Militant Arrested in Shopian شوپیان میں مطلوب عسکریت پسند گرفتار

طویل عرصے سے سرگرم رہنے والے ایک عسکریت پسند جسکی شناخت ناصر احمد شیرگوجری عرف قاسم بھائی ولد علی محمد شیرگوجری ساکنہ ناگہ بل شوپیاں کو گرفتار کیا گیا۔

جنوبی کشمیر کے شوپیاں ضلع میں سکیورٹی فورسز اہلکاروں نے کافی عرصہ سے سرگرم ایک عسکریت پسند کو گرفتار کرنے کا دعویٰ کیا ہے۔ پولیس کے مطابق طویل عرصے سے سرگرم رہنے والے ایک عسکریت پسند جسکی شناخت ناصر احمد شیرگوجری عرف قاسم بھائی ولد علی محمد شیرگوجری ساکنہ ناگہ بل شوپیاں کو گرفتار کرلیا ہے۔ زرائع کے مطابق عسکریت پسند ناصر سال 2017 سے سرگرم تھا اور وہ کہی کیسز میں ملوث ہیں۔ ناصر کو فوج کی 44 راشٹریہ رائفلز سی آر پی ایف اور جموں و کشمیر پولیس نے مشترکہ طور پر ایک ناکہ کے دوران گرفتار کرلیا۔ اس سلسلے میں مزید تفتیش کی جا رہی ہے۔

کشمیر زون پولیس کا ٹویٹ

اس کے علاوہ گزشتہ روز جموں و کشمیر پولیس نے لشکر طیبہ سے وابستہ ایک عسکریت پسند کے خلاف عدالت میں چارج شیٹ داخل کیا۔ پولیس کے ایک ترجمان نے اپنے ایک بیان میں کہا تھا کہ ایک خصوصی اطلاع پر کارروائی کرتے ہوئے بڈگام پولیس نے سال رواں کے 20 جنوری کو ضلع کے چاڈورہ علاقے میں کالعدم تنظیم لشکر طیبہ سے وابستہ ایک سرگرم عسکریت پسند کو گرفتار کیا۔ پولیس نےکہا کہ گرفتار عسکریت پسند کی تحویل سے ایک پستول سمیت اسلحہ و گولہ بر آمد کیا گیا۔ بیان میں گرفتار شدہ عسکریت پسند کی شناخت جہانگیر احمد نائیکو ولد غلام محمد نائیکو ساکن میمندر شوپیاں کے بطور کی گئی۔