قصبہ سوپور اور اس سے ملحقہ علاقوں سے آئی ہوئی خواتین نے احتجاج کرتے ہوئے محکمہ جل شکتی پر انکے علاقے کو نظر انداز کرنے اور انہیں رمضان کے مقدس مہینے میں پانی سے محروم رکھنے کا الزام عائد کیا۔
احتجاج کر رہی خواتین نے بتایا کہ انکے علاقوں میں پانی کی شدید قلت ہے جس کے سبب ماہ مبارک میں بھی کافی مشکلات کا سامنا کرنا پڑ رہا ہے۔
سوپور میں پانی کی قلت: محکمہ جل شکتی کے خلاف خواتین کا احتجاج خواتین نے محکمہ جل شکتی کے دفتر کے باہر احتجاجی مظاہرے کئے جس سے ٹریفک کی نقل و حمل بھی کچھ دیر تک متاثر ہوئی۔
احتجاج کر رہی خواتین نے مزید بتایا کہ انہوں نے محکمہ جل شکتی سے پینے کا صاف پانی فراہم کیے جانے سے متعلق کئی بار گزارشات کیں ’’لیکن انہوں نے کبھی بھی ہماری جائز مانگوں پر توجہ نہیں دی جس کی وجہ سے عوام کو کافی مشکلات کا سامنا کرنا پڑ رہا ہے۔‘‘
انہوں نے انتظامیہ سے پانی جیسی بنیادی ضرورت فراہم کیے جانے کا مطالبہ کیا ہے۔
