رامپور پولیس نے 10 موٹر سائیکل کے ساتھ چار ملزمین کو گرفتار کیا ہے۔ ان کے قبضہ سے مختلف کمپنیوں کی 10 موٹر سائیکل سمیت 3 فرضی نمبر پلیٹ، چار آدھار کارڈز، ایک طمنچہ اور 3 عدد ناجائز چاقو بھی برآمد ہوئے ہیں۔
رامپور میں جہاں موٹر سائیکل چوری کی وارداتوں میں اضافہ ہوتا دکھائی دے رہا ہے وہیں چوری کی ان وارداتوں میں ملوث افراد کی دھر پکڑ کرنے اب پولیس بھی سرگرم نظر آنے لگی ہے۔
ایک ایسے ہی معاملے کا خلاصہ آج رامپور کے ایڈیشنل ایس پی ارون کمار سنگھ کیا۔ میڈیا سے بات چیت کے دوران انہوں نے بتایا کہ پولیس کی جانب سے جرائم اور جرائم پیشہ افراد کے خلاف جاری مہم کے تحت آج رامپور پولیس کو ایک بڑی کامیابی ہاتھ لگی ہے۔
انہوں نے کہا کہ چوری کی گئیں 10 موٹر سائیکلز سمیت آج چار نئی عمر کے ان ملزمین کو بھی پولیس نے گرفتار کیا ہے جنہوں نے یہ موٹر سائیکلز چوری کی تھیں۔
اے ایس پی نے بتایا کہ ان ملزمین نے اپنا جرم قبول کرتے ہوئے بتایا ہے کہ وہ کافی لمبے عرصے سے چوری کی وارداتوں میں ملوث تھے۔ یہ چاروں ملزمین رامپور شہر کے تھانہ گنج علاقہ کے رہنے والے بتائے گئے ہیں۔
