অযোধ্যাৰ বাহিৰেও এই স্থানসমূহত আছে শ্ৰীৰামৰ ভব্য মন্দিৰ

author img

By ETV Bharat Assamese Desk

Published : Jan 22, 2024, 12:26 PM IST

Apart from Ayodhya, there are grand temples of Shri Ram at these places

আজি বছৰজোৰা নিৰ্বাসন শেষ কৰি নিজ গৃহলৈ উভতি আহিব দশৰথ নন্দন ৷ আজি অৰ্থাৎ ২২ জানুৱাৰী অযোধ্যাৰ ৰাম মন্দিৰত ৰাম লালাৰ প্ৰাণ প্ৰতিষ্ঠাৰ সাক্ষী হৈ ৰ’ব দেশবাসী ৷ কিন্তু আপুনি জানেনে যে অযোধ্যাৰ ৰাম মন্দিৰৰ বাহিৰেও দেশত এনে বহুতো বিশাল ৰাম মন্দিৰ আছে য’ত আপুনি দৰ্শন কৰাৰ পিছত নিজকে ধন্য অনুভৱ কৰিব ৷

আজি অৰ্থাৎ ২২ জানুৱাৰী অযোধ্যাৰ ৰাম মন্দিৰত ৰাম লালাৰ প্ৰাণ প্ৰতিষ্ঠাৰ সাক্ষী হৈ ৰ’ব দেশবাসী ৷ আজি বছৰজোৰা নিৰ্বাসন শেষ কৰি নিজ গৃহলৈ উভতি আহিব দশৰথ নন্দন ৷ যিহেতু আজি ৰাম লালাৰ প্ৰাণ প্ৰতিষ্ঠাৰ দিন, সেয়েহে এই সময়ত সকলো ৰামভক্তৰ দৃষ্টি অযোধ্যা নগৰীৰ প্ৰতি ৷ শ্ৰীৰামক আদৰিবলৈ আৰু তেওঁৰ দৰ্শন কৰিবলৈ সকলোৱে অতি আগ্ৰহেৰে বাট চাই আছে ৷

কিন্তু আপুনি জানেনে যে অযোধ্যাৰ ৰাম মন্দিৰৰ বাহিৰেও দেশত এনে বহুতো বিশাল ৰাম মন্দিৰ আছে য’ত আপুনি দৰ্শন কৰাৰ পিছত নিজকে ধন্য অনুভৱ কৰিব ৷ এই মন্দিৰসমূহৰ বিশালতা আৰু শিল্পকৰ্ম চালে চকুৰোৱা৷ যদি আপুনি এগৰাকী ৰামভক্ত, তেন্তে অযোধ্যাৰ লগতে এই মন্দিৰসমূহ ভ্ৰমণ কৰাটো আপোনাৰ বাবে এক বৃহৎ অভিজ্ঞতা হ’ব ৷ গতিকে এই মন্দিৰবোৰৰ বিষয়ে জানো আহক-

সীতা ৰামচন্দ্ৰ স্বামী মন্দিৰ, তেলেংগানা

সীতা ৰামচন্দ্ৰ স্বামী মন্দিৰ তেলেংগানাৰ ভদ্ৰাচালম, ভদ্ৰাদী কোঠাগুডেমত অৱস্থিত ৷ এই মন্দিৰটো দেশৰ অন্যতম পুৰণি মন্দিৰ আৰু ৰামায়ণ যুগৰ সৈতে জড়িত বুলি বিশ্বাস কৰা হয় ৷ এই মন্দিৰক ‘দক্ষিণৰ অযোধ্যা’ বুলিও কোৱা হয় ৷

মধ্য প্ৰদেশৰ ৰাম ৰাজা মন্দিৰ

মধ্যপ্ৰদেশৰ অৰ্ছাত অৱস্থিত ৰাম ৰাজা মন্দিৰ একমাত্ৰ মন্দিৰ য'ত ভগৱান ৰাম ৰজা ৰূপত বিৰাজমান ৷ এই মন্দিৰত ভগৱান ৰামৰ লগতে মাতা সীতা, লক্ষ্মণ, হনুমান, মা দুৰ্গা ৷ সুগ্ৰীৱ আৰু জামৱন্তৰো পূজা কৰা হয় ৷

পঞ্জাৱৰ ৰাম তিৰথ মন্দিৰ

পঞ্জাৱৰ অমৃতসৰত নিৰ্মিত ৰাম তিৰথ মন্দিৰটোও ৰামায়ণ যুগৰ সৈতে জড়িত বুলি বিশ্বাস কৰা হয় ৷ এই মন্দিৰৰ বিষয়ে পোৱা কাহিনী ভগৱান ৰামৰ পুত্ৰ লব আৰু কুশৰ সৈতে জড়িত ৷ মহৰ্ষী বাল্মীকিয়ে মাতা সীতাক আশ্ৰয় দিয়া ঠাইখনেই এইখন বুলি বিশ্বাস কৰা হয় ৷

ত্ৰিপ্ৰয়াৰ শ্ৰীৰাম মন্দিৰ, কেৰালা

কেৰালাৰ থ্ৰিছুৰ জিলাৰ কৰুৱন্নুৰ নদীৰ পাৰত অৱস্থিত শ্ৰীৰামস্বামী মন্দিৰ ৷ ইয়াত ৬ ফুট উচ্চতাৰ ভগৱান ৰামৰ প্ৰতিমূৰ্তি স্থাপন কৰা হৈছে, আনহাতে এই মন্দিৰৰ চৌহদত মহাদেৱ, গণপতি মহাৰাজ, কৃষ্ণও বিৰাজমান ৷

লগতে পঢ়ক: বহু প্ৰত্যাশিত ৰাম মন্দিৰৰ প্ৰাণ প্ৰতিষ্ঠা, জানক দিনটোৰ কাৰ্যসূচী

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.