Electrocution in Shopian شوپیاں میں بجلی کا جھٹکا لگنے سے ایک بھائی کی موت، دوسرا زخمی

شوپیاں ضلع میں بجلی کی زد میں آکر ایک نوجوان کی موت ہوگئی جب کہ اس کا بھائی شدید طور پر زخمی ہو گیا۔ اس واقعے کے بعد علاقے میں سنسنی پھیل گئی۔

شوپیان: مرکز کے زیر انتظام یوٹی جموں و کشمیر کے ضلع شوپیان میں بجلی کے جھٹکے لگنے سے دو بھائی شدید طور پر زخمی ہوگئے۔ زخمیوں کو نزدیکی ہسپتال میں داخل کرایا گیا جہاں ایک بھائی کو ڈاکٹروں نے مردہ قرار دے دیا جب کہ دوسرے کی حالت نازک بتائی گئی ہے۔ مقامی باشندوں کے مطابق آج دن میں یہ واقعہ پیش آیا۔ اس واقعے میں ہلاک ہونے والے دونوں بھائیوں کی شناخت معشوق احمد حجام اور عرفان احمد حجام ولد محمد مقبول حجام ساکن بابہ پورہ زینہ پورہ شوپیان کے طور پر یوئی ہے۔

انہوں نے کہا کہ یہ واقعہ اس وقت پیش آیا جب دونوں بھائی بجلی کے تاروں کو ٹھیک کر رہے تھے تبھی اس کی زد میں آگئے۔ مقامی باشندوں کو دونوں کو نزدیکی ہسپتال میں داخل کرایا گیا جہاں ڈاکٹروں نے معشوق احمد حجام کی موت کی تصدیق کی۔ دوسرے کی حالت نازک بتائی جا رہی ہے۔ ہسپتال میں زیر علاج ہے۔ اس کی حالت مستحکم بتائی جاتی ہے۔

پولیس نے جائے وقوع پر پہنچ کر واقعے کا جائزہ کیا۔ پولیس نے تفتیش شروع کردی ہے۔ پولیس کا کہنا ہے کہ پورے معاملے کی تفتیش جاری ہے۔ اس معاملے میں فی الحال واضح طور پر کچھ بھی کہا نہیں جا سکتا ہے۔ لوگوں سے پوچھ گچھ کی جا رہی ہے۔