মহাত্মা গান্ধীৰ মৃত্যু বাৰ্ষিকী, প্ৰধানমন্ত্ৰীকে ধৰি দেশৰ শীৰ্ষ নেতাৰ শ্ৰদ্ধাঞ্জলি

author img

By ETV Bharat Assamese Desk

Published : Jan 30, 2024, 1:54 PM IST

Mahatma Gandhi death anniversary

Mahatma Gandhi death anniversary: ৰাষ্ট্ৰৰ পিতা মহাত্মা গান্ধীৰ আজি মৃত্যু বাৰ্ষিকী । প্ৰধানমন্ত্ৰী নৰেন্দ্ৰ মোদীয়ে এক্সৰ এটা পোষ্টৰ জৰিয়তে গান্ধীৰ প্ৰতি শ্ৰদ্ধাঞ্জলি জ্ঞাপন কৰে । গৃহ মন্ত্ৰী অমিত শ্বাহ, ৰাজনাথ সিং, জে পি নাড্ডাইও শ্ৰদ্ধাঞ্জলি জ্ঞাপন কৰে ।

নেশ্যনেল ডেস্ক,৩০ জানুৱাৰী : আজি মহাত্মা গান্ধীৰ ৭৬ সংখ্যক মৃত্যু বাৰ্ষিকী । প্ৰধানমন্ত্ৰী নৰেন্দ্ৰ মোদীয়ে এই দিনটোতে মহাত্মা গান্ধীৰ প্ৰতি শ্ৰদ্ধাঞ্জলি জ্ঞাপন কৰে । এক্সৰ এটা পোষ্টত প্ৰধানমন্ত্ৰী মোদীয়ে কয়, "মই পুজ্য বাপুক তেওঁৰ পুণ্য তিথিত শ্ৰদ্ধাঞ্জলি জনাইছো । আমাৰ দেশৰ বাবে শ্বহীদ হোৱা সকলোকে মই শ্ৰদ্ধাঞ্জলি জনাইছো । তেওঁলোকৰ ত্যাগে আমাক জনসাধাৰণৰ সেৱা কৰিবলৈ আৰু আমাৰ দেশৰ প্ৰতি তেওঁলোকৰ দৃষ্টিভঙ্গী পূৰণ কৰিবলৈ অনুপ্ৰাণিত কৰে ।"

  • I pay homage to Pujya Bapu on his Punya Tithi. I also pay homage to all those who have been martyred for our nation. Their sacrifices inspire us to serve the people and fulfil their vision for our nation.

    — Narendra Modi (@narendramodi) January 30, 2024 " class="align-text-top noRightClick twitterSection" data=" ">

কেন্দ্ৰীয় গৃহমন্ত্ৰী অমিত শ্বাহেও এক্সৰ এটা পোষ্টৰ জৰিয়তে মহাত্মা গান্ধীক শ্ৰদ্ধাঞ্জলি জ্ঞাপন কৰে । শ্বাহে পোষ্টটোত লিখিছে, "মহাত্মা গান্ধীজীৰ মৃত্যু বাৰ্ষিকীত শ্ৰদ্ধাঞ্জলি জনাইছো যিয়ে সত্য আৰু অহিংসাৰ পথ অনুসৰণ কৰি দেশবাসীৰ হৃদয়ত স্বদেশীৰ আত্মা জাগ্ৰত কৰিছিল । গান্ধীজীৰ শান্তি আৰু সম্প্ৰীতিৰ বাৰ্তা আজিও প্ৰাসংগিক আৰু তেওঁৰ চিন্তাই দেশবাসীক ত্যাগ কৰিবলৈ আৰু দেশবাসীক উৎসৰ্গা কৰিবলৈ অনুপ্ৰাণিত কৰি থাকিব ।"

বিজেপিৰ ৰাষ্ট্ৰীয় সভাপতি জে পি নাড্ডাইও শ্ৰদ্ধাঞ্জলি জ্ঞাপন কৰি কয় যে বাপুৱে দেখুওৱা পথসমূহ প্ৰতিটো যুগতে প্ৰাসংগিক । নাড্ডাই এক্সত লিখিছে,"মই ৰাষ্ট্ৰৰ পিতা, সত্য আৰু অহিংসাৰ পুৰোহিত, যি স্বদেশী আৰু আত্মনিৰ্ভৰশীলতাৰ জৰিয়তে ভাৰতৰ স্বাধীনতাৰ পথ প্ৰশস্ত কৰি থৈ যোৱা মহাত্মা গান্ধীৰ মৃত্যু বাৰ্ষিকীত শ্ৰদ্ধাঞ্জলি জ্ঞাপন কৰিছো । বাপুৱে দেখুওৱা আদৰ্শ প্ৰতিটো যুগতে প্ৰাসংগিক । তেওঁৰ আদৰ্শ আৰু চিন্তাই আমাক সদায় অনুপ্ৰাণিত কৰিব ।"

প্ৰতিৰক্ষা মন্ত্ৰী ৰাজনাথ সিঙেও এক্সৰ এটা পোষ্টত মহাত্মা গান্ধীক স্মৰণ কৰে । সিঙৰ মতে মহাত্মা গান্ধীৰ অৱদানৰ বাবে ৰাষ্ট্ৰ সদায় কৃতজ্ঞ হৈ থাকিব । দেশৰ সেৱাত প্ৰাণ দিয়া সকলোলোকলৈও তেওঁ শ্ৰদ্ধাঞ্জলি জ্ঞাপন কৰিছে । মহাত্মা গান্ধীৰ মৃত্যু বাৰ্ষিকী উপলক্ষে আৰু দেশৰ স্বাধীনতাৰ দিশত তেওঁৰ অৱদানক সন্মান জনোৱাৰ বাবে ভাৰতে প্ৰতি বছৰে ৩০ জানুৱাৰীত শ্বহীদ দিৱস হিচাপে পালন কৰে । ১৯৪৮ চনৰ ৩০ জানুৱাৰীত ভাৰতৰ স্বাধীনতাৰ কেইমাহমান পিচতে নাথুৰাম গডছেয়ে মহাত্মা গান্ধীক হত্যা কৰিছে ।

  • I pay homage to Pujya Bapu on his Punyatithi. The nation will always remain grateful for his contributions. Also, on this day, we pay our tributes to all those who laid down their lives in service to the nation.

    — Rajnath Singh (@rajnathsingh) January 30, 2024 " class="align-text-top noRightClick twitterSection" data=" ">

লগতে পঢ়ক :বাজেট অধিবেশনৰ পূৰ্বে আজি সংসদৰ সৰ্বদলীয় বৈঠক

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.