজৰ প্ৰেমৰ কাহিনী শ্বেয়াৰ কৰে ।

এই কাহিনীবোৰৰ আঁৰৰ কাহিনীও অসাধাৰণ । প্ৰতিক্ৰিয়া আৰু ভীতি প্ৰদৰ্শনৰ পিচত আন্তঃধৰ্মীয় প্ৰেম দেখুওৱা এটা বিজ্ঞাপন প্ৰত্যাহাৰ কৰিবলৈ এটা গহনা কোম্পানী বাধ্য হোৱাৰ পিচত অক্টোবৰ মাহত ইণ্ডিয়া লাভ প্ৰজেক্ট আৰম্ভ কৰা হৈছিল ।

এই সন্দৰ্ভত জ্যেষ্ঠ সাংবাদিক প্ৰিয়া ৰমণিয়ে কয়, ‘‘২০২০ চনৰ অক্টোবৰ মাহত তনিষ্কে আন্তঃধৰ্মীয় প্ৰেমক চিত্ৰিত কৰা এটা বিজ্ঞাপন প্ৰকাশ কৰিছিল, যিয়ে ভাৰতক কঁপাই তুলিছিল—আপুনি আশা কৰা ধৰণে নহয় । মোৰ স্বামী সমৰ হালাৰ্ণকাৰ, আমাৰ ঘনিষ্ঠ বন্ধু নিলৌফাৰ ভেংকটাৰম আৰু মই কোম্পানীটোক প্ৰেমৰ বাৰ্তাৰ পৰা পিছুৱাই যাবলৈ বাধ্য কৰা গুণ্ডাগিৰি দেখি আচৰিত হৈ পৰিলোঁ । আমি বহু বছৰ ধৰি জাতি, ধৰ্ম, লিংগ আৰু বয়সৰ কঠোৰ ভাৰতীয় নিয়মৰ বাহিৰত প্ৰেম, সহবাস আৰু বিবাহপাশত আবদ্ধ হোৱা দম্পতীৰ বাবে অনলাইনত এটা নিৰাপদ স্থানৰ পৰিকল্পনা কৰি আহিছিলো–এই সকলোবোৰ একেবাৰে সাংবিধানিক । কিন্তু ভাৰতীয় অভিভাৱকক নিজৰ পছন্দৰ ব্যক্তিক বিয়া কৰাবলৈ অনুমতি দিবলৈ পতিয়ন নিয়াবলৈ কিমান কঠিন সেয়া সকলোৱে জানে । যেতিয়া গহনা বিজ্ঞাপনটো প্ৰত্যাহাৰ কৰা হৈছিল, আমি সিদ্ধান্ত লৈছিলো যে আমি পৰিকল্পনা কৰি অহা ৱেবছাইটটো নিৰ্মাণ কৰিবলৈ ৰৈ থাকিব নোৱাৰো ।’’

তিনিগৰাকীয়ে কয় যে তেওঁলোকে জেনেৰেশ্যন জেড— ইনষ্টাগ্ৰামৰ দ্বাৰা নিখুঁত কৌশল প্ৰয়োগ কৰিছে । আমি যেতিয়া আৰম্ভ কৰিছিলো তেতিয়া এনে লাগিছিল যেন প্ৰতিটো পৰিয়ালৰ এনে কাহিনী থাকে আৰু বহুতে আমাৰ বাবে নিজৰ বুকুত থকা স্মৃতিবোৰ খান্দি উলিয়াবলৈ সক্ষম হৈছে ।

এই যাত্ৰাটো সহ-প্ৰতিষ্ঠাপক নিলোফাৰ ভেংকটাৰমৰ পিতৃ-মাতৃৰ কাহিনী-এক আন্তঃধৰ্মীয় দম্পতীৰ সৈতে আৰম্ভ কৰা হৈছিল । ৰমণীয়ে কয়, ‘‘ভাল খবৰ হ’ল প্ৰতিৰোধ আমি পাইছিলোঁ । বৰ্তমান আমি সপ্তাহত এটা বা দুটাকৈ কাহিনী পোষ্ট কৰো । আমাৰ প্লেটফৰ্মত এতিয়ালৈকে ৫০১ টা গল্প আছে আৰু বহুতো গল্প সংগ্ৰহ কৰাৰ আশা কৰিছো ৷’’

লগতে পঢ়ক: ছিংগাপুৰৰ প্ৰযোজনা সংস্থা Akanga Film Asia ই প্ৰযোজনা কৰিব ৰীমা দাসৰ মালতী মাই লাভ

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.