کورونا لاک ڈاﺅن پر عملدرآمد وادی بھر میں بازار سنسان، سڑکیں ویران، لوگ میں گھروں میں محصور ہوگئے۔ وادی بھر میں اتوار کو بھی صبح سے ہی معمولات زندگی مفلوج رہے کیونکہ جمعہ کو دن کے 2 بجے سے سوموار کی صبح 6 بجے تک نافذکردہ کورونا لاک ڈاﺅن پر سختی کے ساتھ عمل درآمد ہورہا ہے۔
کورونا لاک ڈاﺅن پر عملدرآمد، گاندربل سمیت وادی بھر میں بازار سنسان اور سڑکیں ویران
کورونا لاک ڈاﺅن پر عملدرآمد کے سبب گاندربل سمیت پورے کشمیر میں سبھی چھوٹے بڑے بازار بند پڑے ہیں۔ جس کے نتیجے میں مصروف رہنے والے بازار سنسان نظر آرہے ہیں۔ جب کہ سڑکوں پر بھی ویرانی چھائی نظر آتی ہے۔ گاندربل میں اتوار کے روز بھی ویک اینڈ لاک ڈاﺅن نافذ رہنے سے ہر سو بازاروں میں سناٹا چھایا رہا اور کاروباری سرگرمیاں ٹھپ ہو کر رہ گئیں۔