پولیس کے ذرائع نے بتایا کہ جمعہ کی شب کوتوالی دیہات علاقے میں پیڑابہر گاؤں کا رہنے والا رمیش اپنے بھتیجے راجویر اور شادی شدہ بھتیجی پوجا کے ساتھ آوارا جانوروں سے فصل کی حفاظت کرنے کے لیے کھیت میں جا رہا تھا۔
بجلی چوری کرکے ذاتی ٹیوب ویلوں کو چلانے کے لیے راستے میں ننگے تار پڑے تھے جس کی زد میں پوجا آگئی جب رمیش اور راجویر نے اسے بچانے کی کوشش کی تو وہ دونوں بھی تار سے چپک گئے۔
انہوں نے بتایا کہ شوروغل سن کر گاؤں والوں نے موقع پر پہنچ کر انہیں بچانے کی کوشش کی تو کچھ لوگ کرنٹ کی زد میں آگئے لیکن اچانک بجلی غائب ہوجانے سے ان لوگوں کی جان بچ گئی۔
اس حادثے میں پوجا اور اس کے چاچا کی موت ہوگئی جبکہ راجویر کو تشویشناک حالت میں ہسپتال میں داخل کیا گیا ہے۔ اس واقعہ کے بعد گاؤں والوں نے تار ڈالنے والے شخص کے خلاف کارروائی کی مانگ کو لے کر ہنگامہ کیا۔
واقعہ کی اطلاع ملنے پرپولیس موقع پر پہنچی اور قصوروار افراد کے خلاف کارروائی کی یقین دہانی کرائی۔