চিটাৰা ডেস্ক, 28 মে’ : দীপিকা পাডুকনে পৰিধান কৰিছিল এটা ছানশ্বাইন গাউন ৷ এই গাউনটো ডিজাইন কৰিছিল গৌৰী আৰু নৈনিকাই ৷ কিছুদিনৰ আগতে নিজৰ ছ’চিয়েল মিডিয়াত দীপিকাই এই গাউনটো বিক্ৰী কৰাৰ কথা উল্লেখ কৰিছিল আৰু সেই গাউনটো মাত্ৰ ২০ মিনিটতে বিক্ৰী হৈছিল । গাউনটো কিমান দামত বিক্ৰী হৈছিল সেয়া জানি চকু কপালত উঠিব আপোনাৰ ৷
শেহতীয়াকৈ ছ’চিয়েল মিডিয়াত দীপিকা পাডুকনক হালধীয়া ৰঙৰ প্ৰসূতিৰ গাউন পৰিধান কৰা দেখা গৈছিল । গৌৰী আৰু নৈনিকা ছানশ্বাইনৰ প্ৰসূতিৰ গাউনটো পিন্ধিছিল তেওঁ ৷ যিটো কিছুদিনৰ আগতে তেওঁ নিজৰ ছ’চিয়েল মিডিয়াত বিক্ৰীৰ বাবে উল্লেখ কৰিছিল আৰু সেই গাউনটো মাত্ৰ ২০ মিনিটতে বিক্ৰী হৈছিল । এই ছানশ্বাইন হালধীয়া গাউনটো বিক্ৰী হৈছিল ৩৪০০০ টকাত ! এই সমগ্ৰ ধন তেওঁ চেৰিটীলৈ দান কৰে ।
দীপিকা পাডুকোনে ইনষ্টাগ্ৰামত তেওঁৰ গাউনটো বিক্ৰী কৰাৰ কথা ঘোষণা কৰিছিল আৰু মাত্ৰ ২০ মিনিটত এই গাউনটো বিক্ৰী হৈছিল । তেওঁ তেওঁৰ সামাজিক মাধ্যমত এই বিষয়ে তথ্য দিয়ে । দীপিকাৰ ছানশ্বাইন প্ৰসূতি গাউনটো ৩৪,০০০ টকাত বিক্ৰী হৈছে । ফেব্ৰুৱাৰী 29 তাৰিখে, দীপিকা আৰু ৰণবীৰে অভিনেত্ৰীগৰাকীৰ গৰ্ভধাৰণৰ কথা ঘোষণা কৰিছিল । চলিত বছৰৰ ছেপ্টেম্বৰ মাহত দীপিকা-ৰণবীৰৰ জীৱনলৈ আহিব তেওঁলোকৰ সন্তান ।
চেৰিটীৰ নামত দিলে গাউন বিক্ৰী কৰি পোৱা ধন
দীপিকা পাডুকনৰ ছানশ্বাইন হালধীয়া ৰঙৰ গাউনটো বিক্ৰী হয় ৩৪ হাজাৰ টকাত । ইয়াৰ পৰা পোৱা ধন তেওঁ নিজেই আৰম্ভ কৰা দ্য লিভ লৱ্ লাফ ফাউণ্ডেশ্যনলৈ দান কৰে । শেহতীয়াকৈ ২৫ মে’ত পঞ্চম পৰ্যায়ৰ লোকসভা নিৰ্বাচনত ভোটগ্ৰহণ কেন্দ্ৰত দেখা গৈছিল দীপিকা পাডুকন আৰু ৰণবীৰ সিঙক । দুয়োৱে পৰিধান কৰিছিল বগা ৰঙৰ চাৰ্ট ।
পেছাদাৰী জীৱনৰ কথা ক’বলৈ গ’লে দীপিকা পাডুকনক পৰৱৰ্তী সময়ত 'সিংঘম 3' আৰু 'কল্কি 2898 এডি'ত দেখিবলৈ পোৱা যাব । একে সময়তে, ৰণবীৰ সিঙক ৰোহিত শ্বেট্টীৰ সিংঘম এগেইনত দেখিবলৈ পোৱা যাব । কিছু দিন পূৰ্বে কফি উইথ কৰণত উপস্থিত হোৱাৰ পিচত দুয়োৰে মাজৰ সম্পৰ্কক লৈ প্ৰশ্ন উত্থাপিত হৈছিল । আনকি এইটোও কোৱা হৈছিল যে দুয়োৰে মাজত কিবা বিভেদ ঘটিছে কাৰণ তেওঁলোক দুয়োজনে ইনষ্টাগ্ৰামৰ পৰা তেওঁলোকৰ বিবাহৰ ফটো আঁতৰাই পেলাইছিল । কিন্তু দীপিকাৰ গৰ্ভধাৰণে সকলোৰে মুখ বন্ধ কৰি দিলে ।
লগতে পঢ়ক : শ্বেহনাজ গীলক ডেট কৰাৰ বাতৰি শুনি ভাল অনুভৱ কৰে গুৰু ৰন্ধাৱাই - guru randhawa dating
