নেশ্যনেল ডেস্ক,২৩ জানুৱাৰী: হাঁড় কঁপোৱা শীত দেশৰ ৰাজধানী চহৰ দিল্লীত । মঙলবাৰে পুৱাৰে শীত প্ৰৱাহ আৰু কুঁৱলীয়ে আৱৰি ৰাখিছে দিল্লী । সোমবাৰে বিয়লিৰ ভাগত ৰ'দে ভুমুকি মৰাত কিছু সকাহ পাইছিল যদিও বতৰ বিজ্ঞান বিভাগে শীত প্ৰৱাহ অব্যাহত থকিব বুলি উল্লেখ কৰিছিল । বতৰ বিজ্ঞান বিভাগে প্ৰকাশ কৰা তথ্য অনুসৰি সোমবাৰে দিল্লীত সৰ্বাধিক তাপমাত্ৰা আছিল ১৭.৬ ডিগ্ৰী চেলচিয়াছ । আনহাতে নিম্নতম তাপমাত্ৰা আছিল ৬.১ ডিগ্ৰী চেলচিয়াছ ।
ইফালে মঙলবাৰে পুৱাৰে পৰা কুঁৱলীয়ে আৱৰি ৰাখিছে ৰাজধানী চহৰখন । ইফালে আকৌ দিল্লীত প্ৰদূষণৰ স্তৰ পুনৰবাৰ গুৰুতৰ শ্ৰেণীত উপনীত হৈছে । তথ্য় অনুসৰি বায়ুৰ মানদণ্ড সূচক ৩৮২ । সেয়ে বতৰ বিজ্ঞান বিভাগে মঙলবাৰে ঘন কুঁৱলীৰ বাবে হালধীয়া সতৰ্কবাণী জাৰি কৰে । সদৰী কৰা তথ্য় অনুসৰি বৰ্তমান দিল্লীত, সৰ্বাধিক তাপমাত্ৰা ১৮ ডিগ্ৰী চেলচিয়াছ আৰু সৰ্বনিম্ন তাপমাত্ৰা ৭ ডিগ্ৰী চেলচিয়াছ হ'ব বুলি আশা কৰা হৈছে ।
একে সময়তে, বায়ুত আৰ্দ্ৰতাৰ স্তৰ ৯১ শতাংশ লৈকে থাকিব আৰু বতাহ প্ৰতি ঘণ্টাত ৫ কিলোমিটাৰ বেগত চলিব পাৰে । দিল্লীত, পুৱা ৭ বজাত তাপমাত্ৰা ৮ ডিগ্ৰী চেলচিয়াছ ৰেকৰ্ড কৰা হৈছিল । ফৰিদাবাদত আছিল ৭ ডিগ্ৰী চেলচিয়াছ, গাজিয়াবাদত ৭ ডিগ্ৰী চেলচিয়াছ, গুৰুগ্ৰাম ৮ ডিগ্ৰী চেলচিয়াছ, গ্ৰেটাৰ নয়ডাত ৭ ডিগ্ৰী চেলচিয়াছ আৰু নয়ডা ৭ ডিগ্ৰী চেলচিয়াছৰ সৈতে ৰাজ্যখনৰ আটাইতকৈ গৰম ঠাই ।
কেন্দ্ৰীয় প্ৰদূষণ আৰু নিয়ন্ত্ৰণ ব'ৰ্ডৰ (চিপিচিবি) তথ্য অনুসৰি, মঙলবাৰে পুৱা ৬:৫০ বজালৈকে দিল্লী এনচিআৰৰ ফৰিদাবাদত একিউআই স্তৰ ২৯২, গুৰুগ্ৰামত ২৮০, গাজিয়াবাদত ৩২৩, নয়ডাত ৩১০ পাইছে । ৰাজধানী দিল্লীৰ আঠটা অঞ্চলত একিউআই স্তৰ গুৰুতৰ শ্ৰেণীত ৪০০ আৰু ৫০০ ৰ ওপৰত আছিল । শদীপুৰত ৪০৩, পাঞ্জাৱী বাগৰ ৪০৭, জাহাংগীৰপুৰীত ৪১১, বিবেক বিহাৰৰ ৪০৭, নাৰেলা ৪০১, ৱাজিৰপুৰত ৪২০, মুণ্ডকাই ৪১১ আৰু আনন্দ বিহাৰৰ ৪০৩ ।
দিল্লীৰ 21 টা অঞ্চলত, একিউআই স্তৰ ৩০০ ৰ ওপৰত আৰু ৪০০-ৰ তলত আছে । আলিপুৰত ৩৬৮, এনএছআইটি দ্বাৰকাত ৩৫৮, ডিটিইউত ৩৬২, চিৰি দুৰ্গত ৩৮৯, মন্দিৰ মাৰ্গত ৩৬৭, আৰ কে পুৰমত ৩৮৫, জেএলএন ষ্টেডিয়ামত ৩৬৭, নেহৰু নগৰত ৩৯৯, দ্বাৰকা চেক্টৰত ৩৭৯, পাটপাৰগঞ্জত ৩৭৯, ড০ কাৰ্ণী সিং শ্বুটিং ৰেঞ্জত ৩৭০, অশোক বিহাৰত ৩৬৭, ছোনিয়াত বিহাৰ, ৩৬৬, ছোনিয়াবিহাৰত ৩৯৭, ছোনিয়াবিহাৰ৩৬, বিহাৰত ৩৬৭, আৰ কে পুৰমত ৩৬৭, নজফগড়ত ৩৪৮, মেজৰ ধ্যান চান্দ ৰাষ্ট্ৰীয় ষ্টেডিয়ামত ৩৭৬, ওখলা পৰ্যায় ২ ৩৮৭, বাৱানাই ৩৯৭, শ্ৰী অৰবিন্দ মাৰ্গ৩৭০, পুছাই ৩৮৪, ইহবাস দিলশাদ গাৰ্ডেন৩০৫ ৰেকৰ্ড কৰিছে।
লগতে পঢ়ক: ইন্দিৰা গান্ধী আন্তঃৰাষ্ট্ৰীয় বিমান বন্দৰত দৈনিক দুঘন্টাকৈ বিমানৰ উৰণ-অৱতৰণত নিষেধাজ্ঞা
