80 কোটিৰো অধিক লোকে বিনামূলীয়াকৈ লাভ কৰিছে খাদ্য-শস্য: কেন্দ্ৰ

নিউজ ডেস্ক, 9 ফেব্ৰুৱাৰী : বৰ্তমান সমগ্ৰ দেশতে 80 কোটিৰো অধিক প্ৰধানমন্ত্ৰী গৰীব কল্যাণ অন্ন যোজনাৰ (PMGKAY) হিতাধিকাৰীয়ে বিনামূলীয়া খাদ্য-শস্যৰ সুবিধা লাভ কৰিছে ৷ শুকুৰবাৰে ৰাজ্যসভাত এই তথ্য প্ৰদান কৰে কেন্দ্ৰীয় চৰকাৰে ৷

এই আঁচনিৰ ৰাজ্যভিত্তিক তথ্য ভাগ-বতৰা কৰি গ্ৰাম্য উন্নয়ন আৰু গ্ৰাহক পৰিক্ৰমা, খাদ্য আৰু ৰাজহুৱা বিতৰণ ৰাজ্যিক মন্ত্ৰী সাধ্বী নিৰঞ্জন জ্যোতিয়ে কয় যে 2024 চনৰ 31 জানুৱাৰীলৈকে মুঠ 8,049.94 লাখ লোকে প্ৰধানমন্ত্ৰী গৰীব কল্যাণ অন্ন যোজনাৰ সুবিধা লাভ কৰিছে ৷

তথ্য অনুসৰি, এই হিতাধিকাৰীসকল সমগ্ৰ দেশৰ 237.31 লাখ পৰিয়ালৰ ৷ এই আঁচনিৰ অধীনত উত্তৰ প্ৰদেশত সৰ্বাধিক 40.88 লাখ পৰিয়াল আছে ৷ আনহাতে মহাৰাষ্ট্ৰত 25.5 লাখ, বিহাৰত 25.1 লাখ, তামিলনাডুত 18.64 লাহক, পশ্চিম বংগত 16.42 লাখ পৰিয়ালে লাভ কৰিছে এই আঁচনিৰ সুবিধা ৷

ইফালে মধ্য প্ৰদেশৰ 14.63 লাখ, উৰিষ্যাৰ 11.54 লাখ, কৰ্ণাটক 10.97 লাখ, অন্ধ্ৰ প্ৰদেশৰ 9.08 লাখ, ঝাৰখণ্ডৰ 8.94 লাখ, গুজৰাটৰ 7.73 লাখ, ছত্তীশগড়ৰ 7.19 লাখ, অসমৰ 6.92 লাখ, ৰাজস্থানৰ 6.29 লাখ, কেৰালাৰ 5.96 লাখ, তেলেংগানাৰ 5.67 লাখ, হাৰিয়ানাৰ 2.68 লাখ, জম্মু আৰু কাশ্মীৰৰ 2.33 লাখ আৰু হিমাচল প্ৰদেশৰ 1.82 লাখ পৰিয়ালে প্ৰধানমন্ত্ৰী গৰীব কল্যাণ অন্ন যোজনাৰ সুবিধা লাভ কৰিছে ৷

মুঠ হিতাধিকাৰীৰ ভিতৰত 1505.19 লাখ লোক উত্তৰ প্ৰদেশৰ, বিহাৰৰ 871.16 লাখ, মহাৰাষ্ট্ৰৰ 700.17 লাখ, পশ্চিম বংগৰ 601.84 লাখ, মধ্যপ্ৰদেশৰ 534.79 লাখ, ৰাজস্থানৰ 440.01 লাখ, কৰ্ণাটকৰ 401.93 লাখ, 364.12 লাখ তামিলনাডুৰ, গুজৰাটৰ 351.60 লাখ ৷ আনহাতে ওড়িষাৰ 325.98 লাখ, অন্ধ্ৰ প্ৰদেশৰ 268.22 লাখ, ঝাৰখণ্ডৰ 264.19 লাখ, অসমৰ 251.17 লাখ, ছত্তীশগড়ৰ 200.77 লাখ, তেলেংগানাৰ 191.62 লাখ, কেৰালাৰ 154.80 লাখ, পঞ্জাৱৰ 141.45 লাখ, হাৰিয়ানাৰ 126.49 লাখ, দিল্লীৰ 72.41 লাখ, জম্মু আৰু কাশ্মীৰৰ 72.41 লাখ আৰু উত্তৰাখণ্ডৰ পৰা 61.94 লাখ লোকক এই আঁচনিয়ে সামৰি লৈছে ৷

স্বতন্ত্ৰ সাংসদ কাৰ্তিকেয়া শৰ্মাৰ প্ৰশ্নৰ লিখিত উত্তৰত মন্ত্ৰালয়ে কয় যে ৰাজহুৱা বিতৰণ ব্যৱস্থা (পিডিএছ) সংস্কাৰৰ অধীনত সকলো ৰাজ্য আৰু কেন্দ্ৰীয় শাসিত অঞ্চলত ৰেচন কাৰ্ড আৰু হিতাধিকাৰীৰ তথ্যকোষ সম্পূৰ্ণৰূপে ডিজিটেলাইজ কৰা হৈছে, স্বচ্ছতা পৰ্টেল আৰু অনলাইন অভিযোগ নিৰাময়ৰ সুবিধা আৰু বিনামূলীয়া টোল-ফ্ৰী নম্বৰ সকলো ৰাজ্য আৰু কেন্দ্ৰীয় শাসিত অঞ্চলত কাৰ্যকৰী কৰা হৈছে ৷

মন্ত্ৰীগৰাকীয়ে কয়-"সকলো ৰাজ্য আৰু কেন্দ্ৰীয় শাসিত অঞ্চল (চণ্ডীগড় আৰু পুডুচেৰীৰ বাহিৰে যিবোৰে প্ৰত্যক্ষ লাভালাভ স্থানান্তৰ আৰু নগদ স্থানান্তৰ আঁচনি গ্ৰহণ কৰিছে) আৰু 31 খন ৰাজ্য আৰু কেন্দ্ৰীয় শাসিত অঞ্চলত যোগান শৃংখলা কম্পিউটাৰাইজ কৰা হৈছে ৷"

তেওঁ কয় যে, 99.8 শতাংশ ৰেচন কাৰ্ড ৰাষ্ট্ৰীয় পৰ্যায়ত আধাৰ নম্বৰৰ সৈতে সংযোজিত কৰা হৈছে আৰু PMGKAY হিতাধিকাৰীসকলৰ বায়োমেট্ৰিক আৰু আধাৰ প্ৰমাণীকৰণৰ জৰিয়তে খাদ্যশস্য বিতৰণৰ বাবে ই-পিঅ'এছ সঁজুলি স্থাপনৰ দ্বাৰা প্ৰায় সকলো এফপিএছ স্বয়ংক্ৰিয় কৰা হৈছে ৷

লগতে পঢ়ক : দিল্লীৰ মছনদ পুনৰ দখলৰ লক্ষ্যৰে বিজেপিৰ নতুন ৰণনীতি