ہندوستانی کرکٹ ٹیم کو اب آگے دیکھنے کی ضرورت ہے، کپل دیو

ہندوستان کے سابق کپتان کپل دیو نے کہاکہ ورلڈ کپ 2023 کے فائنل میں ملی شکست قومی کرکٹ ٹیم کے لئے پرانی بات ہوچکی ہے اور نوجوان کھلاڑیوں کو آگے دیکھنے کی ضرورت ہے۔Kapil Dev On Indian Cricket Team

نئی دہلی: آئی سی سی منز ورلڈ کپ 2023 کے فائنل میں آسٹریلیا کے خلاف ملی شکست کے بعد ہندوستانی کرکٹ ٹیم کو لے کر بہت ساری باتیں ہو رہیں ہیں۔کرکٹ کے دیوانے کی جانب سے قومی کرکٹ ٹیم کی حوصلہ افزائی کے سلسلے میں سوشل میڈیا پر مسلسل ٹوئٹ کئے جا رہے ہیں۔

اسی درمیان 1983 میں ہندوستان کو پہلا عالمی کپ دلانے والی ٹیم کے کپتان کپل دیو نے کہا کہ کھیل کا مطلب ہے کہ آگے بڑھنا ہوتا ہے۔مستقبل کو لے کر حکمت عملی بنانی پڑتی ہے۔اس کے بعد ہی کامیابی ملتی ہے۔کھیل اسی کا نام ہے۔

کپل دیو نے کہاکہ ہندوستانی کرکٹ ٹیم نے ورلڈ کپ 2023 میں شاندار کھیل کامظاہرہ کیا۔دس میں 10 میچوں میں کامیابی حاصل کی اور تمام بڑی ٹموں کو شکست دی۔یہ الگ بات ہے کہ فائنل میں ہماری ٹیم ہار گئی۔ہم فائنل ہرڈل کو پار نہیں کر سکے۔مگر یہ آپ کو یہ دیکھنا ہوگا کہ ٹیم کی مجموعی اور کھلاڑیوں کی انفرادی کارکردگی کیسی رہی ہے۔

انہوں نے کہاکہ ورلڈ کپ کے فائنل میں شکست کے بعد ہندوستانی کھلاڑیوں کے لئے کھیل ختم نہیں ہوگا۔یہ شیدائیوں کے لئے ہوتا ہے۔ہندوستانی کرکٹ ٹیم کے لئے آگے کی حکمت عملی بنانے پر زور دینا ہے۔ ایک میچ ہارنے سے کچھ نہیں ہوتا ہے ان کے سامنے پورا سیزن باقی ہے۔ہندوستانی کرکٹ ٹیم پھر میدان میں اترے اور جیتے گی۔

ان کا کہنا ہے کہ آج کل سوالات کئے جارہے ہیں کہ حوصلہ پست ہوگیا ہے۔یہ سب صرف اور صرف شیدائیوں کے لئے ہوتا ہے۔اس کا مطلب یہ ہوا ہے کہ ٹیم جیت رہی ہے تو سب کچھ ٹھیک ہے ورنہ ہارنے کی ضرورت میں مخالفت شروع کردی جائے جو بالکل غلط ہے۔