شوپیاں:ضلع شوپیاں میں پولیس نے منشیات فروش کو گرفتار کرکے اس کے قبضے سے 748 گرام براؤن شوگر برآمد کی ہے۔ ضبط شادہ منشیات کی قیمت لاکھوں روپیے بتائی جارہی ہے۔پولیس کے ایک ترجمان نے بتایا کیا کہ جنوبی کشمیر کے ضلع شوپیاں میں پولیس کی ایک پارٹی نے ضلع کے نارواو علاقے میں ناکہ کے دوران ایک منشیات فروش کو گرفتار کیا ہے۔
انہوں نے کہا کہ مذکورہ منشیات فروش تھار گاڑی میں سورا تھا اور جونہی پولیس نے ناکہ پر گاڑی کو تلاشی کے لیے روکا تو گاڑی میں ایک پالتھین بیگ برآمد ہوا۔تلاشی کے دوران پالتھین بیگ میں 748 گرام وزن کا براؤن شوگر جسیا مادہ برآمد ہوا ہے۔پولیس کے مطابق منشیات کی قیمت بلیک مارکیٹ میں 1.05 کروڑ روپئے ہیں۔ پولیس نے منشیات فروش کو موقع پر ہی گرفتار کیا ہے اور مذکوہ شخص کے خلاف پولیس اسٹیشن شوپیاں میں ایف آئی آر نمبر 11/2024 انڈر سیکشن 8/21 این ڈی پی ایس درج کرکے مزید تحقیقات شروع کی ہے۔