'خاندانی جماعتوں نے لوگوں کو کچھ بھی نہیں دیا'

جموں و کشمیر میں ڈی ڈی سی انتخابات میں 280 نشستوں کے رجحانات سامنے آرہے ہیں اگرچہ کئی اضلاع میں تمام سیٹوں کے نتائج ظاہر ہوئے ہیں لیکن کشمیر اور جموں صوبے کی بیشتر سیٹوں کے نتائج آخری مرحلے میں ہیں ۔

سرینگر کی تین سیٹوں سمیت الطاف بخاری کی سربراہی والی اپنی پارٹی کے امیدواروں نے بھی کئی سیٹوں پر اپنی جیت درج کی ہے۔

ای ٹی وی بھارت کے نمائندے نے سماجی کارکن اور اپنی پارٹی کے سینیئر رہنما جگموہن سنگھ رینہ سے سرینگر اور دیگر جگہوں پر نتائج کے ردعمل پر بات کی۔تو انہوں نے اپنا ردعمل ظاہر کرتے ہوئے کہا کہ جموں وکشمیر اپنی پارٹی کے امیدواروں نے بہتر کارکردگی کا مظاہرہ کر کے ان خاندانی پارٹیوں کے امیدواروں کو قرار جواب دیا ہے ۔جو گزشتہ دہائیوں ترقی کی نام پر گمراہ کرتے آئے ہیں۔

انہوں نے کہ اپنی پارٹی نے انتخابی تشہیر مہم دفعہ 370اور 35 کی بحالی کے حوالے سے لوگوں سے وہ جھوٹے وعدے اور دعوی نہیں کئے جو کہ یہاں کی بڑی اور پرانی جماعتوں نے کئے۔

رینہ نے ایک سوال کے جواب میں کہا کہ سات جماعتوں کے ملن کے باوجود بھی وہ نتائج سامنے نہیں آئے جو آنے چاہیے تھے۔

انہوں نے کہا کہ ڈی ڈی سی انتخابات کے دوراں لوگوں نے این سی، پی ڈی پی اور کانگریس کو اپنے ووٹ کے حق سے مکمل طور ناکارہ ہے ۔انہوں نے کہا جموں وکشمیر اپنی پارٹی گمراہ اور جھوٹ کی سیاست پر یقین نہیں رکھتی ہے اور نہ آئندہ رکھے گی۔