جموں و کشمیر کے ضلع راجوری کے مہاڈی کالا کوٹ کے مقام پر سڑک حادثہ میں ایک 26 سالہ نوجوان ہلاک ہو گیا ہے جبکہ ایک اور زخمی ہوا ہے۔ دونوں افراد ایک ہی گاڑی میں سفر کر رہےتھے کہ گاڑی سڑک سے پھسل کر کھائی میں گر گئی۔ Road accident in rajouri
سرکاری ذرائع نے بتایا کہ گاڑی ڈرائیور کا کنٹرول کھونے کے بعد کھائی میں جاگری۔ ایک شخص ارجن شرما (26) ولد کرشن لال ساکنہ ڈالی کالاکوٹ کی موقع پر ہی موت ہوگئی جبکہ دوسرا شخص سنجے کمار (38) ولد چمن لال ساکنہ سالار کالاکوٹ زخمی ہوگیا جسے مقامی لوگوں اور پولیس ٹیم نے جی ایم سی اینڈ اے ایچ راجوری منتقل کیا۔