جموں و کشمیر کے ضلع شوپیاں کے رہنے والے 25 سالہ نوجوان محمد آصف بٹ ولد انور بٹ نام کے نوجوان ٹرک کے ساتھ بیرون ریاست گیا تھا جہاں وہ لقمہ اجل بن گیا۔
اطلاعات کے مطابق آصف احمد جمعرات کی صبح جالندھر پنجاب میں گاڑی پر کچھ کام کررہا تھا اس دوران اچانک وہ بجلی کرنٹ لگنے سے بے ہوش ہو گیا۔
اگرچہ بے ہوشی کی حالت میں اسے اسپتال لے جانے کی کوشش کی تاہم وہ راستے میں ہی دم توڑ بیٹھا۔ ادھر جونہی نوجوان کے آبائی علاقے اگلر شوپیان میں موت کی خبر پھیل گئی تو وہاں کہرام مچ گیا اور نوجوان کے والدین پر قیامت صغریٰ بپا ہوئی۔
آصف احمد کے ایک قریبی رشتہ دار نے اس کی تصدیق کرتے ہوئے بتایا کہ بجلی کرنٹ لگنے سے آصف کی موت ہوئی ۔انہوں نے کہا کہ آصف کی لاش کو وہاں سے واپس لانے کیلئے کوششیں جا ری ہے۔