ETV Bharat / bharat

ভোটাৰৰ মাজত সজাগতা সৃষ্টিৰ বাবে বিশেষ পদক্ষেপ ভাৰতীয় ৰে'লৱেৰ - Lok Sabha Election 2024

author img

By ETV Bharat Assamese Team

Published : Apr 30, 2024, 10:30 PM IST

LS polls 2024: দেশৰ গণতন্ত্ৰ যাতে সজীৱ আৰু শক্তিশালী হৈ থাকে তাৰ বাবে প্ৰতিটো ভোটৰ গুৰুত্ব আছে । এই গুৰুত্বক আগুৱাই নিবলৈ ৰে'লৱেই ডিজিটেলৰ লগতে গতানুগতিক পদ্ধতিৰ ব্যৱহাৰ কৰি ভোটাৰসকলৰ মাজত সজাগতা বিয়পাই আহিছে । ভোটগ্ৰহণ কেন্দ্ৰলৈ গৈ বিফলতা নোহোৱাকৈ নিজৰ অধিকাৰ সাব্যস্ত কৰিবলৈ ভোটাৰক প্ৰেৰণা যোগাইছে ভাৰতীয় ৰে'লৱেই ।

VOTING RIGHTS
LOK SABHA ELECTION 2024

নিউজ ডেস্ক, ৩০ এপ্ৰিল: ভোটাৰসকলৰ মাজত তেওঁলোকৰ ভোটদানৰ অধিকাৰ সম্পৰ্কে সজাগতা সৃষ্টি কৰা আৰু লোকসভা নিৰ্বাচন ২০২৪ ত ভোটদান কৰিবলৈ উৎসাহিত কৰাৰ লক্ষ্যৰে দেশৰ নিৰ্বাচন আয়োগ আৰু ভাৰতীয় ৰে'লৱে একত্ৰিত হৈছে । নিৰ্বাচনত ভোটদানৰ বিষয়ে জনসাধাৰণ আৰু যাত্ৰীসকলৰ মাজত সজাগতা বিয়পাবলৈ ৰে’লৱেই ডিজিটেলৰ লগতে গতানুগতিক পদ্ধতিও ব্যৱহাৰ কৰি আহিছে । যদি প্ৰতিজন যোগ্য ভোটাৰে ভোটদান কৰে, তেন্তে ই ভোটদানৰ শতকৰা হাৰ বৃদ্ধি কৰাত সহায় কৰিব, যিটো গণতন্ত্ৰৰ বাবে ভাল লক্ষণ ।

এই অভিযানৰ বিষয়ে বৰ্ণনা কৰি ৰে’লৱে ব’ৰ্ডৰ সঞ্চালক (পি এণ্ড আই) শিৱাজী মাৰুতি সুতাৰে ইটিভি ভাৰতক কয় যে, ৰে’লৱে ভোটাৰ সজাগতা অভিযানৰ অংশ । ভোটাৰক ভোটাধিকাৰৰ বিষয়ে সজাগ কৰাটো ভাল কথা বুলি সূতাৰে কয় ।

  • " class="align-text-top noRightClick twitterSection" data="">

তেওঁ লগতে কয় যে ৰে’লৱেই কেইবাটাও ষ্টেচনত ডিজিটেল ডিছপ্লে' ব’ৰ্ড স্থাপন কৰিছে যিয়ে নিয়মীয়াকৈ বাৰ্তা প্ৰদৰ্শন কৰে আৰু নিৰ্বাচনৰ দিনত ভোটদান সম্পৰ্কীয় তথ্য বিয়পোৱাৰ বাবে ৰাজহুৱা ঘোষণা ব্যৱস্থা স্থাপন কৰিছে । ভাৰতীয় ৰে’লৱেই ৰাইজক ভোটদান কৰি গণতন্ত্ৰক শক্তিশালী কৰিবলৈ আহ্বান জনায় । ভাৰতীয় ৰে’লৱেই এক্সত পোষ্ট কৰি কয় যে গণতন্ত্ৰৰ প্ৰাথমিক ভেটি ৰক্ষা কৰি আপোনাৰ ভোটক আপোনাৰ শক্তি হিচাপে গঢ়ি তোলক ।

সুতাৰে আঙুলিয়াই দিয়ে যে ইয়াৰ উপৰিও ৰে’লৱেই ৰে’লৱেৰ ছ’চিয়েল মিডিয়া চাইটত ভোটাৰ সজাগতাৰ বাবে প্ৰেৰণাদায়ক বাৰ্তা প্ৰেৰণ কৰি আহিছে । ভাৰতীয় ৰে’লৱেই ছ’চিয়েল মিডিয়াত লিখিছে, "আপোনাৰ ভোটাধিকাৰ সাব্যস্ত কৰক আৰু আপোনাৰ মাত শুনাওক, কাৰণ প্ৰতিটো ভোটেই গুৰুত্বপূৰ্ণ ।"

সমগ্ৰ দেশতে ৰে’লৱেৰ বৃহৎ ৰে’ল নেটৱৰ্ক আৰু ষ্টেচন আছে । বিপুল সংখ্যক যাত্ৰীয়ে প্ৰতিদিনে এই পৰিবহন পদ্ধতি ব্যৱহাৰ কৰি নিজৰ গন্তব্য স্থানত উপনীত হয় যাৰ পিছত এই নেটৱৰ্কে চহৰৰ লগতে গ্ৰাম্যাঞ্চলৰ প্লেটফৰ্মত সজাগতামূলক অনুষ্ঠানৰ যোগাযোগ কৰাটো নিশ্চিত কৰিব । ছ’চিয়েল মিডিয়াত ৰে’লৱেই কয় যে, "গৌৰৱ আৰু উদ্দেশ্যবোধেৰে ভোট দিয়ক ! আপোনাৰ ভোটদানৰ দিনটো বাদ নিদিব" ৷

প্ৰচাৰ সন্দৰ্ভত কথা পাতি ৰে’লৱেৰ এগৰাকী জ্যেষ্ঠ বিষয়াই কয় যে বিগত কেইবাদিনো ধৰি ভোটাৰ সজাগতামূলক কাৰ্যসূচী চলি আছে । পূৰ্বেও ৰে’লৱেই সজাগতামূলক কাৰ্যসূচী কৰিছিল বুলি বিষয়াগৰাকীয়ে জানিবলৈ দিয়ে ।

লগতে পঢ়ক: যৌন নিৰ্যাতনৰ অভিযোগ, দলৰ পৰা নিলম্বিত প্ৰাক্তন প্ৰধানমন্ত্ৰীৰ নাতি - Prajwal Revanna Suspension

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.